الموضوع: انا اترفع عليا مطوة وشومة يارجالة

يعني ايه يبقي معاه حشيش وتتراضو المفروض حق الدولة عليه ان الشرطة لازم تمسكه وتعمله محضر تعاطي
حتي لو انت سامحت عن موضوع الخناقة

المشاركة الأصلية كتبت بواسطة salah_86

السلام عليكم ورحمة الله وبركاتة
انهاردة كنت ماشى فى حالى ولقيت بنزينة عاملة زحمة وانا كنت ماشى اقصى الشمال المهم كل حبة بدخل يمين علشان امشى ومدى اشارة وبتحرك واحدة واحدة والله
المهم لقيت اقصى اليمين فاضى :b4_048: ابص يمينى قوى مفيش حد جاى المهم بدخل يمين وخدو بالكم انى مدى اشارة
الاقى تاكسى سوزوكى كان ورايات وقام مطلع بوز عربيتة نفس الطلعة بتاعتى يعنى ورايا وهب وانا بطلع لقيت المعلم طلع زى الصاروخ وكان هياكلى ربع العربية اليمين الامامى وفجاة لقيت نفسى بلم العربية فى اقصى الشمال المهم مش يسكت ويحط فى بقة -------- لا ازاى لازم يطلع ايدة ويبرطم المهم انا الصراحة مسمعتوش بس هو اكيد قل ادبة المهم انا اصلا اتنرفزت فتحت الزجاج وقلتلة انت بتبرطم بتقول ايه
قالى انا حر اعمل اللى انا عاوزة وانت طالما مش عارف تسوق روح بيتكو قلتلة انت اللى مبتعرفش تسوق واسكت بقى نزلى من العربية وقعد يتنطط ويقولى نعم وشوية كلام انا محبش افتكرة المهم قلتلة انا مش هرد عليك انت شخص مش محترم المهم قالى هكسرهالك قلتلة متقدرش والصراحة شكلى ساعتها كان عامل زى الراجل اللى فى مسرحية اخويا هايص وانا لايص ---- متقدرش من نرفزتى والله المهم قالى هتشوف المهم بقى بيطلع ويوقف مرة واحدة علشان انا اخبطة وتناه ماشى فى نفس طريقى بس بغلاسة كل شوية يقف وانا الصراحة ضايقتة بالكلاكس بس والله مش شتيمة مجرد انى بدوس كتير بس علشان يمشى
المهم وقف ونزل ورفعلى شومة وقالى اكسرهالك قلتلة متقدرش راح رامى الشومة وطلع المطوة المهم الناس اتلمت
انا بينى وبين نفسى مخدتش حقى انا اتعلم عليا رحت ماشى بتالعربية بغلس علية قصدى انرفزة يجى ورايا وسحبتة زى الجردل لحد ما قربت من قسم شرطة وجنبة المركز ورحت ساحب هاند وقفت العربية بالعرض
واناديت على الالمنا والعساكر جم قلتلهم الراجل دا طلع علية مطوة وانا محامى وببلغ عنه دا معاه مخدرات فى العربية
وبقت هوجة والناس اتلمت يقوم الافندى اللى مش محترم يقولى ليه كدا يابية منت شتمتنى قلتلة ياراجل اتقى الله انا مكلمتكش اصلا انت اللى بجت فيا قعد يشتم نفسة وطلع الموس وشرح نفسة وقعد يقول خلاص انا خدتلك حقك منى
الطريف بقى ان جه ضابط قالة انا عاوز افتش العربية ولقية معاه حشيش بس فى الاخر رسيت انى اتراضيت وسبوة يمشى وانا محبتش اكبر الموضوع اكبر من كدا لان مراتى كانت فى العربية جنبى
بس انا بجد مضايق مبقتش عارف البلد رايحة على فين حرام والله اللى بيحصل فينا

حبيبى ياابوصلاح والله انا مش عارف اقولك ايه بس اللى اقدر علية انى سعيد بشجعتك اللى بقت شبة انعدمت بس تعالى نرجع شوية للاول مادام الموضوع عدى على خير بدون اى اصابات للعربية او لاى شخص داخل العربية يبقى اقول حصل خير و وربنا هيرزوقه بواحد اغبى منة ويظبطه ويمكن قبل ماتخلص الدعوة عليه هتلاقى لابس فى اى عربية لان النوعيه ديه مش بتزهق من كتر التنتيط
وبعدين انتا معاك مراتك يعنى ماينفعش باى حال انك تتهور وتعمل حاجة ممكن تخلى فى حاله من الارتباك او الخوف من حدوث كارثه اكبر خلى بالك
صدقنى عمرهم مايتعلموا ابدا لان ديه طبيعت بنى ادم وممكن يطلع شارب او متنيل شامم اى حاجه يبقى ايه الوضع ليك واللى معاك
وبلاش ياعم حكات ماكيفر دية وتجرى وتكسر وتشد وتنزل وتتخانق خلاص البلد بقت فوضى فى كل شئ سواء فوضى اخلاقيه او فكريه او ثقفية او او او
على فكره المسرحيه اللى كان الراجل القصير بيقول ماتقدرش مع الفنان محمد صبحى هى مسرحيه ((الهمجى))
انا بفكر بس
تحياتى ليك وحمدلله على سلامتك

المشاركة الأصلية كتبت بواسطة al_manara

عفوا . لو معاك واحد ست (مراتك-والدتك-اختك-قريبتك) ماتتكلمش .
لاكن لو لواحدك .....

+11111111111111111111111111111111

والله يارجالة الواحد بقى محبط على الآخر ومفيش عندى امل ان البلد تنصلح بس بحبها ومليش غيرها ويصعب عليا انى اسافر واسيب اهلى وناسى بس بجد مش عارف