اقتباس:
المشاركة الأصلية كتبت بواسطة dr.hazem
عودا حميدا يا إسلام يا غالي...
كنت عايز اعرف منك لما اتقطعت الكاتينه حصل حاجه للماتور بالأحرى الصبابات ولا مخصلش حاجه وركبت الجديد وخلاص؟؟
لان انت تالت واحد اعرفه يقطع معاهم الكاتينه والاتنين التانيين محصلش معاهم حاجه وركبو الجديد وبس وكله تمام...
لاني كنت بتناقش من فتره مع واحد وقالي ان العربيات اللي بكامه واحدة غالبا لو قطعت الكاتينه مبيحصلش حاجه وعالاقل بينفع ان البستم يكون مقعر فيها بحيث انه ما يضربش الصبابات بخلاف الاكثر من كامه....
تحياتي
Sent from my SE Arc S using Forum Runner
كنت بقرأ فى منتدى آخر كدة عن حاجات فى الموتور عندى
المهم لقيت موضوع بالصدفة واحد بيسئل على نوع الموتور وبيقول هل هو موتور interferance ولا لأ
المهم ماكنتش فاهم طبعا يعنى اية :fdsa:
ف الفضول خلانى اقرأ عن الموضوع دة
فى نوعين من تقنية او هندسة صناعة المواتير
interference
و Non interference او free runing
الفرق مابينهم :hug3:
It's worth mentioning the two sub-types of 4 stroke engine at this point. Because the valves always open inwards, into the combustion chamber, they take up some space at the top of the chamber. In an interference engine, the position of the piston at the top of its stroke will occupy the same physical space that the open valves do whilst the piston is at the bottom of its stroke. It's important to know if your engine is an interference engine because if the timing belt breaks, at least one set of valves will stop in the open position and the momentum of the engine will ram the piston in that cylinder up into the valves requiring a very expensive engine repair or replacement. In a non-interference engine, the valves do not occupy any space that the piston could move into, so if your timing belt snaps on one of these engines, in 99% of cases you won't suffer any valve damage because the piston cannot physically touch the open valves. That is the technical explanation of why its important to get your timing belt changed at the manufacturer-specified mileage.
http://en.wikipedia.org/wiki/Interference_engine
http://www.freeasestudyguides.com/in...ce-engine.html
فى المحركات الرباعية الاشواط الصمامات بتفتح فى اتجاة الداخل فى الاسطوانة وبتاخد حيز مساحة معينة من سطح السلندر كما بالشكل
http://t1.gstatic.com/images?q=tbn:A...HSLkLLcpTYFsZB
فى المواتير ال interference البستم وهو فى شوطة لأعلى لغاية النقطة الميتة العليا TDC بيحتل نفس حيز المساحة اللى بياخدها الصمام وهو بيفتح
http://www.rbracing-rsr.com/turbo/squishband.jpg
طيب المشكلة هنا فين ؟
المفروض ان الصمام بيفتح لأخرة وياخد حيز المساحة دى براحتة وهو البستم فى اسفل نقطة لية
طب الموضوع دة بيتظبط ازاى ؟؟ :toothgrin:
عن طريق التوقيت timing او الكاتينة (سير الكاتينة ) timing belt او timing chain (جنزير الكاتينة) او timing gears (الكاتينة على تروس)
اللى بدورها بيظبط حركة عمود الكرنك (cranckshaft) مع عمود التاكيهات (camshaft)
وبالتالى بيظبط حركة عمود الكامات مع عمود الكرنك اللى بدورة بيظبط حركة البساتم والصمامات بحيث ان البساتم والصمامات ماتقابلش بعض فى مشوارهم عشان ماتخبطش فى بعض
ودة اللى بيخلى الموتور يجيب صمامات فى اغلب الحالات اللى بيتقطع فيها سير الكاتينة
يعنى بالعامية كدة او بالبلدى فى المواتير ال interference
الصمامات ليها مشوار والبساتم ليها مشوار
الصمام فى مشوارة بيوصل لنقطة معينة ... نفس النقطة دى بيوصلها البستم فى مشوارة وبالتالى لازم كل واحد يخلص مشوارة براحتة من غير ما التانى يزعجة عشان مايخبطوش فى بعض
واللى بيظبط العملية دى هو الكاتينة سواء كان سير او جنزير او تروس اللى بالبلدى كدة بتقول للبستم امتى يطلع مشوارة او يستنى وللصمام امتى يطلع مشوارة او يستنى
المهم دة الموتور ال interference
طب ال non interference او ال free runing
برضو بيستعمل نفس تقنية ال timing او االكاتينة سواء كانت سير او جنزير او تروس
بس بيختلف هنا ان الصمامت مابتوصلش فى مشوارها لنقطة تتلاقى فيها مع البساتم
يعنى اخر مشوار فتح الصمام بيوصل لنقطة معينة بينها وبين اخر مشوار البستم لأعلى (مساحة بسيطة) بتحول دون التقاء الاتنين فى نفس النقطة
كما بالشكل
http://www.carrsmith.com/images/engine_types.gif
http://www.usedcarsmedwayma.com/uplo...7649153985.png
معنى الكلام دة اية
معناة ان انت لو موتورك interference يبقى لو لاقدر الله سير الكاتينة قطع منك غالبا هيحصلك مشاكل فى الصمامات والبساتم :burger:
اما لو موتورك Non interference والسير اتقطع هات سير تانى وركبة وامشى عادى جدا ولا كأن حصل حاجة لأنة مابيحصلش للموتور اى حاجة :mad2:
طيب سؤالين كدة على السريع ممكن ييجو فى دماغك وانت بتقرا الموضوع
1- اية اللى يخلى المصانع تعمل تقنية interference بدل من ال non interference بالرغم من ان التقنية الاولى فى حالة قطع الكاتينة الموتور بيحصلة ضرر كبيير ؟!!
2- اية الفرق بين سير الكاتينة الكاوتش وجنزير الكاتينة وتروس الكاتينة ؟!
السؤال الاول ...
الاجابة :
اللى بيخلى المصانع تعمل مواتير interference ان فى التقنية دى بتقدر تطلع اداء اعلى من الموتور
ازاى ؟!!
فى التقنية دى الصمامات بتفتح بشكل اكبر عن التقنية التانية وبالتالى بتدخل خليط هواء وبنزين اكتر وبالتالى بتديك اداء اعلى
السؤال التانى ...
الاجابة :
ماعرفش كتيير عن الموضوع دة غير ان الكاتينة الجنزير والتروس بتبقى عملية اكتر بكتييييييييييير من الكاتينة السير (الكاوتش) ودة لأنها مش معرضة للقطع زى السير الكاوتش
بس الاتجاة فى معظم العربيات للكاتينة السير عشان صوتها اهدى من الكاتينة التروس والجنزير
دة لينك يعرفك اذا كان موتورك interference ولا لأ
http://www.gates.com/part_locator/in...chGatesPopular
بعد ماتكتب بيانات عربيتك
هايطلعلك كذا جدول كدة
فى الجدول اللى تحت كلمة Timing Belts & Components
لو لقيت فى اول خانة او تانى خانة كلمة interference بالأحمر يبقى موتورك interference اما لو الخانات دى فاضية يبقى non interference
ربنا يستر طريقنا جميعا