الموضوع: سير الكاتينة (هو ده وقته ؟؟؟)

في حالتي انا و لأن سير الكاتينة ده شئ مش شايفينه و زي ما تقول انت و نصيبك فيه
فأقولك تغيره بدون تفكير لأنه يعتبر رخيص
لأن من المفترض صلاحية السيور بتكون 3-4 سنين و بعدها تماسك السير بيقل مش زي الأول

عشان الميكانيكي يشوفه لازم يفك العلبة اللي عليه يشوفه لكن حالته متدلش علي قوته
انا اشتريت في 2012 سير دينامو انتاج 2009 و تشوفه تقول عليه لسه طالع من المصنع مكملش معايا شهرين حتي

بخصوص البلية ع حسب لو خشنة او قربت و لا لأ الميكانيكي برده بيشوفها بس لازم يشيل السير عشان يكشف عليها

الأنواع طبعا الأفضل لو تجيب من منفذ بيع قطع غيار التوكيل السير الأصلي ياما تشوف حاجة زي الصن الياباني او الكونتيننتال اوروبي و ده واخد توكيله الشركة الهندسية ش رمسيس و اسعاره كويسة و كله بيشكر في السير لكن مجربتش و طبعا جيتز الانجليزي بس تخلي بالك انه يكون أصلي
حاول متسترخصش في السير ده بالذات و متجيبش من اماكن او انواع غير معروفة لأن ليا تجربة سيئة مع محل ميدو الكينج في احمد حلمي كانت بسببه الموتور هيجيب صبابات و صمامات لو كنت استنيت شوية جبت من عندهم سير كاتينة و بلية بيقولوا عليها اس جي بي كان يومها معايا ابو حازم
مكملوش 8000 و لقيت صوت عالي من ناحية السير قولت مبدهاش اروح اشوف طلعت السير منقر و محفر و متاكل و البلية كانت خشنة جدااا و كانت شبه بتلق و كذلك سير الدينامو و فلتر هوا مفيش حاجة كملت 8000

و متجيبش اي نوع هندي مش معروف و اللي يقولك ده الأصلي بتاعها يا باشا سيبك منه مفيش حاجة اسمها ده الأصلي بتاعها هو بيلعب معاك في الكلام المقصود بالاصلي بتاعها يعني اللي يركب لكن اكيد مش انتاج المصنع

القصة دي تاخدلها نص ساعة و ساعة لو الميكانيكي بيدلع و اللي بيتفك العلبة اللي راكبة ع شمال الموتور و انت واقف قدامه السير بيكون وراه

بالنسالي مش مقتنع نهائياً بتغييره قبل 5 سنوات أو 40 ألف كيلو مع العلم ان الكتالوج كاتب 100ألف كيلو....
وبالنسبه للشكل فهو مبيبانش عليه ولو لقيته مشقق شوف البليه وشوف المسننات ممكن واحد منهم ليه طرف حاد...
سيور الكاتينه النضيفه بيدخل في تصنيعها فتل من الفايبر جلاس بتمنع انه يتمدد او يرتخي او يتقطع بسهولة وعمر هذه المواد لا يقل عن 6 سنوات....
تحياتي

Sent from my SE Arc S using Forum Runner