اقتراح للضغط على التوكيل علشان حقنا ميضعش و وائل عطيه ميزعلش

**kamel mahmoud kamel** · 27-06-2007 09:55 AM

يا جماعه انا عندى فكره بس مش عارف حيبقى ايه رأيكم فيها
متيجوا نتفق كلنا نروح مع بعض مره واحده التوكيل مجموعه على الصحراوى و مجموعه على جسر السويس بس نجمع عدد محترم و من غير حجز كمان و اللى يقدر يحجز يحجز و نتكلم كلنا مع مدير المركز او الناس اللى موجوده هناك و نقدم شكوه جماعيه على موضوع التيل و اى حاجه تانيه هما متباطئين فيها و نقف كلنا مع بعض و اكيد محدش حيكدب المجموعه
و كده احسن ما كل واحد يروح لوحده و يسوفوله و بدال منقعد نقول استاذ فلان كان عندكو و اشتكى او فلان انتوا غيرتولو حاجه و بتقولولى مش موجوده اهو كله يبقى موجود و على عينك يا تاجر و نزنقهم و نشوف رد فعلهم ايه
مجبتش نتيجه نعمل تجمع تانى فى الأداره نفسها و نطلب نقابل حسن ابو الفتوح بس كلنا نبقى ايد واحده مع بعض
ايه رأيكم ؟؟؟؟؟
مهندس كامل محمود
اسبرانزاوى رقم 3

**وائل عطية** · 27-06-2007 10:05 AM

يا باشمهندس كامل
والله مصدر زعلى هو الصالح العام للجميع وإحساسي بأن كان من الممكن نعمل حاجة من خلال الضغط عليهم
والله أنا مزعلتش على نفسي وبشكل شخصي أنا زعلت من التجاهل والتكاسل اللي شفته، لأن معظم الناس هنا اللي عامل ألف كيلو واللي عامل خمسة، فالكل معتقد إنه بعيد عن موضوع التيل دا ولسه بدري على ميعاد تغيير، يبقى نستنى لما يتحل الموضوع لوحده..
دا مش منطق سليم، وأنا مثال قدامكم على كده، لأنهم أجبروني على تغيير التيل على حسابي، لأني وصلت 20 ألف بيه
عموماً أنا باشكرك على فكرتك وهى فعلاً ممتازة وأنا مستعد للمشاركة وبإيجابية كاملة معاكم.

**mido777** · 27-06-2007 10:10 AM

برغم انى مش اسرانزاوى ... شايف انكم لو فعلا نفذتوا الموضوع ده يبقى معنى كلمة الرابطة اللى انتوا بتتكلموا عليها

وبجد ياريت تتحدوا وتعملوا الموضوع ده لأنه ح يمع جامد جدا وحيتعملكم حساب بعد كده فى كل حاجه

**kamel mahmoud kamel** · 27-06-2007 10:17 AM

والله يا وائل انا اشتكيت من موضوع التيل ده كتير فى جسر السويس و اخر مره كانت فى اول مايو و مهندس خالد محيى و مهندسه رويدا عارفين الكلام ده فى جسر السويس بس الظاهر ان دكتور شوقى ميعرفش علشان محدش قاله لان انا بروح السبت و هو مش بيبقى موجود يوم السبت بس انا الصفاره تقريبا مش موجوده من بعد اخر مره بس برضه كل مبروح باشتكى من التيل
عامة لازم فعلا نشوف حل معاهم علشان الطناش ده مش فى التيل بس و لكن اى شكوه تانيه لازم يتشافلها حل

مهندس كامل محمود
اسبرانزاوى رقم 3

**fady** · 27-06-2007 11:01 AM

فكره كويسه
انا رايح الصحراوي يوم السبت ان شاء الله من بدري يعني على 8:30 ان شاء الله
حد عنده النيه تاني؟

**fady** · 27-06-2007 01:15 PM

انا كلمت الصحراوي دلوقتي و قلتلهم انا عندي ميعاد يوم السبت ان شاء الله
و سالتها مباشرة "انا التيل عندي بيصفر هيتغير ولا لا؟"
هيه قالت لي على حسب ما تتفق مع المهندس اللي بيستلم منك العربيه
اعتقد كده واضح ان الموضوع مافيهوش rules و ان اللي يقدر على حاجه يعملها
انا ناوي ارخم جامد يوم السبت ان شاء الله و ربنا يدبر اللي فيه الخير.