الموضوع: ارجو المساعده عندي صوت غريب في الفتيس

السلام عليكم ورحمه الله وبركاته

اولا انا عربيتي شيفورليه سبارك 2011 عامله 8000 كيلو 1000 سي سي وعندي مشكله هي انو في صوت تقريبا من الفتيس وهي ونه او وره زي كده (وررررررررررر) بس بس خفيفه و مش ملحوظه يعني لازم اقفل الكاسيت واقفل الزجاج وتركز بس هي يتبقي بتبقي اكثر وضوحا في الثاني وعامه لما اكون دايما جايب 2.7 او 2.8 ار بي ام واكون مثبت رجلي اما قبل كده او بعد كده تقريبا مفيش حاجه

بس انا عندي ملحوظه ان قبل كده حصل معايا فصل وحش من واحد صنايعي في بنزينه الله لا يبارك له انو لما العربيه كانت عامله 2500 كيلو او3000 تقريبا فروحت اغير زيت فقال لي ان زيت الفتيس عايز يتزود فحطلها 1 كيلو زياده بقه فيها 2.8 كيلو مع انها بتاخد 1.8 كيلو فضربلي اويل سيل الوكلن الشمال فالفتييس اعد يسرب وانا ماشي زي العبيط مش واخد بالي ان زيت الفتيس بيسرب(طبعا لاني مش معقول هشك في عربيه لسا معملتش غير 2.5 كيلو) وفضلت علي كده ماشي فتره لغايت منزل كلو بعد كده لقيت الغيار والاول بيعضو فرحت للميكانيكي وغيرلي الاويل سيل وحطلي زيت موبيل 90 بس هو كمان حط زياده هو كمان راح ضارب نفس الويل سيل بس اخت بالي المره دي ولحقت العربيه روحت لواحد ميكانيكي تاني غيرته وحطيت زيت مظبوط والفتيس الان زي الفل في النقلات ومفيش اي عضه ولا اي حاجه لكن معنديش غير الصوت ده ..

فهل الصوت ده من اثار نقص قصه نقص زيت الفتيس ولا هو العربيات الصغيره لما بتلين بتبقي صوتها كده علشان حوضها صغير والسي سي بتاعها قليل ؟؟ وبالمناسبه انا عرضتها علي اثنين ميكانيكي واحدقالي ده عادي مفيش حاجه بعد ما ساقها وسمع صوتها وقالي ده عادي دي كنه الفتيس مع المكنه وواحد قالي ممكن تكون لما الزيت نقص من الفتيس في القصه الي فاتت يكون حصل ان الكرونه تروسها اتكلت شويه فبوشت وعملت الصوت ده فهل انهي كلام الصح ؟؟
ولما روحت غيرت زيت الفتيس عند واحد لقي في اخر الزيت وهي بتصفي وساخه سوداء قالي ده ممكن يكون براده من مطرح نقص الزيت الفتيس في الحوار الفات اصلي كنت حكيلو .. وحطلي زيت 140 نظيف ومحترم علشان الونه تروح بس لسه الونه دي موجوده وهو كمان سمع صوت العربيه وساقها قالي دي طبيعي ....

انا اسف جدا جدا علي الاطاله بس ارجوكم اي حد ممن اخبراء يساعدني علشان انا خايف الفتيس يبوظ والونه ديه تزيد علما بان دي اول عربيه ليا في حياتي فمعنديش خبره في العربيات واصواتها الطبيعيه فالصنايعيه ممكن يشتغلوني .... وشكرا جدا لكم وجزاكم الله كل خير .....