طرمبة الميه لفورد اسكورت ١٣٠٠ ب ٥٥٠ جنية فى التوكيل
هل ممكن الاقيها فى حتة تانية أرخص؟؟
عرض للطباعة
طرمبة الميه لفورد اسكورت ١٣٠٠ ب ٥٥٠ جنية فى التوكيل
هل ممكن الاقيها فى حتة تانية أرخص؟؟
والله حضرتك انا اعرف واحد في مدينه نصر عمارات رامو-قصاد سيتي ستارز ( من جوه بين العمارات مش من عالطريق بره ) ده عنده جميع قطع الغيار لفورد اسكورت كنا بنتعامل معاه زمان ومعروف هناك لو حضرتك تروح وتسال هتلاقيه بسهوله ...
المحل اللي يقصده ابو صلاح اسمه (الباسم) ، لكن لو لقيت ان الفرق بين الطرمبة اللي عنده مهما كانت بلد صناعتها وبين الأصلية اللي من التوكيل - فرق مش كبير يبقى هات الأصلية طبعا.
فى محالات كتير بتبيع قطع غيار فورد فى المواضيع المثبته حتلاقى عنواين و ارقام محلات قطع الغيار
خليك مع الطرمبة الاصلي افضل
وصلت لاية يا باشا
نخلي بالنا من حاجة يا جماعة
انا عارف ان سعر قطع غيار دورة التبريد الاصلية حاجة تنقط
بس و انت بتتكلم عن طرمبة المياه انت بتتكلم عن اهم جزء بالنسبة للموتور الفورد
العربيات الفورد بتتحمل اعمال شاقة جدا و تقدر تبهدل العربية و تفترى عليها زي ما انت عاوز عدا نقطة المياه
اقل خلل في دورة التبريد بيكلفك موتور
موضوع فيه تسريب مياه بسيط
ده موضوع خطر جدا فعليا
انت كدة عندك تسريب في الاويل سي الي راكب قدام رمان البلى الي على اكس الطرمبة و بكدة تكون في خطر انه يضرب مرة واحدة و يسرب المياه كلها
و غير كدة بما انه بيسرب المياه يبقي بيسرب ضغط الهواء من الدورة و ده معناه انه مفيش تبريد تقريبا و ده خطر جدا
انصحك تغير الطرمبة في اقرب وقت
و نصيحتي ليك هات الاصلية
بس ممكن يا جو يجيبها من يافا او سامي او الصيرفي هتكون ارخص بكتير وكمان هيلاقي ايطالي واسباني بسعر كويس بدل التوكيل
يوم الجمعة ياشباب كشفت على الميه لقيتها نزلت من ال max للـ min لكن ده حصل في فترة 6 شهور تقريبا.
النقص ده طبيعي في الفترة دي ولا ممكن يكون فيه حاجة؟
انا شاكك انى برضوا محتاج اغير الطرمبة لان مع السرعات العالية والسفر حرارة العربية بتعلى ومبتنزلش عن النص وكل لما السرعة تزيد كل لما الحرارة تعلى بالرغم من ان المروحتين شغالين كويس وكمان من فترة كنت غسلت الدورة وسكلت الريداتير
بس كنت عايز اروح الاول اشيك على التاكيهات
اسكورت 98 1300 الريداتير الومنيوم والعربية راكب فيها تكييف
جمال انيس في شامبليون اسعاره معقوله و كمان في واحد قدام بدروسيان اسمه ابراهيم في مخزن في الدور التانيه في العماره الي فيها جمعيه منجي الدواجن بالتوفيقيه اسعاره كويسه جدا و عنده كل ما يخص الفورد ده شقه مش محل معمول مخزن بيبيع لفورد
والله اعلى واعلم انا ان عندى شق فى طرمبه الميه فى اخر الصيف اللى فات وعمانها ب ار اند دى ولحد دلوقتى الحمد لله شغاله زى الفل ممكن تجربه لحد متجيب طرنبه