شوفوا التوبك دة هو عندة حق بس اية احسن رد عشان متبقاش دعاية سلبية لمصر
http://forums.myspace.com/t/4052389....=1&SortOrder=0
عرض للطباعة
شوفوا التوبك دة هو عندة حق بس اية احسن رد عشان متبقاش دعاية سلبية لمصر
http://forums.myspace.com/t/4052389....=1&SortOrder=0
الحقيقة
الاجانب ليهم سيستم معين فى الحياة بيعتمد على الشفافيه فى كل حاجة
يعنى لما يدخل اى محل تجارى او سوبر ماركت لازم يلاقى الاسعار مكتوبه على الحاجة والمنشا والذى منه
فلما يجى مصر (بلد من غير سيستم )
ده بيتعبه بشده
ناهيك عن استغلال سواقين التكسيات والبلاوى اللى بتحصل
فانت بتطلب المستحيل
لان بلد المصريين نفسهم بيتنصب ويضحك عليهم
فما بالك بالغريب
الاجانب دول ناس زى العسل و غاية فى الأحنرام.
انا صعبان عليا اللى حصلوا. اهو عشان يتعلم بعد كدة ميجيش مصر تانى.
sad but true... and we wonder why are we treated as sheep... its because we promote ourselves as sheep
MMamdouh
و الله ما قدرت أكمل المقال من كتر الكسوف
الله يكسفهم بجد
وأللة انا قعدت نصف ساعة افكر اذاى اقنعة ان مصر احسن من دول تانية ومفيش سواح بيحصلهم سرقة و اختطاف ذى بعض الدول بس دة مش كفاية
مفيش حد يرد بدالى:devil2:
حتقنعة بايه؟؟؟
ان اللى شافه عبارة عن وهم او فصل من برنامج الكاميرا الخفية؟؟؟ للاسف اللى قاله بيحصل
مرة قابلت مجموعة سياح استراليين و اتمشيت معاهم شوية و قالولى عايزيين نروح خان الخليلى و المسافة كانت كبيرة انها تتمشى فا قالوا نوقف تاكسى.... المشوار من مكان ما كنا واقفين لحد خان الخليلى كان اجرتة 4 جنية وقتها... لما وقفت تاكسى و شاف ان الناس سياح قال عايز 10 جنية... القصة دى من حوالى عشر سنين و ايامها كان بنزين ال90 ب جنية
مرة تانية كان فيه خبير اجنبى فى الشركة و نزل بليل مع زميل لينا فى منطقة الهرم و لما دخل بازار الناس اللى هناك قالوا لزميلنا انه يقنعة يشترى بالغالى و ليه الحلاوة
مرةه تالتة كنت باخد كورس و كان معانا زميل لبنانى و سالنا عن اجرة التاكس من ميدان التحرير الى ميدان الجلاء فا قولنالة حوالى 5 جنية (من سنتين و اكتر شوية) و لما قولنالة ليه بتسال قال اصل انا اديت التاكسى 20 جنية و اخدها عادى من غير ما يدينى باقى
مفيش مفر من الحقيقة.... احنا رخصنا نفسنا بسبب تصرفات النصابين و الحرامية و الفهلوية و الجشعين
MMamdouh
و الله عنده حق
يااااااااااااارب السياحة تنضرب كلها و نخلص
مصدر طرد لكل البشر
مره كنت بكلم واحده برازيليه علي النت فبسالها جيتي مصر قبل كده قالتلي ايوه جيت
فسالتها وايه رايك فيها
قاتلي جميله بس الناس كل شويه تقولي bakshish too many bakshish
المشكله انهم سايبين الشحاتين والصيع في اماكن السياحه زدا اللي موديا في داهيه
اللي بييجي ويتحصل عمليه ارهابيه وهو موجود ساعات بيرجع تاني
انما اللي بيجي ويتفتش من الحراميه والشحاتين دول مش بيرجع ولا هو ولا كل اللي يعرفهم
وربنا يهدي الناس ويبطلوا جهل علشان الواحد زهق من الجهل
السلام عليكم
و الله يا جماعة المشكلة الأساسية تكمن في تجاهل الجهات المعنية للمشكلة ...يعني وزارة السياحة و شرطة السياحة الكلام ده بيحصل قدامهم و هم ولا هنا ...و لا كأنهم شايفين حاجة ...فين و فين عقبال ما ظابط المباحث بتاع السياحة يطلع يلم كام عيل من دول علشان يقفل دفاتره و يعمل الواجب و يسدد الخانات .. فقط لا غير ...بس فالحين يمروا على الفنادق و يقولك من طرف منخيره "مش حاطين قائمة الأسعار ليه؟ " علشان يتعشى عشوه نظيفة و لا يشرب كوب شاي يا إما يعملك محضر.... و سايبين الشباب الصايع يدمر سمعة البلد ....و الله احنا بصفتنا شغالين في فنادق شرم و الغردقه و مرسى علم بنناقش الموضوع كتير مع المسؤلين بس زي ما قولتلكوا ...لأنا رايي الشخصي ان الموضوع ده لابد من تعامل أمن الدولة معاه لأنه ببساطة بيدمر سمعة مصر السياحية و بيدمر معاه جزء من الدخل القومي المحتمل اللي البلد محتاجاه
دعاية سلبية ايه يا راجل مش هى دى الحقيقة انا لو عندى اجانب انا اشتغلهم سواق علشان ميتعرضوش للنصب والتحرش من الناس .... المصرى عموما عنده فكرة معينة ان الاجانب دول علشان بيلبسوا مكشوف شوية بيقى معندهمش اى اخلاق من اى نوع وبالتالى اموالهم حل لنا ونسائهم سبايا لنا هههه وكمان عشان اجنبى يبقى ضرورى اغنى مننا بمراحل فلازم نشفطه..... حاجة تقرف ......... ميعرفوش ان الاجانب اللى بتيجى مصر دول غلابة اوروبا والرحلة بتكون بحوالى 600 يورو ....
لازم دماغنا تنضف الاول من الافكار البشعة دى ولازم كمان يبقى فيه عقوبات صارمة على التحرش بالسياح لاننا افضل بلد سياحى فى العالم وبيجيلن كل سنة 11 مليون سائح جديد لان اللى بييجى مبيجيش تانى وكلمة اللى يشرب من ميه النيل دى بيرجعلها من اختراع الست سهير شلبى اللى كانت تفضل تقول للاجانب يرددوا وراها فى البرنامج "قول ورايا حلوة يا بلدى " " هلوة يا بالادى" حلوة يا مصر "هلوة يا ماصر".....................
يا دي الفضايح ......حاجة تحزن بجد
اتنين دكاترة كنديين شغالين معايا جايين مصر في أكتوبر القادم إن شاء الله و قاعدين يسألوني عن مصر و المصريين ...مش عارف أقولهم إيه
حسبي الله و نعم الوكيل
فعلا زاي ما الأخ لفاضل mshamy قال .....فين شرطة السياحة من اللي بيحصل ده
بسم الله ما شاء الله ودايما مصر متاخرة بولادها
مش عارف ليه حسيت ان جسمي سخن وانا قاعد اقرا وكاني شايفه قدامي كنت في نص لا بره هدومي خالص تصور لو كل الكلام ده بيتقال في وشك انا تخيلتها وتعبت
واللي ضايقني اكتر الردود اللي مكتوبة علي الموضوع بتاكد ان مصر ليها شكل رائع عند الناس دي
الظاهر ان مصر بقت بنت خالت عم ابو جارة صاحبة اخت مرات اخو الدنيا
هاهاهاهاهاه دي بلد فعلا عايزة ولد
واللهي الراجل ده بيقول كلام كله ميه ميه
انا اعتقد ان السايح بيجي مصر مرة واحدة وبعد كده بيطفش على تركيا ولا اي حته تانية
طب ده واحد متربي على النضافة بس معنديش كلام تاني اقوله
طيب انا حكايه بسيطة ليه صديقة من فرنسا ورحنا الساحل الشمالي السنه اللي فاتت وابن خالتي بشرب سيجارة وخلص ورمها على الارض زي واحد بيخلص السيجارة ويرميها على الارض
راحت قامت وقالتله انت قليل الزوق وشالت السيجارة وحططها في الطفاية
في اقل من كده تعود على النظام واحترام الناس والنضافة
عجبي
كل بلد فيها الكويس والوحش , النشالين منتشرين فى ايطاليا و برلين و باريس و محدش بيجيب سيرتهم , جرب كدة تتحرك كدة كام يوم فى باريس او برلين , بعد كام يوم اكيد حتتسرق او حتتنشل , عادى جدا , و لو محدش يعرف المعلومة دى حيتنشل بكل سهولة و هو داخل اتوبيس او مترو , مش معنى كدة ان كل الشعب حرمية , انما عادى كل بلد فيها اليلاوى بتاعتها , المهم الواحد يكون حزر و يكون فاهم هوة بيتحرك فين و يكون مصحصح .
اعرف صديق و هوة راجل كبير فى ,فى مطار برلين العربية اللى كان شايل عليها كل شنطة اتسرقت داخل المطار و هو راجع مصر و الامن لم يستطيع عمل شىء, يبقى هل كل الالمان حرمية و مينفعش نرجع تانى .
فى اجانب كتير بيزورو مصر و بينبهرو بيها جدا و اعرف ناس منهم كمان برغم كل اللى شافوة دة الا انهم بيعشقو مصر , و فعلا فى منهم بيقرر يستقر فى مصر من كتر حبهم فيها .
انا عايز اقول وجهة نظرى
موضوع السياحة ده كلنا عارفين انه مهم جدا لمصر
وبصراحة انا بعشق البلد دى رغم كل السلبيات اللى فيها
وعايزها تبقى احسن مكان فى العالم
وكل واحد فينا لو بيحبها مش حيرضى يشوف قدامه غلط ويسيبه
ولو عايز تغير اللى شايف سلبى فيها حتقدر وانا بعمل كده
مثلا:
# دائما بخلى معايا فى العربية شوية هدايا تذكارية خاصة بمصر او بأسكندرية تحديدا (ميداليات - كروت تذكارية - مجسمات صغيرة .....)
ولما بشوف اجانب بيتمشو مثلا على البحر بقف واديهم الهدايا دية
ومش قادر اقولك السعادة بتبقى على وجهوهم عاملة ازاى)
# وكمان بديلهم الكارت بتاعى علشان لو احتاجو يسألو على حاجة او ارشحلهم اماكن يزروها
# وبعرض عليهم انى اوصلهم لأى اماكن يحبو يروحوها
صدقنى لو احنا بنحب البلد دية حنبقى عايزين الخير ليها بصرف النظر عن اللى مش عاجبك فيها
ونتيجة اللى بعمله بلاقى e-mails بتوصلنى من الناس دى وبيشكرونى بشده وبيوعدونى انهم جايين تانى
انا لسه انهارده عندنا فى اسماعيليه مهرجان الفنون الشعبيه هيبدأ كمان كام يوم المهم وانا جنب مترو ماركت لقيت عدد كبير جدا من الاجانب خارجين من الماركت بيعدوا الشارع فوقفت علشان يعدوا من غير ما حد يقولى اى حاجه من افراد الامن المرافقين ليهم لحد ما عدا نصهم ووقفهم الظباط المرافقين ليهم وعديت انا لقت لوالدتى تخيلى لو مكانى سواق تاكسى طبعا ايده كانت بقت على الكلاكس ومشلهاش ونور وقعد يشتم زانا ولله لو كانوا قعدوا يعدوا الشارع يومين كنت فضلت واقف من غير كلاكسات ولا غيره لان احنا المسؤلين عن السمعه الزفت والصوره المهببه عن مصر بره انا ليا واحد صحبى شغال مضيف جوى فى الخطوط القطريه بيقولى ان رأى كل زملائه من جميع الجنسيات فى العالم فى مصر ان سواقين التاكسيات حراميه وطبعا التاكسيات غير صالحه للاستعمال الادمى وطبعا مفيش ولا نظام ولا مرور انما عشوائيه وهمجيه فى التعامل مع السائح بيقولى تخيل شكلى قدامهم بيبقى عامل ازاى . ليهم حق الامريكان يقولوا انتوا ازاى احفاد الفراعنه انتوا صفر على الشمال جنب الفراعنه فى التقدم والعمل الشاق واكيد مكنش فيهم شحاتين زى اللى عندنا يغلسوا على السياح وفعلا السياح جايين يشوفوا الفراعنه مش يشوفوا مصر
يا نهار أبيض ..... دول بهدلونا خالص ... بس عندهم حق فى كل كلمة .... حتى وصفهم للمواقف بدون مبالغة خالص.
هو مش عندنا برضه وزارة سياحة مسئولة عن الكلام ده و المفروض يعرفوا السائح لما يجى إنه لو حد ضايقه يشتكى لهم و هما يتصرفوا.
بجد حاجة تقرف لما وزارة مهمة زى دى لمصر نش عارفه تقوم بشغلها.
مع انى طول عمرى friendly مع اى سائح بشوفه فى حياتى ولا اتردد فى تقديم له المعلومه او الاستشاره فى اى سؤال يسأله ليا وبحس ان ده حق الانسانيه عليا ان واحد مش فى بلده ولغته مش مفهومه فى المكان اللى هو فيه لانى بحط نفسى مكانه واقول لو انا فجأه لقيت نفسى فى السويد او كوريا او اليابان لو الواحد كان بيساعد السياح فى بلده اكيد ربنا هيوقف للواحد حد يساعده فى البلد الغريبه اللى هو فيها انما لما كنت فى اسوان فى الشتاء الماضى ولقيت 2 من السياح الدنماركيين كانوا منبهرين بالكورنيش والجو التحفه . قرفت منهم جدا بسبب الرسوم المسيئه لسيدنا محمد عليه الصلاه والسلام وولله كنت عاوز اروح اشتمهم واقولهم انتوا ايه اللى جابكم هنا روحوا بلدكم بس حسيت انى لما معملتش اى حاجه معاهم كأنى ضيفتهم . لما يبقى واحد مش عاوزه يقعد فى بيتك وتسيبه يقعد وانت قرفان منه كأنك ضيفته
مظبوط ... هو ده الكلام
للأسف التفكير بالطريقة دى هو بداية الطريق لـ إننا نشوف تفجير لأتوبيس فيه سياح دنماركيين أو إعتداء على سفارة دنماركية ..... مع إننا لو كنا متابعين الأحداث كنا هنعرف إن الحكومة الدنماركية رفضت الرسوم المسيئة ... لكن مكنش فى إيديها حاجة تعملها فى الصحيفة زى هنا فى مصر .. لأنهم هناك معندهمش أى سلطة أو رقابة على الصحف سوى المتابعة القضائية .... أما بالنسبة للشعب .. رغم إن فيهم ناس كانوا موافقين على الرسوم بإعتبارها من حرية التعبير إلا إن برضه هناك من رفض الإساءة للآخر .... فمش هينفع نحمل مسئولية جريمة البعض على الكل ... كده رد فعل مبالغ و تشويه لصورتنا قدام العالم.
اولا: الحكومه الدنماركيه معتذرتش وكل المظاهرات اللى طلعت فى العالم كله بسبب عدم اعتذار الحكومه الدنماركيه عكس الحكومه الهولنديه اللى تبرأت واعتذرت عن فيلم الفتنه وحتى لما الشركات الدنماركيه تعرضت لخساره فادحه بسبب المقاطعه قدمت شركه ارلا للالبان اعتذار للمسلمين استنكرت الحكومه الاعتذار ورفضته وقالت ان الاعتذار ده مهانه و رضوخ للمسلمين ولما عمرو خالد راح يزورهم ويتناقش معاهم مع انى كنت ضد الزياره محدش رضى يعبره ولا يتكلم معاه هناك وكان منظره يكسف جدا وكل الحكومات اعتذرت عن الرسومات لو فيه صحف عندها اعاده نشرها الا الدنماركيين وانا متأكد من كلامى ده مع ان الصور انا شفتها هى تافهه جدا و هبله موت بس فين هيبه المسلمين
هيبة من؟ هيبة المسلمين؟ ، أخى ماذا قدم المسلمين اليوم للبشرية يستحق أن يكون لهم هيبة؟ :pinch: ، عموما ً حتى لا نخرج عن الموضوع ، حتى لو لم تعتذر الحكومة الدنماركية ، وحتى لو لم تعتذر الصحيفة ، ماذ ذنب سائحين دنماركيين من هذا غير أن جنسيتهم دنماركية؟.
http://www.youtube.com/watch?v=i7UvBkWtJpA
واحنا ايه ذنبنا ان هما بيعملوا المسلمين كلهم على انهم ارهابيين ومطلوب مننا اننا منعملهمش كلهم على انهم مؤيدين للرسوم ومنحطهمش كلهم فى سله واحده. انا بجد ببقى قرفان منهم جدا وبسيب المكان اللى هما فيه
أنت بتقارن ايه باييييييييييييه؟؟؟؟؟؟؟؟؟؟ ؟؟؟؟؟؟؟
و الله والله لو أقدر أمنع كل سائح انه يزور مصر لأعملها... يا راجل دي معامله زي الزفت من أول مايوصلوا المطار لحد ما يرجعوه تاني. ده غير الشوارع و المرور و الوجووه المعفنه اللي بيشوفوها..
و الله سافرت انجلترا للتدريب و لقيت معامله أحسن من ولاد بلدي و لما رجعت و الله كنت مكسوف أقول welcome لأي حد من اللي كان في الطيارة علشان عارف المعاملة الزفت اللي هايشوفها و اللي ابتدت من المطار قصاد عيني...
تقوللي بيرجعوا تاني بعد اللي بيشوفوه؟؟؟؟ يعني هي دي شطارة ان نقرفهم أكتر و أكتر علشان يرجعولنا تاني؟؟؟؟ دول مش عبط و اللي بيجي مرة مبيجيش تاني.
يا راجل ده أنت خرجتني عن شعوري و الله!!!!!!!!!!!!!
وجوة معفنة , سبحان الله , هى الوجوة دى مش خلقت ربنا برضو لا اية , انت كمان مش عجبك خلقت ربنا ,
هو اذا كان فى كام سائح تعرض لمشكلة يبقى الشعب المصرى كلة مش كويس , يا اخى انا بكلمك عن تجربة , و اعرف اجانب كتير و تعملت معهم و احب اقولك ان كتير منهم يعرفو بلدك اكتر منك , و عرفين كل حاجة و بيعرفو يتعملو كويس جدا مع اى مصرى , و بيعشقو حاجة اسمها مصر , انت بش محتاج تشيل الهباب من على عنيك , المصريين من اطيب الشعوب عموما و كتير من الاجانب عرفين كدة , و اى سائح بيجى مصر بيلاقى مساعدة من اى حد .
و لو مصر فعلا زى ما اللى كاتب كدة مكنش حد قرب منها , و ال8 مليون اللى بيزور مصر دول اية ........اشباح
أكيد يقصد بالوجوة المعفنة .. بالوجوة المكشرة فى وشة من أول سواق التاكسى بتاع المطار اللى بيتخانق معاه عشان عشرة جنية زيادة لغاية بياع التحف اللى بيسب و يلعن عشان السائح مرضيش يشترى حاجة بسعر غالى و يتضحك عليه.
هقولك حاجة قالهالى واحد صاحبى فى الدراسة من كندا (جيران الدكتور شيكو :D ) .... بقوله يا أخى ده السياح دول ناس طيبيين جداً .. تصور بيشتروا حتة لوحة من الجبس ب 400 جنية عشان إسمها تحف.
رده عليا كان : يا ميزا مشكلة المصريين إنهم فاكرين السياح عُبط أو هُبل و بيتضحك عليهم ... قاللى لعلمك كل الألاعيب دى مكشوفة و هما عارفين إنهم مشتريين الحاجة بأضعاف تمنها ... بس قاللى حتى بعد مضاعفة تمنا هى لازالت رخيصة بالنسبة لهم و بيشتروها على إعتبار إن اللى هياخد الفلوس دى غلبان أو محتاجها و الفلوس الزيادة دى مش هتفرق معاهم كتير لكن هما متأكدين إنها هتفرق مع سواق التاكسى و البياع اللى فى البازار.
لذا أعلنها صريحة مدوية السياح مش عُبط ولا هُبل ... لكنهم مكبرين دماغهم.
طبعا لا اعتراض على خاق الله بس فيه حلو و فيه وحش ... فيه اجنبي و في local :) :)
فعلا فيه أجانب أتعودوا على القرف و ابتدوا يتعاملوا عاى هذا الأساس... متفق معاك
أنا أنصح كل أجنبي أنه يشيل كتيب معاه اسمه "كيف تقي نفسك من سفاله المصريين في 21 يوم"
يا wowww للأسف الأجانب مابيتعملوش مع ناس محترمين زيك و الله زي الأستاذ اللي بيديهم هدايا و business cards... بس بيتعاملوا مع أحقر خلق الله.
اجابة صحيحة :) :)
سيبك من سواقيين المكروباظ و الزيرفيز و بتوع الخيل في الأهرامات و و و...
الشاب الحليوه اللي في القاهرة و لا في شرم الحرامي اللي عايز يضحك على الأجنبي "اللي بلده بتصدرلنا التكنولوجيا" هو كمان وجه معفن في وش السائح.
الجمال جمال الروح مش الوجه ... يالا نقول ايه ... ما عليناااااا
ده بالإضافة للمضايقات الكتيرة اللى بيتعرضلها البنات السياح .... كل اللى أعرفهم من بره و جم مصر .. عمرهم ما فاتهم إنهم يقولولى على المضايقات دى لما بسألهم عن أخبار رحلتهم فى مصر.
بجد حاجة تكسف لما مش عارفين نكرم الضيف و كرم الضيافة من سماتنا ....
مببقاش عارف أرد عليهم أقولهم إيه بصراحة ... أقولهم دى قلة قليلة مندسة لكن بقية الشباب زى الفل (بكدب على نفسى ولا على مين!!! :confused:) ..... و لا أقولهم على الحقيقة الصادمة إن شبابنا عندهم شغف جنسى غلب (سورى فى اللفظ) "الكلاب" اللى فى الشارع. :(
مين جايب في سيرة كنكة :innocent:
الحقيقة إن رقم ٨ مليون ده شوية على امكانيات مصر .....الدول بيجيلها بال-٦٠ مليون و ما عندهمش ربع الامكانيات اللي عندنا ......انما بصراحة صناعة السياحة في مصر محتاجة مراجعة شاملة ......زاي حاجات تانية كتير
سلوكيات المواطنين بقى ديه موضوع تاني
اللى مستكتر ال8 مليون سائح احب اقوله ان الامارات اللى لا فيها اثار ولا غوص وجوها حر جدا بيجيلها 18 مليون سائح فى السنه بسبب ايه اكيد المعامله الكويسه والاسعار المناسبه فى كل شئ بالاضافه الى الطرق الحرير والتاكسيات اللى اخر موديل ولسه منزلتش بلدهم ولا فيه كلاكسات ولا عفاريت اسفلت . ولا تونس تانى بلد فى الشرق الاوسط فى السياحه واحنا تالت ناس مع اننا مفروض كأمكانياتنا لا نقارن بدول الشرق الاوسط انما نقارن بفرنسا واسبانيا وهولندا و ايطاليا بس هو فين التخطيط والتنظيم والاهم التنفيذ مع توعيه الشعب
يا اخى 18 مليون اية بس , انا مش عارف انتو بتجيبو الارقام دى منين , ادى رابط اة بيقلك بيتوقعو 15 مليون على 2010 يعنى كلها ليسة توقعات جيبت 18 دى منين :
http://www.moheet.com/show_news.aspx?nid=111827&pg=1
و بعدين جزء كبير من الزيارات دى رايحة عشان تدور على شغل , اكيد يعنى مافيش سائح حيروح الامرات عشان جوها الجميل ولا عشان يتفرج على كام جمل فى الصحراء يعنى , المهم خلينا فى مصر , مصر فعلا عندها امكانيات سياحية جبارة بس للاسف الناس لا ندرك هذا .
بقولك الاجنبى جاى عارف بلدك اكتر منك , و لو تاخد بالك بيبقى معاهم كتاب كدة , جايد يعنى بيقلوهم على كل صغيرة و كبيرة فى مصر . من اول الحزب الحاكم لحد تدفع كام لسواق التاكسى وازى تعرف تفرق بين الربع جنية و الخمسين قرش المعدن و رقم الاتوبيس اللى رايح الواحات كام و تركبة منين , دة بالنسبة للسئاح اللى جاى و غاوى بهدلة و عاوز يقضيها فى الرخيص بمزاجة برضو , طبعا اللى جاى فى فوج سياحى دة معندوش مشكلة لان الشركة بتجهز كل حاجة و بيكون فى مرافق فى كل خطوة .
فى خبر بيقول ان عدد السائحين فى مصرالعام الماضى بيقول انة وصل ل 11 مليون اهة
http://www.moheet.com/show_news.aspx?nid=130734&pg=13