انا روحت امبارح غيرت الشكمان العلبه اللي في النص وعلبة البيئه لانهم خدوا خبطه واتطبقوا فركبت العلبه اللي في النص ياسين وعلبة البيئه ابو اليزيد بس مش الفحم حاجه اسمها الرنان عند واحد في مدينة نصر وخد 350جنيه كده حلو ولا ايه افيدونا افادكم الله...
عرض للطباعة
انا روحت امبارح غيرت الشكمان العلبه اللي في النص وعلبة البيئه لانهم خدوا خبطه واتطبقوا فركبت العلبه اللي في النص ياسين وعلبة البيئه ابو اليزيد بس مش الفحم حاجه اسمها الرنان عند واحد في مدينة نصر وخد 350جنيه كده حلو ولا ايه افيدونا افادكم الله...
المبلغ ده كله على بعضه ؟؟ العلبتين + المصنعيه يعني
اه العلبتين + المصنعيه بس هو ركب علبة البيئه مش الفحم حاجه اسمها الرنان لان قالي البيئه مفيش منها غير استيراد ومش عنده
والله على كلامك يبقا الراجل عمل معاك واجب , لان العلبه الرنانه بتاعت ابو اليزيد لوحدها بـ 350 جنيه !! فأنا مستغرب
عالعموم بص على الموضوع ده كده , كنت بشرح فيه تجربتي من سنتين مع قصه مشابهه لقصتك
http://www.nilemotors.net/Nile/178045-a.html
ونصيحه ماتشتريش علبه بيئه استيراد
شكرا يا باشا علي ردك مهو قالي العلبه مش جديده ده حاجه زي استعمال بس انا شوفتها نضيفه جدا بصراحه فكده حلو ولا ايه؟
العلبه الرنانه بيبقي جواها زي مصفه .. لو هيه إستعمال .. مابيبانش حاله المصفه اللي جوه .. حتي لو نضيفه من بره ..
أنا ف رأيي الحاجات دي ماتجيش مستعمله.
والله يا استاذ عمرو انا بعد مهو ركب عرفت الكلام ده وقالي لو حصل اي حاجه في خلال سنه تعالالي وانا اغيرلك اللي انت عايزه وانا جربت العربيه امبارح مفيهاش حاجه ومفيش حتي سخونيه عند فرامل اليد فقلت استني لو في حاجه اروحله..
ومعلش عندي استفسار تاني بخصوص قاعدة الموتور اللي في النص الميكانيكي قالي عايزه تتغير وسالت عليها في ابو اليزيد اللي في فيصل قالي ب50 جنيه كوري انا مش عارف اركب ايه والاصلي بتاعها بكام وايهم احسن افيدونا..
هاتها أصليه من التوكيل.
الأصلى موجوده عند المنير فى فيصل بتاعت gm ب 110 انا لسه مركبها
مين ابواليزيد اللي في فيصل ده :) ماخدتش بالى منه قبل كده
عالعموم :-
قاعدة الموتور الأصليه تمنها 150 جم (تقريبا)
قاعدة الموتور الكوري تمنها من 45 الى 50 جنيه , وغالبا هي مش كوري ولا حاجه
انا كنت شاري قاعدتين الموتور الكوري وقاعده الفتيس من التوفيقيه من حوالى 4 سنين بـ 45 جنيه (الواحده) وركبتهم عند محمد عبده (وحتى وقتها عجبوه لانهم نضاف) , بس للأمانه اليومين دول انا حاسس انهم باظوا وعايزين يتغيروا
وللاسف انا ماجربتش القواعد الاصليه عشان كده مقدرش احكم على اداءهم او عمرهم الافتراضى , بس منطقياً هما اكيد احسن من القواعد الرخيصه
الاصلي جايبها من سرور ب 130جم من اسبوع بعد تغيير 2 كوري في خلال اربع اشهر
اللي حضرتك مش واخد بالك منة ان علبة البيئه القديمة بتاعتك تساوي 80 او 100 عالاقل.... الحشو الاصلي لعلبة البيئة القديمة غالي جدا