-
مطب بسرعه
السلام عليكم
ابارح كنت فى اكتوبر ،، وكنت تايه فى الطريق وماشى بسرعة تقريبا من 60 ل 80 ،، كنت باصص فى الموبايل ومخدتش بالى ان فيه مطب صناعى ،، طبعا رحت اكلته بسرعتى
هو المطب مش وحش ،، هو عامل زى اللى على المحور فى اكتوبر اللى هو مش عالى اوى وعريض ،، انا خايف يكون حصل حاجه فى العفشه ،، انا مش حاسس بحاجه غريبه بس بعدها سبت الدركسيون لقيت العربيع بتسيح يمين مش عارف بقى ده من الاول ولا من المطب ده ،، مش عايز اشتغل نفسى واروح اعمل كشف زوايا والكلام ده ،، ايه رايكم؟؟
-
انت كدة كده هيبقي عنك تهيأت لفترة روح اكشف علشان تتطمن او لو معاد الصيانه بتاعك قريب
-
-
ربط عفشه واظبط زوايا واكشف على المساعدين فيهم تسريب زيت ولا لأ (لو كانت المساعدين زيت مش غاز).
بس ان شاء الله خير لأني اكلت مطب اخوه قبل هايبر على سرعة 120 والحمدلله ماحصلش حاجه غير ان قلبي وقع في رجلي :d
-
خد اخو فى مدينة بدر وكنت برده على 80 تقريبا او اكتر وملحقتش نفسى
ومن ساعتها اتعلمت انى مجريش فى طريق معرفوش
-
ظبط زوايا و ربط عفشه .
عشان نفسيا متبقاش قلقان يا ترى حصل حاجه و لا لأ و ان شاء الله خير و ابقى طمنا .
-
كلنا ولله الحمد بنلبس زيك كدا بالظبط وربنا بيستر معانا حكم طرقنا ولله الحمد بين كل مطب:مطب وحفرتين وبينهم بلاعة بغطاء مقلوب....*
-
ياااااااااااه اخوك اكل من ده كتير
هو الوسواس هيمسكك شويه بس قبل اى حاجه شوف الكاوتش الاول مظبوط الضغط فيه ولا لا لان لو فرده مريحه العربيه هتحدف منك ولو مظبوط فى الصيانه ابقى ظبط زوايا وربط عفشه
-
مبدئياً متزعلش نفسك انت في مصر عادي يعني..
ثانياً عشان تبقي متطمن علي الآخر ومرتاح اعمل الآتي :-
- ارفع العربية..شوف في أي تسريب من أي نوع تحتها ولا لا.
- ربط عفشة واظبط زوايا.
* خد بالك إن العربية مصفحة من تحت تصفيح كامل..سواء شاسيه - ماكينة - فتيس.
ان شاء الله مفيش أي حاجة
-
الحمد لله
انتا كويس
و فعلا حسب الاراء روح راجع على العفشه و ظبط زاوايا و العربيه و هى مرفوعه ابقى بص كده من تحتيها
الحمد لله
Content Relevant URLs by
vBSEO 3.6.0 PL2