الموضوع: مشكلة و تم حلها و بحث شخصي في البوجيهات

السلام عليكم و رحمة الله و بركاته

منذ فترة و انا ابحث في الاختلاف بين البوجيهات و بعضها و ليه واحد شمعه و ليه ثلاثة شمعه و ما تأثير الرقم الحراري علي البوجيهات عملي و قد قرأت موضوع في المنتدي هنا عن بحث في البوجيهات تعلمت منه كثيرا و لكن اردت ان اجرب عمليا
أولا :-
عندي بوجيهات بارده عن النوع الموصي به عندي نوع دينسو ركبتها منذ فترة حوالي كام شهر و طبعا انا كنت قاصد اركبها لأني كان بيحصل عندي تسقيف بسيط جدا مع بداية اي غيار لما بغير تحت ار بي ام اقل من 2 فكنت عايز اشيله

بالفعل لما ركبتها خف التسقيف و لكن لم تكن البوجيهات هي السبب فيه و اكتشفت لما اتقطع سير الكاتينة و غيرت صبابات و كاوتش صباب ان الموضوع اختفي تماما و اعتقد انه كان سببه عدم احكام غلق الصبابات مع الكاوتش او ان كاوتش الصبابات نشف

ثانيا :-
نوع البوجيهات الموصي بها في الكاتالوج عندي هو بوش زي اللي في الصورة دي بس 2 شمعه بدل 3 و لكن قلت مش فارقة و ركبت الثلاثة شمعه فترة و لكن بعدها غيرت للنوع الدينسو اللي فوق




المشكلة و كيفية حلها

حصل عندي مشكلة بسيطة و هي ان العربية لما تتركن اكثر من يومين في الشتاء فقط و الصيف لأ .. تيجي تدورها تدور عادي جدا و لكن مرات بسيطة مكنتش بتدور و طلعت عيني لحد ما دارت المهم في كل الحالات كانت لما تدور و تيجي تتحرك بيها متلاقيش عزم علي ار بي ام واطي خالص لازم تدوس جامد عشان تمشي و بتبطل كتير مع اي انخفاض للأربي ام عن 1500 لفة مع الطلعة او المشي طبعا و مكانتش تتظبط غير لما أمشي فترة ولو 5 دقائق علي سرعة فرق ال 60 الي 100 كيلومتر ...
المهم عملت سيرفيس عادي و غيرت الفلاتر و تأكدت من طلمبة البنزين و الحساسات و كله تمام مافيش اي ايرور فكرت في القصة كثيرا حتي توصلت الي البوجيهات و قلت ارجعلها البوجيهات ذات المدي الحراري الاعلي و نجرب و كانت النتيجة ان انتهي معها كل شيء و تحسن أداء المحرك بشكل جيد علي الأر بي ام الواطي و لم تعد تبطل نهائيا بفضل الله

النصائح :-
1- لا تستخدم اي نوع بوجيهات و خلاص و لكن تأكد من النوع المناسب للمحرك لديك و اللي اوصي بيه المصنع
2- تأكد من كود البوجيهات حتي ولو اختلف مصنعها لأن كل المصنعين لديهم أنواع بوجيهات مكافئة لبعضها البعض حتي و ان اختلفت ارقام المدي الحراري

ان شاء الله هدور علي الموضوع اللي تعلمت منه كل الحكايات دي و هحطه هنا في مشاركة و اي سؤال او استفسار حول الموضوع انا في الخدمه

و الله الموفق