الموضوع: أخيراااااا الصني رضيت علي و عملت 700 كيلو في الصفيحة ! هههههههههه قصدي في التنك :))

اعزائي و أحبائي أعضاء قسم نيسان الكرام ..

تحياتي طيبة و بعد ,,

أنا عارف إن عنوان الموضوع غريب و خصوصا لملاك الصني القديمة زي حالاتي

معروف إن الصني القديمة عربية غول بنزين زي ما السمعة طالعة عليها ..

و أنا حبيت اثبتلهم العكس إن شاء الله ..

تعالوا ندردش عن عربيتي شوية !!

أنا معايا عربية كحيانة اسمها نيسان صني ..

عربية غريبة كده ..

حاقدينها كتييييييير ..

مشاكلها قليييييييل ..

ههههههههههههههههه
..........................................

مواصفات عربيتي كاملة :

نيسان صني n16 الشكل القديم موديل 2010

اللون : نبيتي

موتور : qg16de .. 1600cc

نوع الفتيس : اوتوماتيك

الفرامل : abs ebd bas ..

الصيانة : كلها بالتوكيل

عدد الكيلوهات : 34 ألف كيلو !

نوع زيت الموتور : liqui moly toptech 4100

فلتر هواء عادي الورق المعفن ده هههههههههه الأصلي طبعا ..

نوع البوجيهات : standard : bkr5e

الكاوتش : 185/65 r15 ضغط الكاوتش 33 قدام .. 30 ورا

طبعا باين إن كل حاجة فيها ال stock بتاعها ..

أنا من زمان كان نفسي احسب استهلاك عربيتي في البنزين طبعا أنا سمعت قصص و روايات عن
الموضوع ده ههههههههههه

أنا قلت اعمل حاجة فريدة من نوعها بس هي حركة جريئة شوية حبتين تلاتة هههههههههه

نوييييييت أفول العربية و امشي بيها لحد مايفضى التنك بتاعي اللي هو 50 لتر من البنزين الصافي ..

طبعا هيطلع واحد و يقولي و لما يفضي هتعمل ايييييييييه يا حلو :

عملت حسابي على 5 لتر معايا في جركن عشان لو وقفت و 95 كمان عشان متزعلوش !!!

المهم لفيت أرض الله الواسعة و اتبهدلت في كل حتة شوية و بلاد توديني و بلاد تجيبني

لحد !!!!!!!!

.
.
..
.
.
.
.
.
.
..
.
.

ماقلت كفاية عليكي كده و هي عاملة

700 كيلو .. كيلو ينطح كيلو ااااااااه أنا حقاني

يعني اللتر عمل 14 كيلـــو متر بالتمام و الكمال !!

يعني في الصفيحة 280 كيلو !!

ما شاء الله اللهم لا حسد يعني ههههههههههه

تعالوا كده نفصل الطرق اللي أنا مشيت فيها :

أولا مرة أو مرتين كان واحد راكب العربية معايا لمدة 50 كيلو في الاثنين ..

التكييف اشتغل مرتين لمدة 10 دقايق و 5 دقايق ..

85% : طرق سريعه على سرعة 90 كيلو من غير أي حرق و معدتش 2800 rpm في أي نقلة ..

15% : طرق زحمة ساعات بتبقى زحمة قوي و ساعات بتبقى عادية .. كانت طلعتي كلها حنية مابعديش 1500 rpm على الاول .. و كانت دوستي خفيفة جدا ..

أيوه يا جماعة صدقوا !!!!!!!!!!!!!!!!!!

الخلاصة بقى يا جماعة :

يارييييييت كل واحد فينا لما يتكلم عن عربية يبقى جربها كويس لمدة لا تقل عن 5000 كيلو ..

لازم يبقى متابع كل صيانتها مايبخلش عليها بحاجة ..

ميسمعش من حد و يحكم كده و خلاص ..

لازم يبقى عارف عربيته كويس !!!!!!!!!!!!!!!!!!!!!!!!! ..

و من حق الكبيييييير اييييييييييه !!!!!!!!!!!!

يدلع

ههههههههههه


اااااااااااااااه نسيت حاجة صحيح !!


العربية موقفتش مني و هي عاملة 700 كيلو و رحت فولتي ساعتها على طووووووووول و خدت 49.6 هههههههههههههه هههههههههههههه

حظوظ بقى معلش هههههههههههه

و إن شاء الله في صيانة 40 ألف اللي جاية بتاعتي فيها حاجات حلوة هتساعد كمان بلاش احرقها


يا رب الموضوع يكون عجبكم ..


تحياتي ..

و


السلام .......................................