تجربتي لفيتيس النيو صني + نصائح

**elmoski** · 03-02-2013 11:57 AM

السلام عليكم؛؛
طبعا انا العربية معايا بقالها 3 اسابيع و انا كنت عامل موضوع بخصوص سماع صوت طقة في الفيتيس لما بجيبه علي r‏ واكتشفت بعد كدة ان الصوت ده عند صاحبي كمان فقولت ان ده العادي في الصني؛؛
المهم وعلي الرغم من اعجابي الشديد بالعربية بس ليا شوية ملاحظات علي الفيتيس ولازم يتعامل بجد زي النصائح اللي في كتالوج العربية؛؛ باختصار الفيتيس انا حاسس انه خشن اوي وخصوصا بين الp‏ والr ‎‏ او العكس بمعني ان لازم قبل ما نركن ا لسيارة نرفع الهاند و نجيب N‏ وبعدين نشيل رجلنا من علي الفرامل حتي يكون الحمل بالكامل علي فرامل اليد ثم نضغط علي الفرامل تاني ونجيب p‏ و بكدة هنتجنب الخشونة ؛؛ وبجد فعلا الفيتيس حساس اوي للحتة دي حتي لو الارض مستوية لازم الخطوات دي تتعمل لتجنب احساس التروس والخشونة ؛؛
انا حصل معايا موضوع الاحتكاك ده عند النقل من الp ‎‏ حوالي 3 مرات ومش عارف هل ممكن يكون سبب ضرر للجير ولا ايه

**engahmedsamy** · 03-02-2013 12:13 PM

عندي بردو بيحصل كدا

**john55** · 03-02-2013 12:15 PM

في هيونداي بيحصل نفس المشكله انا معايا اكسنت 2012 لما تكون العربيه وقفه في مطلع واجي انقل اسمع رزعه خفيفه في الفتيس من pاليr بيحصل نفس المشكله مقلقش وشكرا

**HaNo_ELBeh** · 03-02-2013 12:17 PM

المشاركة الأصلية كتبت بواسطة elmoski

السلام عليكم؛؛
طبعا انا العربية معايا بقالها 3 اسابيع و انا كنت عامل موضوع بخصوص سماع صوت طقة في الفيتيس لما بجيبه علي r‏ واكتشفت بعد كدة ان الصوت ده عند صاحبي كمان فقولت ان ده العادي في الصني؛؛
المهم وعلي الرغم من اعجابي الشديد بالعربية بس ليا شوية ملاحظات علي الفيتيس ولازم يتعامل بجد زي النصائح اللي في كتالوج العربية؛؛ باختصار الفيتيس انا حاسس انه خشن اوي وخصوصا بين الp‏ والr ‎‏ او العكس بمعني ان لازم قبل ما نركن ا لسيارة نرفع الهاند و نجيب N‏ وبعدين نشيل رجلنا من علي الفرامل حتي يكون الحمل بالكامل علي فرامل اليد ثم نضغط علي الفرامل تاني ونجيب p‏ و بكدة هنتجنب الخشونة ؛؛ وبجد فعلا الفيتيس حساس اوي للحتة دي حتي لو الارض مستوية لازم الخطوات دي تتعمل لتجنب احساس التروس والخشونة ؛؛
انا حصل معايا موضوع الاحتكاك ده عند النقل من الp ‎‏ حوالي 3 مرات ومش عارف هل ممكن يكون سبب ضرر للجير ولا ايه

انشاء الله ياباشا مفيش ضرر للجير ولا اى حاجه وانا متفق مع حضرتك فى خطوات التخفيف عن طريق فرامل اليد وبعد كدة اجيب ال p
مشكور على المعلومه الجامدة

**tarekMANDOUH** · 03-02-2013 12:20 PM

الموضوع دا في الصني القديمة كمان ودا طبيعي وعشان نريح الفتيس زي منتا قولت لما العربية تقف خليك دايس فرامل وهات ال البي وشد الهند وانت دايس فرامل ولما تيجي تطلع دوس فرامل ونزل الهند وهات الدي مش هتحس بالمشكلة دي .

**MR . Gold** · 03-02-2013 01:00 PM

ياباشا حلها بسيط خليك واقف علي وضع (n) والحقيقة انا في كل السيارات اللي ركبتها وقعدت معايا ماكنتش بقف نهائي علي الباركينج دايماً بقف علي وضع المور .. وبشد الهاند ومن وجهة نظري هو دة الاصلح للجير .. منعاً لتحميل السيارة علي الفتيس وهي في وضع الباركينج لو حضرتك راكن في ارض غير مستوية

**elmoski** · 03-02-2013 01:24 PM

مهو انا لما كانت معايا اللانسر كنت بعمل كدة وكذلك السيراتو لكن الصني للاسف مينفعش يطلع المفتاح غير لما تجيب علي p ‎‏ كنوع من safety

**حماده المصري** · 03-02-2013 01:33 PM

الموضوع ده في كل العربيات لان حضرتك لما بتجيب بي من غير ما تبقى رافع الهاند بتحمل على ترس البي

انما لو رفعت الهاند وحطيت بي خلاص

**dodyam** · 03-02-2013 02:02 PM

المشاركة الأصلية كتبت بواسطة elmoski

مهو انا لما كانت معايا اللانسر كنت بعمل كدة وكذلك السيراتو لكن الصني للاسف مينفعش يطلع المفتاح غير لما تجيب علي p ‎‏ كنوع من safety

هو لو حضرتك حابب تسيب العربية على الـ n

عادى جدا ممكن تركن و تسيبها على المور

**elmoski** · 03-02-2013 02:46 PM

طيب اطلع المفتاح ازاي علي n

الموضوع: تجربتي لفيتيس النيو صني + نصائح

LinkBack

أدوات الموضوع

عرض

-

المواضيع المتشابهه

النيو النترا ولا النيو سيراتو

10 نصائح للنجاه من الأزمة الأقتصادية - نصائح وإرشادات فعالة وسهلة التطبيق

النيو واجا ولا النيو اكسنت

يا جماعة حد يساعدنى اختار ايه النيو واجا ولا النيو اكسنت

الكلمات الدلالية لهذا الموضوع

المفضلات

المفضلات

ضوابط المشاركة