عطل في لادا سمارا

**ahmedelaraby** · 06-02-2013 02:45 PM

عندي سيارة لادا سمارة لسة شاريها من شهر العربية كان فيها عيوب كتير بس الحمد لله اتصلحت ف العفشة والكهرباء بس الموتور مجتش جانبه لحد دلوقتي
المهم العربية بدأت تقطع معايا وشويه وتدور غيرت بوجيهات وسلوك بوجيهات بقت كويسة

العيب اللي تاعبني ان العربية كانت اول ماجبتها وهي باردة الصبح اول ما ادوس بنزين تبطل يعني وانا بدور لازم ادور بالكونتاكت فقط من غير مدوس بنزين الا بعد 3 دقايق
دلوقتي بقى تدور بس لما ادوس بنزين تبطل حتى لو شعرة بنزين تبطل ومش عارف حتى اتحرك بيها ومركونة تحت البيت ومش عارف احركها ومش عارف ايه ده

ياريت تفيدوني عشان محتاج العربية ضروري جدا

عايز حل حتي يمشيني لحد الميكانيكي عشان اشوف ايه المشكلة وممكن تكون من ايه

**hatsat** · 06-02-2013 03:12 PM

كدة العربية بتشرق حاول تبص على وير البنزين الى واصل للكربيراتير ممكن يكون معلق وكمان بص على مسمار التعلية بالكربيراتير حاول توطى سنة واخيرا بعد ما تمشى خلى ماخصص كاربيراتير يفحصة

**MEKAWY2000** · 06-02-2013 05:31 PM

متابع

**ahmedelaraby** · 06-02-2013 06:04 PM

المشاركة الأصلية كتبت بواسطة hatsat

كدة العربية بتشرق حاول تبص على وير البنزين الى واصل للكربيراتير ممكن يكون معلق وكمان بص على مسمار التعلية بالكربيراتير حاول توطى سنة واخيرا بعد ما تمشى خلى ماخصص كاربيراتير يفحصة

شكرا لردك بس لو بتشرق مكانتش تدور اساسا انما ديه بتدور عادي جدا بس لما تدوس بنزين تبطل كمان البنزين مش معلق لان صوت العربية كان واطي وعادي وكانت ماشية علي كدة

كمان انا عايز امشيها لاي حد بتاع كربراتير مش عارف واكيد مش هأخدها زق لحد الصنايعي
فعايز حل ممكن انا اعمله ؟؟؟؟؟؟؟!!!!!!!!!!!!!

**ahmedelaraby** · 07-02-2013 10:40 AM

ايه يا جماعة معقول محدش قابلتة مشكلة زي دي قبل كدة

**SHNORY** · 07-02-2013 09:51 PM

دا عادي يا باشا
العربيه الصبح بيكون البنزين طار من الكربراتير
وعندي في اول الدواره لازم اسايسها بنزين لحد ما تبدا تسخن
لو كبستلها بنزين اول ما تدور حتبطل
بس لما تكارك شويه حتلاقيها شغاله تمام ومش بتبطل
لو الموضوع ده عاملك مشكله بص علي كابل الهوا لو مش راكب اشتري واحد وركبه
وابقي شده الصبح وانت بتدور