دوارة ال 127

**emad81** · 08-02-2013 02:40 AM

انا كان عندى مشكلة فى دوارة العربية الصبح بس اتحلت جزئيا لما غيرت البطارية وجبت واحدة جديدة جافة . بس لما اجى ادور لازم اكارك بنزين ولازم ابقى دايس على دواسة البنزين والعربية تدور على ار بى ام عالى وبلاحظ ان فى اول ما تدور وانا دايس بنزين على نص الدواسة ومحركتش رجلى ان صوتها بيعلى بعد ثوانى وانا محركتش رجلى " اكنها مخنوقة وفكت " يا ترى ده من ايه؟

سؤال تانى معلش . هو انا لازم ابقى فاتح الكونتاكت وانا بكارك بنزين قبل الدوارة ؟ ولا مش لازم
او بمعنى اخر هل هى رداخ ولا طرمبة لازم اكون فاتحلها الكونتاكت؟
عربيتى نصر 127 موديل 83

**ashourashour** · 08-02-2013 08:54 AM

بص يا سيدي

انت لما بتكارك في طلمبه ميكانيكيه اسمها طلمبه التعجيل بترش بنزين من خلال رشاش في اعلى مكان في الكربراتير

انت لو فكيت العمه هتشوفه بنفسك و ملوش علاقه بالكونتاكت خالص و الرشاش دا بياخد بنزين من غرفه لتخزين البنزين موجوده في الكربراتير الغرفه دي بتتملي بنزين لما العربيه بتدور و طرمبه البنزين بتاعت العربيه بتشتغل اللي هيا ميكانيكيه برضو مكانها جنب الاسبراتير قدام

ملحوظه رقم 1 : كتر المكاركه قبل متدور العربيه غلط عشان كدا بتفضي خزان البنزين الموجود في الكربراتير اللي مفروض دوره تدور بيه العربيه على ما طلمبه البنزين تشتغل

ملحوظه رقم 2: كتر المكاركه هترمي بنزين كتير بداخل الاستطوانات و العربيه هتشرق و هتتعبك في الدواره !

العربيه و هي بارده الصبح بتحتاج بنزين اكتر من المعتاد .. لازم تشد الشفاط و لو مش شغال او ملغي شغله

لو الكربراتير مظبوط و توقيت الاشتعال مظبوط والكاتينه مظبوطه و الابلانين والكندنسر والبوجيهات

مفروض تشد الشفاط والعربيه تدور بسهوله

و على فكره انت كدا مش هيعيش معاك بطاريات من كتر المارش

**emad81** · 09-02-2013 12:46 AM

الف شكر عاشور باشا
انا فعلا شديت الشفاط النهاردة والعربية اشتغلت من تانى مرة وكاركت من غير ما الكونتاكت يبقى مفتوح
بس هو فى فرق بين انى اشد الشفاط او اننى ادوس بنزين وانا بدور؟
مش الأتنين واحد؟

**احمد127** · 02-03-2013 10:04 AM

انا كانت عندى نفس المشكلة ركبت طلمبة بنزين كهربا المانى بتبدا من 100 الى 130 وفرقت معايا فى الدوارة الصبح يادوب افتح كونتاكت لمدة 3 -5ثوانى وتدور وانت يادوب لامس البنزين وفرقت معايا كمان فى السحب .
ملحوظة هامة جدا: لو ركبت الطلمبة دى متسيبش الكونتاكت شغال ع الفاضى لان العربية ممكن تشرق ولو زادت البنزين بيرجع على السيرفو بتاع الفرامل وبيعمل تاكل ف الجوان