الموضوع: برجاء المساعده اماكن الكشف على اوبل كورسا 2005

انا اسف يا جماعه واضح انى سالت سؤال من بره المقرر
متشكر على كل حال

باشا عندك التوكيل و عندك اوتو ماستر خلف جامعة الازهر و عندك احمد عبد الراضى فى المعادى( و ده اللى انا كشفت عنده) و عندك صابر فى رابعة و فى الحرفيين.
و العربية جميلة و ادائها ممتاز و انا مقبلتش معاها مشكلة الحمد لله

انا شاكر جدا لاهتمامك
سؤال تانى معلش هتقل عليك
هو صابر متعرفش يكون شغال لحد الساعه كام وشغال يوم الجمعه ولا لا
ومتشكر جدا مره تانيه

بص روح لعبد الراضى فى المعادى لو لقيت التوكيلات غالية. الصراحة فى الكشف برنس. كنت هشترى عربية و البنزينة اللى خلف مدرسة المنهل قالولى العربية ممتازة و لما رحت لعبد الراضى اكتشفت ان فيها ربع.

المشاركة الأصلية كتبت بواسطة ahmed mfo

انا زميل من قسم نيسان
كنت محتاج مساعدتكم معروض عليا عربيه اوبل كورسا موديل 2005 عاداد كيلو متر 70000 كيلو فبريكا بره وجوه و مطلوب فيها 48000 لسه مشفتهاش كل ده على لسان الناس فى المعرض
كنت عايز اعرف هل السعر مناسب
مكان جيد ومضمون للكشف عليها (ساج و عفشه و متور و تكييف و عداد كيلو متر )
هل يوجد مشاكل واضحه فى الموديل ده
معلش عارف انى بتقل عليكم
وشاكر جدا مقدما

مبدائيا بالنسبه للكشف ... فاطلع علي التوكيل او اتوماستر في الحي السادس .. او مقار في الدقي
انا كشفت في اتوماستر قبل كده ... هيجبلك كل اللي انت اتكلمت عليه دا .. و هيطلعلك المهندس في الاخر اساله في كل اللي انت عايزه و اتناقش معاه و شوف اسعار الحاجات اللي فيها ( الاسعار في التوكيل مبالغ فيها جدا جدا )
الكشف كان ب 305ج بالضريبه
اما بالنسبه للعربيه دي .. هي معايا من اربع شهور ... ماشاء الله عليها .. و قطع غيارها متوفره .. و هتلاقيها منها الرخيص و الغالي ..و الجديد و الاستيراد ...العيب اللي انا شايف انها ضايقه شويه من ورا .. يعني يا دوبك 3 متوسطين ..
اما بالنسبه للسعر .. انا شايفه قليل اوي علي عربيه 70000 ك و فبريكه بره و جوه ...المواصفات دي مش هتقل عن 52000 مثلا ...ف ركز اوي في الكشف ليكون فيها حاجه .. و خصوصا انك شاريها من معرض
ربنا يوفقك

انا شاكلر جدا لاهتمامكم و هحاول اتصل باوتو ماستر على الرقم واحاول احجز