العربية عندى لما امشى بيها مشوار و تسخن تلاقيها بتسقف خفيف لو دوست دوسة خفيفة و لو كبست لا ، يا ترى ايه القول الفصل مع العلم انى مغير بوجيهات و فلتر من اقل من 10000 كيلو و منظف البوابة و حاطط منظف دورة و العربية سيراتو 2010 .
عرض للطباعة
العربية عندى لما امشى بيها مشوار و تسخن تلاقيها بتسقف خفيف لو دوست دوسة خفيفة و لو كبست لا ، يا ترى ايه القول الفصل مع العلم انى مغير بوجيهات و فلتر من اقل من 10000 كيلو و منظف البوابة و حاطط منظف دورة و العربية سيراتو 2010 .
متابع للاهمية ، علشان عندى نفس المشكلة وقرفانى
نفس ردك كلمة كلمة وحرف حرف
بس أضيف إن التوكيل قال إن دا بسبب سوء البنزين على المدى الطويل أو القرص عليها وانت حاطط بنزين سيء أو بنزين 80 أوقات لو حصل
ودا تراكم للكربون في السليندرات فوق البيستونز
وحلها انهم بيفكو وينظفوا الكربون بس لأنه بيعوق حركة البيستون انها تكمل للآخر فيحدث خلل في توقيت الإشتعال
وقاللي حل كمان أسهل بس على مدى شهرين تنحل المشكلة
شهرين كاملين تمون 95 وتأكد انك تقرص على العربية جامد علشان تنظف الكربون المتراكم نتيجة البنزين السيء أو بنزين 80 حتى
ولكن هيهات بعد رفع الدعم
صوت التسقيف عاجبني
أهو الواحد يحس إنو راكب شيشة وعمال يكركر
كور كور كرو كرو كرررررركر
:) :) :) :)
طيب و إيه الحل فى الموضوع ده أنا اشتريت فلتر بنزين تانى و فلتر هواء و بوجيهات ان جى كى و بفكر أجيب سلك بوجيهات مع ان العربية ما وصلتش ٤٠٠٠٠ كيلو و الا هنفضل نكركر كده كتير و اروح اركب الحاجات دى مع انى حطيت أوكتان بوستر و نفس النتيجة و الا أخد مشوار و الا إيه بالضبط.
أولا تأكد من نوع البوجيهات وانها النوع المصى به بالكاتلوج
وشوف الموضوع ده
http://www.nilemotors.net/Nile/333989-a.html
وهات منظف دورة البنزين stp fuel system cleaner وحطه على تفويله كامله 92 وأطلع مشوار طويل
ونشوف ايه النتيجه
مشكور استاذ hossamalsadik
نسيت أقول
الباشمهندس اللذوذ في التوكيل كان قايلي لا منظف انجيكتورز ولا أوكتين بوستر ولا السيراتيك
لأن الفائدة المقصودة منها بناخد منها حاجة بسيطة جداً لعلاج المشكلة اللي عندنا دي
وفي المقابل هنحتاج نستخدمها كتير لتعظيم الفائدة
وفي ذلك أكبر الضرر على جيبك وعلى أجزاء الموتور
حطيت منظف دورة الوقود و مشيت بيها بس مش مشوار ما البلد على طول مخنوقة و مش عارف فى اى اضافه تحل المشكلة دى و الا لله الامر و على فكرة نسيت اقول انى نظفت البوابة كمان و مفيش فايدة اول ما تسخن فى الزحمة و تدوس على البنزين شويه تلاقى كوكا بتسقف تسقيف بسيط بيروح بعد ما الطريق يفتح و تأخد سرعتها.
سؤال فى حد جري يركب بوجيهات 3 او 4 شمعة يمكن يكون ده حل يا ريت حد يقول ايه نوعهم.
شوف الموضوع ده والمشاركه رقم 14 عن استخدام منظف دورة البنزين
http://www.nilemotors.net/Nile/28133...post3874222438
اما لوتقدر تنظف دورة البنزين كامله عند مكانيكى بسعر اقل نضف
للأسف انا عندي نفس مشكلتك في الكرولا برضو,
ورحت النهارده غيرت بوجيهات كرولا أصليه وفلتر هواء ونضفت البخاخات وركبت جلب كاوتش بتاعة البخاخات توكيل برضو ونضفت البوابه وكل ده كلفني في حدود ستميت جنيه مصري(أنا حاليا في الكويت-الأسعار ناااار)وطلعت بيها مشوار نص ساعه علي سرعه مابين 120 الي 150 كيلو وجيت بالليل بخرج بيها ولقيتها بتكركر برضو بس بسيط جدا وطفت كمان مني.
أعملها ايه تاني أكتر من كده.انا ناقص ابوس كاوتشاتها علشان تمشي عدل معايا.
يا رجاله غيرت بوجيهات و فلتر هواء و فلتر بنزين و مفيش فايده أغير كابلات البوجيهات و خلاص و الا اعمل إيه طبعا فى تحسن فى العربية بس التسقيفة لسه موجوده و عرفت انها عيب شائع فى السير اتو
هي العربية مانوال ولا اوتو؟
تحياتي
Sent from my SE Arc S using Forum Runner
بالنسبة لى انا اوتو وعندى نفس المشكلة
-يا باشا مشكله التسقيف دي مزمنه و ملهاش حل أنت بس ممكن تقلل التسقيف
-تقريبا نسبه الانضغاط ال 10.5:1 دي عايزه بنزين 95 بس بعد ال6 جنيه أستحاله أحط في عربيه كوري 95
-أنا عندي أكسنت RB تقريبا نفس الموتور بتسقف برده
-انا بعمل حاجتين لتقليل التسقيف:1. بعمل reset ل ECU كل شهر مثلا التسقيف بيروح فتره كويسه
2. لما التسقيف بيزيد بطلع على طريق سريع على Steptronic و بنقل على RedLine
-المفروض التوكيل يبقى عنده ECU Update للمشكله ده بس ده هيبقى على حساب الأداء
-المنظفات مع البنزين مجرد رمي فلوس في الأرض
اللى اعرفه ان التسقيف او الكركره بيظهر مع تشغيل التكييف لكن من غير التكييف بيكون غير ملحوظ
نسبة الانضغاط العالية للمحرك غير مناسبة لا اوكتان البنزين
وده السبب الرئيسى للتصفيق... كمان تكون بعض الرواسب الكربونية
على سطح الاسطوانات بيؤدى لسبق اشعال فى غير التوقيت المناسب
بس مع احترامى للاخ بتاع التوكيل مين اللى بيفك موتور علشان ينظف
رواسب كربونية ؟؟؟!!! بصراحة يعنى ما شفتش كده
الحلول المتاحة يا أما بنزين بأوكتان اعلى وده بقى حل غير عملى ومكلف
القيادة داخل المدينة (الزحمة عموما) بالاستيبترونك على الغيار الاقل المناسب للسرعة
كلما اتيحت لك الفرصة فى طريق مفتوح أقرص على الموتور شوية
للتخلص من الرواسب الكربونية اللى بتؤدى لظاهرة سبق الاشعال
تنظيف البوابة ومنظف الانجيكشن فعال فى استجابة المحرك وفوقانه
بس مالوش علاقة بتنظيف رواسب الكربون او ظاهرة التصفيق
طيب طالما المشكلة في الرواسب الكربونية اكيد
أعتقد مفيش افضل من الموتور فلاش لازالة الرواسب عن بكرة ابيها ولكن طبعا مش حاجه كويسه استخدام الفلاش بانتظام...
لكن في حاجه ذهبية ورخيصه اتعلمتها من ال بشمهندس سبعاوي...
هتجيبو منظف دورة الوقود اللي بيتحط عالتفويله
وهتجيبو سرنجه 50 سم
وهتفكو البوجيهات
وتحطو 30مل جوه كل سلندر وتستنو من ربع لنص ساعه
بعدها تدو مرتين تلاته مارش والبوجيهات مفصولة كل ده عشان يتطرد محتويات كل سلندر من فتحة البوجيه
وتركبو البوجيه وتدوروا وتدعولنا....
كمان في حاجه ممكن تتعمل تأخر الشرارة شوية وهي انكم توسعو الثغره بتاعت البوجيهات شويه..
يعني لو هي بتتظبط على رينج من 0.07-0.09 تخلوها عالرقم الأعلى
أتمنى منكم تقولولي لو جربتو ايه الاخبار ومتقلقوش العمليات دي مش هتأثر على حاجه باذن الله...
تحياتي
Sent from my SE Arc S using Forum Runner
على فكرة العربية اوتو و خلاص زهقت تكرر تسقف خلاص زهقت
أعمل الكلام الى قالوا د. حازم
بس خلاص
عندي نفس المشكلة :s
معلش يا جماعة مضطر اصحى الموضوع ده تانى بعد الجو ما بقى حر فالموضوع بيبتدى بدرى بالله عليكم نعمل إيه خلاص الواحد مل من الموضوع ده و مفيش أى أفكار جديدة
للاسف دي الطريقة الوحيدة اللي جت فبالي وهي مش هتاخد وقت كتير ولا حاجه...
انا جربتها في الماروتي والمبدأ واحد...
متقلقش مفيش منها ضرر ان شاء الله بس ممكن تحل المشكلة كاملة وتبقى تتعمل مع الصيانه الدوريه...
تحياتي
Sent from my SE Arc S using Forum Runner
متابع
ده البيحصل عندى ولكن لما اقرص على الغيار مش بسمع الصوت ده انا عندى الديسك تعبان شويه ممكن يعمل كده
التسقيف ده سببه حاجات كتير
سخونه
نوع البنزين
بوجيهات
رواسب كربونيه )لكن دي بعد مسافات تشغيل طويلن جداا مش 40000 ونادرا الحاله دي ما بتحصل في العربيات وحلها وش السلندر يتفك والغرف بتتنظف )
ممكن كمان يكون فيه ابديت للكنترول دي تسألو فيها التوكيل