الموضوع: خدمة جديدة مجانية من توكيل رينو العبور

السلام عليكم

النهاردة الصبح كنت فى توكيل العبور بعمل شوية حاجات وطبعاً كلنا عارفين أن اللى يروح توكيل خارج القاهرة بيبقى قاعد محبوس جنب العربية لحد لما تخلص.
المهم داخل أسلم العربية لقيت أعلان أن التوكيل بيوفر أتوبيس ينقل العملاء من التوكيل الى موبيل العروبة فى صلاح سالم مرتين يومياً ذهاباً و أياباً

المواعيد
من العبور الى موبيل العروبة الساعة 10:30 صباحاً
من العروبة الى العبور الساعة 11:30 صباحاً

من العبور الى موبيل العروبة الساعة 1:30 ظهراً
من العروبة الى العبور الساعة 2:30 ظهراً

بس حصل مشكلة صغيرة..بس كالعادة تعامل معاها التوكيل بأحترام عملاءه.....
مكنش فى حد عاوز ينزل القاهرة غيرى أنا وواحد كمان.....مش معقول ينزلو الأتوبيس عشان فردين بس....لأ و أيه...99% هيرجع فاضى.....طب يعملوا أيه....يعملوا أيه .....نزلونا بعربية ميجان :)
لأ مش بس كده.....السواق قالى أنه بينزل كده كده فى المواعيد دى كل يوم

بجد.....دى أقصى درجات الأهتمام بالعميل.

بشرى تانية بالمرة....انا كنت طالب ظبط زوايا.....و أنا بستلم العربية مهندس الأستقبال قاللى هو حضرتك بتحظ نيتروجين بدل الهوا ؟ قلتله أه قاللى أصل الزوايا سليمة بس ضغط الكاوتش مكنش مظبوط فظبطناه لحضرتك بس حطينا هوا عادى...يا ريت حضرتك تروح لبتاع النيتروجين تانى وتحط نيتروجين.....بس أحنا قريب أن شاء الله جايلنا مكنة نيتروجين عشان فعلاً أحسن من الهوا العادى ........و على فكرة ماخدوش فلوس ظبط زوايا :) :) :)