عايز طريقة للتخلص من صوت التحذير في حالة عدم ربط حزام الامان

**alex pharmacy** · 04-02-2013 04:42 AM

السلام عليكم
بصراعة موضوع الصفارة اللي بيطلع في حالة عدم ربط حزام الامان مزهقني

انا ربطت الحزام على الكرسي وبقيت بقعد على الحزام وهو مربوط مش بشده عليا وخصوصا وانا جوة البلد بس بصراحة بربطه وانا مسافر او حمشي في طريق ممكن اعدي فيه ال 80 او 100

بس كنت عايز اسأل هل فيه طريقة لفصل الصفارة ؟؟؟ ولا اتعايش زي ما انا عايش ؟؟

**youssef_u** · 04-02-2013 05:18 AM

يا ريت يكون في طريقة لانه بيوتر جامد و صوته عالي

**aftr** · 04-02-2013 05:20 AM

انا عندى فى m11 فيشه تحت الكرسى مش عارف عندك موجوده ولا لا وفى طريقه تانيه انك تشيل واحده من حزام الامان الخلفى وتركبها انا عامل كده

**TheUnknown** · 04-02-2013 05:54 AM

في حلين يافيشه تحت الكرسي هتفصلها، يا اما تربطوا من ورا الكرسي. بس اعمل حسابك، لو لا قدر الله في حاله حادثه الairbag حيفتح ، و يفضل انو يفتح و انت رابط الحزاماحسن اما يفتح من غيروا.

**Ahmed Amin** · 04-02-2013 07:13 AM

أنا الطريقة اللي بعملها عشان مجيش يمة الكابل أو السلك اللي بيفصل الصوت وأعد أفكه واركبه
أني بشبك الحزام بتاع الكرسي اللي جمبي لو محدش راكب معايا في المكان اللي بيتربط فيه عندي..

وعندك طريقتين تانين أسهل واحدة مكلفة وواحدة ببلاش..
أنك يا أما لو محدش ورا بيربط حزام خالص (ودا الغالب في بلدنا) أنك تفك واحدة منهم وتركبها قدام عندك علي طول أو زي ما تحب..
او الحل المكلف أنك تشتري واحدة وتشبكها منين ما تحب تسوق من غير الحزام ومتسمعش صوت الصفارة.

**engahmedsamy** · 04-02-2013 07:34 AM

في توكة بتتباع و تتحط

**Dr'AhmZZong** · 04-02-2013 08:21 AM

يا دوووووووك اربطه عليييييييك هتخسر ايييه يعني !!

و اللي راكب جنبك يربطه برده !!

أبسط مثال لو دست فرامل جامد و ال abs اشتغل ممكن لا قدر الله تخبطه في التابلوه !!!!!!!

تحياتي ..