محتار ما بين التيدا و السي اليزيه

**ahmed2002xp** · 06-02-2013 01:24 PM

السلام عليكم و رحمة الله و بركاته,

كنت عايز اعرف رأيكم في المقارنة بين مميزات التيدا و السي اليزيه الجديدة .... انا عايز احجز عربية من دلوقتى و محتار ما بينهم و اللي محيرنى اكتر طبعا هو ان سي اليزيه لسه محدش جربها او ابدى رأيه و انطباعه عنها و لسه هتكون متاحة في شهر ابريل ان شاء الله .... فا أستنى شوية ولا احجز من دلوقتى تيدا ؟

أنا بفكر احجز العربيتين و اخد وقتى في التفكير بس اكون حاجز دوري و عندما استقر علي واحدة فيهم نهائي اسحب مبلغ الحجز بتاع التانية.... مش عارف الفكرة دى تمشي ولا مفدم الحجز مفيهوش رجوع و مينفعش اسحبه ... معنديش خبرة بموضوع الحجز الصراحة .... يا ريت تفيدونى

**S O P H O S** · 06-02-2013 01:45 PM

تيدا سيدان ؟

**ahmed2002xp** · 06-02-2013 01:49 PM

نعم سيدان إن شاء الله

**AlGazar2** · 06-02-2013 04:06 PM

لو بين التيدا سيدان و السى اليزيه عن نفسى افضل السى اليزيه شكلها افضل من بره و عربيه واسعه بحر
فى اعتقادى هتبقى اثبت من التيدا على السرعات العاليه

عيوبها انها لسه بتتجرب فى مصر بس ده بقى شئ عادى حاليا ( الريو و الار بى مثلا كده برضه ) و السيراتو لما نزلت
توكيلها فيه مشاكل مع عربيات بروتون بس الناس بتوع سيتروين مبيشتكوش منه

قطع الغيار هتبقى واحده تقريبا و ممكن التيدا تبقى اغلى عشان الين و الدولار
السى اليزيه هاتنزل الصين فهيبقى فى قطع غيار صينى و تايوانى للرفارف و الفوانيس و اكسسوارات العربيه

فى رايى ان السى اليزيه افضل من النيسان تيدا سيدان

بس لو هاتش هختارها لانى بحب العربيات الهاتش :)

**S O P H O S** · 06-02-2013 04:13 PM

اعتقد فعلا السي هتتفوق فالثبات والشكل
انما التيدا هتتفوق فالتوكيل وقطع الغيار الانتشار الاكبر بالاضافة انها عربية جيدة
عموما اميل للتيدا فالمقارنة دي مع ان السي عربية مش وحشة
كلامي رأي ليس الا
وربنا يوفقك للافضل فيهم ..

**ahmed2002xp** · 06-02-2013 11:29 PM

المشاركة الأصلية كتبت بواسطة algazar2

لو بين التيدا سيدان و السى اليزيه عن نفسى افضل السى اليزيه شكلها افضل من بره و عربيه واسعه بحر
فى اعتقادى هتبقى اثبت من التيدا على السرعات العاليه

عيوبها انها لسه بتتجرب فى مصر بس ده بقى شئ عادى حاليا ( الريو و الار بى مثلا كده برضه ) و السيراتو لما نزلت
توكيلها فيه مشاكل مع عربيات بروتون بس الناس بتوع سيتروين مبيشتكوش منه

قطع الغيار هتبقى واحده تقريبا و ممكن التيدا تبقى اغلى عشان الين و الدولار
السى اليزيه هاتنزل الصين فهيبقى فى قطع غيار صينى و تايوانى للرفارف و الفوانيس و اكسسوارات العربيه

فى رايى ان السى اليزيه افضل من النيسان تيدا سيدان

بس لو هاتش هختارها لانى بحب العربيات الهاتش :)

جزيل الشكر لمرورك الكريم علي الموضوع و علي رأيك المفيد ...... بالنسبة للابعاد و قاعدة العجل و الشنطة فا السي اليزيه اكبر .... تقريبا هى الاكبر في فئتها ..... و فعلا اللي محيرنى انها لسه تحت الاختبار .... بس انا بفكر جديا دلوقتى انى احجز الاتنين ( السي اليزيه و التيدا سيدان ) و اخذ قراري خلال الفترة القادمة قبل التسليم اللي ممكن يكون في ابريل تقريبا إن شاء الله

**ahmed2002xp** · 06-02-2013 11:33 PM

المشاركة الأصلية كتبت بواسطة s o p h o s

اعتقد فعلا السي هتتفوق فالثبات والشكل
انما التيدا هتتفوق فالتوكيل وقطع الغيار الانتشار الاكبر بالاضافة انها عربية جيدة
عموما اميل للتيدا فالمقارنة دي مع ان السي عربية مش وحشة
كلامي رأي ليس الا
وربنا يوفقك للافضل فيهم ..

عندك حق فعلا و ده اللي حاطتنى في حيرة .... التيدا فعلا مميزاتها انها عربية محترمة و التوكيل بتاعها محترم و انها متجربة و معروفة في السوق ..... و السي اليزيه عربية برضه محترمة بس محدش جربها و التوكيل بتاعها عنده مشاكل يمكن اكثريتها مع بروتون مش سنروين ...
ربنا يجزيك خير و وفقنا الله و اياكم للافضل دائما

**ahmed2002xp** · 08-02-2013 12:30 AM

لسه محتار و مش عارف احدد ..... التيدا ولا السي اليزيه ؟؟؟

**Land_Cruiser** · 08-02-2013 12:51 AM

اعتقد ان التوكيل و الانتشار وتوافر قطع الغيار هيكونوا فى صالح التيدا فالعربيه موجوده منذ سنوات فى السوق و مشاكلها قليله جدا ممكن يكون منها الثبات على سرعات عاليه بعد ال ١٣٠ مثلا و ان كان الكلام ده حتى بيبان على الهاتشباك اكتر من السيدان. بالنسبه لل سيتروين طبعا ماركه عريقه جدا فى صناعه السيارات إنما القلق منها انها غير منتشره و عبر تاريخها فى مصر لم يكن لها موديل منتشر فى مصر زى البيجو مثلا او حتى الرينو و لذلك الموضوع ده ممكن يبقى مقلق شويه من ناحيه التوكيل و توافر قطع الغيار و اللى بالتأكيد هيبقى له اثر على سعر اعاده البيع . فى الطبيعى بره ان الواحد ما يشيلش هم موضوع قطع الغيار و مدى جوده التوكيل لكن عندنا النقاط دى مهمه جدا لان المشترى ممكن يواجه مشاكل لاحصر لها بسبب النقطتين دول و لذلك يجب التأكد منهم و الانتظار حتى يتم سماع آراء مالكيها قبل اتخاذ قرار الشراء لتفادى حدوث مفاجآت غير ساره بعد ذلك و الكلام ده مش على سيتروين تحديدا لكن بقى على اى حاجه نازله جديد و خاصه فى ظل ازمه الدولار علشان الواحد ما يشتريش عربيه جديده و لما تحتاج قطعه غيار ما يلاقيش فى التوكيل فيضطر يركنها و يركب تاكسيات