مساعدة فى شراء باسات ٢٠٠٩ - ١٦٠٠cc

**essam assem** · 03-02-2013 02:38 AM

السلام عليكم السادة اعضاء المنتدى الكرام

اتمنى من الاخوة الكرام خبراء المنتدى وتحديدا فى سيارات باسات انا باذن الله ذاهب غدا عشان اتفرج على سيارة باسات موديل ٢٠٠٩ و١٦٠٠cc
واللى عايز اعرفة من سيادتكم كيفية الكشف على السيارة بنفسى يعنى مثلا ازاى اعرف ان فتيس السيارة سليم ومفهوش مشكلة وبردو نفس الكلام بالنسبة الى الماطور
انا عارف ان الصح انى اطلع على اقرب مركز معتمد وان شاء الله انا هعمل كدة بس عايز الاول اتاكد ولو حتى بنسبة ٨٠٪ ان السيارة فتسها وماطورها سلام
واشكر لكم تعاونكم جميعا
وتحياتى للجميع

**Said Kotb** · 03-02-2013 07:40 AM

للعلم:
نتشة الفتيس بتبان بعد لما العربية بقت سخنة (يعني بعد تشغيلها بحوالي عشرين دقيقة).

وبتبان اكتر لما بتقرس عليها، وبالذات اكتر من نقلة التاني للتالت والعكس، وساعات تهيس وتثبت على ار بي ام للحظة قبل ماتاخد الغيار الجديد.

**essam assem** · 03-02-2013 05:10 PM

المشاركة الأصلية كتبت بواسطة said kotb

للعلم:
نتشة الفتيس بتبان بعد لما العربية بقت سخنة (يعني بعد تشغيلها بحوالي عشرين دقيقة).

وبتبان اكتر لما بتقرس عليها، وبالذات اكتر من نقلة التاني للتالت والعكس، وساعات تهيس وتثبت على ار بي ام للحظة قبل ماتاخد الغيار الجديد.

انا متشكر جدا لاهتمام حضرتك ولكن سيادتك عندك بعض المعلومات عن اسعار فتيس هذة السيارة لو حبيت اغيرة خالص وهل فى منة استعمال خارج ( استيراد)
ولك جزيل الشكر

**hany63** · 03-02-2013 08:41 PM

اهم حاجه ان العربيه تكون كل صياناتها بالتوكيل و بعدين الفتيس بتاعها ده الاوتو العادي زي اللي راكب في الياباني شغال زي الفل
انت تركز ان العربيه تكون نضيفه و مش متهانه و يا سلام لو كيلو متر قليل و بعد كده التوكيل يقول كلمته و بالتوفيق

**essam assem** · 03-02-2013 10:03 PM

المشاركة الأصلية كتبت بواسطة hany63

اهم حاجه ان العربيه تكون كل صياناتها بالتوكيل و بعدين الفتيس بتاعها ده الاوتو العادي زي اللي راكب في الياباني شغال زي الفل
انت تركز ان العربيه تكون نضيفه و مش متهانه و يا سلام لو كيلو متر قليل و بعد كده التوكيل يقول كلمته و بالتوفيق

والله يا فندم انا رحت اتفرج على السيارة اليوم وهيا مع الاسف متهانة اوى يعنى محتاجة سمكرة ودوكو ومحتاجة تظبيط الصالون بالكامل وبعض اجزاء البسيطة ولكن الفتيس والماطور زى الفل والسيارة عاملة 85000 الف كيلو

الفكرة بقى هنا لو انا عملت كل الكلام دة هتكلف كام

سمكرة ودوكو
4 كوتش
تجديد الصالون
فانوس امامى
2 مساعدين كبوت
اوكرة باب خلفى

علما بان الراجل بصراحة منزل السعر جامد عشان الحجات دية والسعر 110 الف جنية
رجاء من الاخوة اصحاب الخبرة فى هذة السيارة تقيم اسعار الاشياء المطلوب عملها للسيارة عشان اعرف بعد كدة هتوصل سعرها السوقى كام وهل هخسر كتير مع اعادة البيع ولا يعتبر كدة سعر لقطة
ولكم جزيل الشكر

**Moratoz** · 05-02-2013 07:13 PM

وهل انت متأكد ان العداد مش راجع أبعد عنها احسن العربيه المتهانه بتبقي موته انه في كل حاجة صاج وفرش وصيانه وقطع غيار مش اصليه وبعد كل ما تصرف كل دا العربيه هتبقي رشه والصالون عمرة ما هيرجع زي الاول والمهمل عمرك ما هتستريح من الشراء منه بعد كدة
دور علي واحدة نظيفه من الاول حتي لو أزيد في السعر