الموضوع: سيارتي العزيزه جين٢ للبيع

للبيع جين٢ موديل ٢٠١٠
اللون : ازرق زهري او bassion blue
فول اوشن اوتوماتيك
عداد ٥٣٠٠٠ كيلو
فابريكا بالكامل بره وجوه ( لا يوجد بها خبطات من الاساس والخرابيش لا تري بالعين المجرده )
صيانات بالتوكيل فقط لا غير حتي اخر صيانه ال ٥٠٠٠٠
لا تحتاج اي مليم
كماليات السياره لمن لا يعرفها
باور سنتر انذار تكييف امبولايزر مرايات كهربا زجاج كهرباء فوج لايت امامي وخلفي بارك سينسور
مالتي فانكشن مفتاحين بالطبع واحد منهم لم يستعمل اطلاقا
التحكم في اضاءه العدادت ووضعيه الدريكسيون في انجاهين اعلي واسفل
كمبيوتر رحلات ( زمن الرحله ومتوسط استهلاك البنزين وساعه والمتبقي للبنزين بالكيلومتر الخ )
اضافات عن الفابريكه
جنوط اسبور مومو اصلي نفس مقاس الاوريجنال والاوريجنال موجود بحالته الفابريكه التغيير كان لتغيير الشكل ليس اكثر
فوانيس ليدات وعدسه امامي تايواني اصلي وفوانيسها الفلبريكه بحالتهم الزيرو في الكراتين والتغيير كان لتغيير الشكل ليس اكثر
زينون فيليبس اصلي من هاشم باص الموديول الكبير من سنتين تقريبا تم تركيبه بالتوكيل لضمان جوده التركيب
فرش كامل للسياره من جينز كار لكامل السياره ( ارضيه وشنطه وكراسي وكنبه وابواب وطاره وهاند بريك ومسند اليد فرش cbs جلد اسود مطعم باحمر ) يكفي اني اقول ان فرش الفابريكه لم يتم استخدامه سوي مشوار ما اخدت العربيه من التوكيل لحد الحاج احمد مشعل قبل ما اركب نمر واستلم ورقها )
فلتر سيموتا كاربون اصلي المقاس الكبير ( الانتيك كامل ) والفلتر الفابريكه بعلبته بكل حاجته الاصليه مكرتن وزي ماهوه والتغيير كان ..... :)
طقم كاوتش بريدجستون تورنزا ياباني موديل تقريبا gr90 هوه حاجه ٩٠ علشان ابقي دقيق تم تركيبه في ال ٣٨٠٠٠٠ يعني لسه جديد والفرده كانت ب ٧٠٥
بطاريه ac delco جديده مكملتش شهر ونص
تاريخ السياره في الاعطال
لله الحمد العربيه شاريها من ٦/٢٠١٠ حتي الان لم يتم بها اي عطل يوقفها عن الحركه او تستدعي جرها او نقلها بونش لا قدر الله كل اللي حصل فيها صيانات بالاضافه الي
١- اضافه تعديل علبه الدريكسيون مجانا من الوكيل وهوه شاءع في السياره التعديل ده عباره عن خرطوم كاوتش بيجلفن بيع ماسوره باور خارجه من علبه الدريكسيون علشان تمنع الخبط اللي بيتسمع في الشوارع المكسره والمدقات
٢- تم تغيير طرمبه الباور في الضمان مجانا في احدي الصيانات لاكتشافهم بعيب صناعه بها
اي استفسار انا حاضر
وسبب البيع : النيه للسفر وربنا يكرم
السعر : ٧٨ الف جنيه نهائ ان شاء الله والمعاينه خير دليل والكشف في التوكيل اضمنلك وليا
مكان المعاينه ٦ اكتوبر
ملحوظه : العربيه لسه في الضمان حتي ٦٠٠٠٠ كيلو بالاضافه اني مأمن تامين شامل ينتهي في ٦ القادم وهوه تمام عامها الثالث ولله الحمد لم استخدمه ولا مره
ملحوظه اخيره : السياره دي وشهاده حق من امتع السيارات اللي ركبتها في حياتي ويعلم ربنا ان مفيش مره اتكلمت عنها الا وانا واثق من كل كلمه قلتها في حقها العربيه دي اصيله جدا واعتماديه جداااا والبيع فعلا لاني بحاول اخرج من البلد اللي كل يوم قسوتها علي عيالها بتذيد