شكرا يا قمر اخيرا وصلت للملف الشخصى ده كان مشكله هههههه
عرض للطباعة
على فكره برضه عاوز انقل تجربه مفيده اوى للساده الاعضاء عندى عملتها لما جيت اغير كاوتش السياره البريدجيستون القديم وهو اردأ فئه فى البريدجيستون اليابانى مع الاسف وكان 15/65/185 جبت بريدجيستون رياضى تايلندى نوعه my 02 الكاوتش ده فوق كلمه ممتاز جميل جدا بس خليت المقاس 15/60/195 ملاحظاتى بقى ثبات ممتاز غرز على سرعات فوق 120 كم بأمان غير الاول خالص تحس ان العفشه من تحت اختلفت من حيث ايه فى المطبات والطرق المعرجه كنت بحس بشخلله واصوات غريبه كده بعد تركيب الكاوتش ده بالنقشه الرياضيه الموضوع ده قل بنسبه 80% مثلا غير ان صوت السياره فى المطبات اصبح مكتوم وفيه ثبات غير الاول خالص حبيت بس انقل تجربه حلوه عشتها للاخوه الاعضاء المحترمين لسه بقى موضوع عمود الاتزان ده وربنا يسهل فيه فيه ملحوظه تانيه الكاوتش ده جبته شهر مارس 2013 كان سعر الفرده الواحده 605 جنيه والنتروجين مع الاسف اتحاسبت عليه 20 جنيه وتم تركيب 2 بلف على حسابى و2 بلف على حساب التوكيل فيت& فيكس اليى فى كليوباترا شارع بور سعيد فى الاسكندريه وطبعا دلوئت اكيد سعره زاد بس كاوتش عن جد حلو
على فكره النهارده كنت بعمل صيانه 50000 الف كيلو وسألت المهندس هناك عن موضوع عمود الاتزان اليى هو الاستبليزر وكمان سألته عن البوجيهات ngk البلاتينيوم وكان رده عليا ان شركه نيسان تمنع منعا باتا تركيب استبليزر على نيسان صنى ex saloon بدون الجنوط الاصليه بتاعه السياره اليى هى بتنزل مع super saloon وده لدواعى امنيه خاصه بالسياره ولما سألته ان فيه ناس كتير مركباه كان رده انا مستعد ابيعهولك على ضمانتك الشخصيه وحيتكلف من غير تركيب بالمركز 1500 جنيه وكمان بخصوص البوجيهات قالى انها حتتلف الموتور مش حتحسن فيه اى حاجه وعلى مدى قريب مش بعيد حتى لو جبت نفس مواصفات البوجيه القديم لانها غير مطابقه للعمل من الجانب الفنى مع موتور نيسان الشكل القديم وانا معايا 2012 على فكره وده كان رده عليا بخصوص موضوع البوجيهات البلاتينيوم وكمان عمود الاتزان اى حد عنده فتوى بقى يفتليلنا بقى يا جماعه عشان الموضوع ده محيرنى اوى وكمان الراجل ملهوش مصلحه فى انه يجاوبنى بالشكل ده وان الشركه الام نيسان منعت تركيب البوجيهات وعمود الاتزان فعلا لجوانب امنيه ودمتم بخير
من فضلك كنت عند انى مركز صيانة
الاعضاء هنا بيقولوا ان عمود الاتزان فارق كتير مع العربية
وبخصوص البوجبهات البلاتين بلاش منها انا جربتها وكنت جيبها معايا من امريكا بس الغربيه برجلت وعملت حركات نص كم
لما سالت عرفت ان البوجيهات ده ليها طقم سلك بوجيه مخصوص مش نازل مع العربيه
بأختصار انا النهارده كنت بعمل صيانه 50000 ك ولما روحت التوكيل فى ك27 طريق اسكندريه مصر الصحراوى حبيت اسأل عن عمود الاتزان اليى هو الاستبليزر الامامى وطبعا انا معايا موديل 2012 ex saloon وكمان البوجيهات ngk بلاتينيوم افادنى المهندس هناك ان الاستبليزر لازم يكون معاه جنوط السوبر صالون الاصليه غير كده لا ودى تعليمات من شركه نيسان الام لان حسب قوله ان اتزان السياره مش حيكون بشكل سليم فلو حبيت اشترى العمود بمشتملاته حيعمل حوالى 1500 جنيه بدون تركيب وطبعا التركيب مش حيكون عندهم لانهم مش حيضمنوه غير كده البوجيهات قالى بنفس الحرف كده حتبوظلك الموتور حتى لو جبت نفس كود البوجيهات القديمه لان البلاتينيوم لها مواصفات خاصه مش موضوع ان عمرهم الافتراضى اعلى وبرضه قالى على ضمانتك الشخصيه حبيت انقل للاعضاء تجربتى لعل وعسى تكون مفيده للبعض ودمتم بخير
اى فتى من فضلك وضح كلامك عشان لو تقصد بكلامك ده انا احب اعرفك ان الكلام ده من المهندسين فى توكيل الاسكندريه ك 27 وانا مجبتش شيىء من دماغى وكمان الكلام بخصوص البوجيهات البلاتينيوم وان فيه ناس بتقول تغير الاسلاك الكهربائيه وان السياره سوف تعمل بكفاءه الكلام ده غير مظبوط ايضا لان كل موتور له خصائص فنيه معينه فيه حاجات ممكن تعدل فيها للافضل بالفعل وده بيكون لان المصنع بيحتاج انه يقلل النفقات قدر المستطاع زى فلتر التكييف مثلا لانه السياره بدون فلتر حمايه بتكون عرضه للاتربه والغبار الذى يعلق بمواسير التكييف بشكل كبير مما يكون له عظيم الاثر بعد ذلك على كفاءه التبريد وفيه حاجات مينفعش انك تعدل فيها من الاساس وبيكون غالبيتها فيما يتعلق بالموتور وخلاصه القول يا سيدى براحتك انا قولت معلومه معينه لكى يستفيد منها البعض لو مش عاوز تستفيد يبقى اقل تقدير بلاش كلامك ده يانهار اسود عالفتى والذى منه يا ريت يكون الاسلوب افضل من ذلك لان الفتى اليى تقصده لو كان انا احب اعرفك انى اكبر منك سنا بقدر كبير ولا داعى ابدا للاسلوب بهذه الطريقه مع شخص اكبر منك سنا وخلاصه القول انا قولت حاجه واجهتها عاوز تسمع بيها زى متحب ولو مش عاوز يبقى فيه اسلوب جيد اكثر من ذلك للتعليق على الموضوع او ان لم تكن من محسنى استخدام الاسلوب الجيد فالافضل الصمت مع الشكر
السلام عليكم
ممكن حد يبعتلى علي الخاص عنوان المركز والتكلفه كام .
شكرا مقدما
:S_thum1[1]::S_thum1[1]::S_thum1[1]: