مطب بسرعه

**Mohamed Bander** · 04-02-2013 05:53 PM

السلام عليكم

ابارح كنت فى اكتوبر ،، وكنت تايه فى الطريق وماشى بسرعة تقريبا من 60 ل 80 ،، كنت باصص فى الموبايل ومخدتش بالى ان فيه مطب صناعى ،، طبعا رحت اكلته بسرعتى

هو المطب مش وحش ،، هو عامل زى اللى على المحور فى اكتوبر اللى هو مش عالى اوى وعريض ،، انا خايف يكون حصل حاجه فى العفشه ،، انا مش حاسس بحاجه غريبه بس بعدها سبت الدركسيون لقيت العربيع بتسيح يمين مش عارف بقى ده من الاول ولا من المطب ده ،، مش عايز اشتغل نفسى واروح اعمل كشف زوايا والكلام ده ،، ايه رايكم؟؟

**Moratoz** · 04-02-2013 06:00 PM

انت كدة كده هيبقي عنك تهيأت لفترة روح اكشف علشان تتطمن او لو معاد الصيانه بتاعك قريب

**mahmoud_afifi** · 04-02-2013 06:29 PM

ربط عفشه واظبط زوايا واكشف على المساعدين فيهم تسريب زيت ولا لأ (لو كانت المساعدين زيت مش غاز).

بس ان شاء الله خير لأني اكلت مطب اخوه قبل هايبر على سرعة 120 والحمدلله ماحصلش حاجه غير ان قلبي وقع في رجلي :d

**dozo** · 04-02-2013 08:41 PM

ظبط زوايا و ربط عفشه .
عشان نفسيا متبقاش قلقان يا ترى حصل حاجه و لا لأ و ان شاء الله خير و ابقى طمنا .

**sakr_skoda** · 04-02-2013 08:53 PM

كلنا ولله الحمد بنلبس زيك كدا بالظبط وربنا بيستر معانا حكم طرقنا ولله الحمد بين كل مطب:مطب وحفرتين وبينهم بلاعة بغطاء مقلوب....*

**طارق _عبد السلام** · 04-02-2013 08:56 PM

ياااااااااااه اخوك اكل من ده كتير
هو الوسواس هيمسكك شويه بس قبل اى حاجه شوف الكاوتش الاول مظبوط الضغط فيه ولا لا لان لو فرده مريحه العربيه هتحدف منك ولو مظبوط فى الصيانه ابقى ظبط زوايا وربط عفشه

**inspiron** · 04-02-2013 11:18 PM

مبدئياً متزعلش نفسك انت في مصر عادي يعني..

ثانياً عشان تبقي متطمن علي الآخر ومرتاح اعمل الآتي :-

- ارفع العربية..شوف في أي تسريب من أي نوع تحتها ولا لا.
- ربط عفشة واظبط زوايا.

* خد بالك إن العربية مصفحة من تحت تصفيح كامل..سواء شاسيه - ماكينة - فتيس.

ان شاء الله مفيش أي حاجة