توكيل رينو العبور الصيت والا الغنى

**walidzakzok** · 10-02-2013 11:56 PM

المشاركة الأصلية كتبت بواسطة adel_edrees

بالظبط كده أحنا ماعرفناش أيه اللى فى العربية لحد دلوقتى

منا قولت ان الرد جاهز بان اللوجان كلها كدة على اي حاجة تخص العربية سواء جير او عفشة او ظهر الكرسي اللي بيتهز (بس ظهر الكرسي فعلا فى اللوجان كلها) والحمد لله اقنعوني هناك ان العربية اللوجان فعلا زبالة العربيات ودة مش كلامي دة كلامهم هما !!!

**MARTINDALE** · 11-02-2013 12:08 AM

فعلا انا ليا تجربه سيئه مع المهندس بهجت وبصراحه ما بقتش احب انه يلاقيني في الاستقبال . دايما مكشر ومش بيسمع للاخر وبيحسسك انك موهوم في كل اللي بتحكيه .

**walidzakzok** · 11-02-2013 12:33 AM

المشاركة الأصلية كتبت بواسطة ahsd2000

فعلا انا ليا تجربه سيئه مع المهندس بهجت وبصراحه ما بقتش احب انه يلاقيني في الاستقبال . دايما مكشر ومش بيسمع للاخر وبيحسسك انك موهوم في كل اللي بتحكيه .

ايوة بالظبط كدة يا افندم بيبقى ناقص يقول للواحد دي تهيئات وانت حمار مش فاهم حاجة فى العربيات بس المشكلة مش مشكلة بهجت لو كان هو اللي قصدي عليه المشكلة حتى لما العربية بتخش الورشة نفس فكر بهجت بس بدون ما حد يقولك !! انها الظاهرة البهجتية!!! بس للاسف المرتين اللى روحتهم اقع فيه هو للاسف تاني مرة كنت عايز اخلع منه معرفتش المفروض المراكز دي يبقى فيها تقييم للموظفين واستطلاع لاراء العملاء

**AirForces** · 11-02-2013 03:14 AM

توكيل العبور كان فعلا ممتاز بس الكلام دا من سنتين تلاتة قبل ما يكون عليهم ضغط من بعد انتشار اللوجان .. يمكن المشكلة دى تبدأ تتحل بعد افتتاح فرع ابو رواش الجديد .. ما قابلتش بهجت دا خالص بصراحة .. بس مدام عندك مشاكل وما اتحلتش اتصل بالتوكيل واعمل شكوى هما بيهمتوا بالشكاوى

**ahmed_hanafi** · 11-02-2013 07:40 AM

اتصل بيهم واعمل شكوي

**amrelzawawy** · 11-02-2013 09:07 AM

بس للامانه سواء بهجت او غيره لو فيه مشكله ومتحلتشى با بتدى اعمل كل الوسائل اخد حقى هو بس المشكله انه مش عايز ااذى حد فى رزق عيشه ده مفيش حد مش مخنوق منه يعنى لو كلنا على موقع رينو ايجيبت على الفيس كتبنا تعليقنا على سؤ معاملة اخ بهجت هيتفضح بس الله يسهله بقى المهم اعمل اللى انت عايزه مش هو .................

**ahmed_hanafi** · 11-02-2013 10:10 AM

يا جماعة طالما الراجل دة متعب اوي كدة ومش كويس يبقي لازم تشتكو لرينو ايجيبت علشان ميضرش حد تاني

**gebreel** · 11-02-2013 06:26 PM

المشاركة الأصلية كتبت بواسطة amrelzawawy

بس للامانه سواء بهجت او غيره لو فيه مشكله ومتحلتشى با بتدى اعمل كل الوسائل اخد حقى هو بس المشكله انه مش عايز ااذى حد فى رزق عيشه ده مفيش حد مش مخنوق منه يعنى لو كلنا على موقع رينو ايجيبت على الفيس كتبنا تعليقنا على سؤ معاملة اخ بهجت هيتفضح بس الله يسهله بقى المهم اعمل اللى انت عايزه مش هو .................

معلش يا باشا اسمحلي اختلف معاك في النقطة دي

دلوقتي حضرتك من حقك تشتكي كعميل و حتى لو اتأذى انت مش هتكون السبب في الاذية دي لسبب بسيط جدا
هو بياخد مرتبو علشان يستقبل عربيتك و يسمع مشاكلها و يحاول يحلها ... جه هو معملش شغله او معملوش كما ينبغي يبقى هو اللي اذى نفسو مش انت اللي اذيته ... اللي بيغلط لازم يتحمل نتيجة غلطه علشان ميغلطش مع حد غيرك لأننا لو سكتنا احنا اللي هنتحمل الغلط و منزعلش لو قابلنا ثاني وحش