الموضوع: علبة البيئه

السلام عليكم و رحمة الله و بركاته
اول امبارح كنتمسافر القاهرة من الزقازيق و فوجئت بصوت شخشخه فى العربيه من تحت
و قلت ده الشكمان بس لقيت العربيه صوتها عادى مش عالى

قلت بقى ربنا يستر و مايكنش حاجه فى الموتور

رجعت الزقازيق و الحد لله مافيش مشاكل غير ان الصوت باسمعه بس و انا ماشى على مهلى او اول ما اطلع

تانى يوم نزلت اعملها و كنت رايح لبتاع شكمانات و ماتعرفوش ايه اللى خلى الشيطان يوزنى و رحت للميكانيكى

طبعا هو اول ما سمع الصوت عرفه و اشتغلنى بقى علشان ماروحش لبتاع شكمانات

رفع العربيه و سبها و بعتلى صنايعى نمن عنده و بدأ يحاول يفك العلبه و معرفش لانها الاصليه طبعا و المسامير خلاص ماينفعش تتفك

قلتلهاروح لبتاع شكمانات مارضيش جابوا واحد بصاروخ قطع المسامير و طلع العلبه بتاعة البيئه و قاللى بصى الفحم سايب جواها

كسر الفحم و فضاه على شوال و شاله وانا واقف زى الاهبل

قاللى اجيب جوانات و مسامير و رحت اشتريهم كتر خير الراجل بتاع قطعالغيار قاللى الفحم فين و فطمنى اخده علشان غالى

رجعت قلتله عايز الفحم و طبعا اضايق

و بعد ما خلص هبد منى 90 جنيه ابن الحراميه

30 جنيه الصاروخ و 60 جنيه مصنعيه

حار و نار فى جتته

المهم دلوقتى الفحم معايا فيه حتت و فيه مهرى زى البودره

اعمل فيه ايه؟؟؟

و هل المشى بالعلبه دى من غير فحم هايأثر فى حاجه ع العربيه و هى لزومها ايه اساس

catalytic converter) علبة البيئة او المحول الحفاز .الغازات الداخلة له ( الخارجة من المحرك ) وهي HC هيدروكربونات - NO2 ثاني اكسيد النيتروجين - CO أول اكسيد الكربون ........
اول اكسيد الكربون ...غاز سام قاتل ..يمنع الجسم من امتصاص الاكسجين
تدخل الغازات الى المحول الحفاز ......... فتجد امامها خلية نحل ..من مادة البلاتينيوم
( معدن البلاتينيوم معدن ثمين ... اغلى من الذهب )
ويقوم معدن البلاتينيوم بتحفيز جزيئات هذه الغازات السامة ..لتتفاعل و تنتج غازات غير سامة ..وهي التي تخرج من العادم
H2O بخار ماء - CO2 ثاني اكسيد الكربون ( المسبب للاحتباس الحراري لكنه غاز غير سام )
N نيتروجين 70% من الهواء نيتروجين.
يعنى بمعنى بسيط يقومcatalytic converter) علبة البيئة او المحول الحفاز بوظيفتين الاولى تحويل الغازات السامة مثل اول اكسيد الكربون الى غازات اقل ضرر الى ثانى اكسيد الكربون ولذلك سميت بعلبة البيئة الوظيفة الثانية تقليل صوت العادم وامتصاصة يعنى انت دلوقتى هتلاقى صوت العربية عالى بسبب انهم طبعاً فضولك علبة البيئة .
ارجو ان اكون قد افدكم .
تحياتى...