الموضوع: الخطوبة..والجواز..وحبي لعربيتي..ومش عارف اشيل جنيه للجواز!

المشاركة الأصلية كتبت بواسطة mrs-kadous

فعلا مش صالونات ... وطبيعه عمله في الاول حسستنا بقيمه العمراللي بيجري لان رحلات البحر كانت بالشهور فالما كان يحصل مشكله كانت لازم تعدي ومع الوقت اخذنا علي كده واي مشكله الحمد لله بتعدي . المهم ان اي مشكله ماتطلعش بره البيت

ماهو عشان كدة نفسى أتجوز عن حب ....
فى مثل أنجليزى بيقول:
“.Don't marry the person you think you can live with. Marry the one you can't live without ”

ومعناة متتجوزش الشخص اللى تقدر تعيش معاة .. أتجوز الشخص اللى متقدرش تعيش من غيرة ....
و عشان كدة لو محستش بالأحساس دة مع الأنسانة المرتبط بيها يبقى مفيش داعى أنى أتجوز ....

هو الواحد بيتجوز كل يوم؟؟!! ولا بيتجوز عشان يكمل حياتة مع واحدة تنكد علية الباقى من عمرة؟؟!!
و اللى يفوتوا قطر الجواز أحسن ما يدوس علية ....

المشاركة الأصلية كتبت بواسطة ahmad--ezzat

فتره الخطوبه مش مقياس ليه!! امال عملوها ليه

الفتره دي الطرفين بيدرسوا بعضهم كويس ولو مفيش اتفاق يبقي كل واحد يروح لحاله

فلابد من الخطوبه

بص يا استاذ احمد فتره الخطوبه كل طرف بيحاول يبين احسن مافيه وخصوصا الايام دي ... لوحضرتك بتتكلم علي الاتفاقات الماديه الاختلاف والاتفاق وارد لكن فيه طباع مش بتبان الا مع العشره سواء مع شريك الحياه او مع اهل احد الطرفين هو ده اللي اقصده ...

المشاركة الأصلية كتبت بواسطة ahmad--ezzat

موضوع ان كل شخص بيبين احسن مافيه وحتي لو مش بيكون علي طبيعته واحيانا بيكون فيه تمثيل ....كل ده مش بيستمر ...بمعني الخطوبه لو سنتين او اكتر اعتقد المواضيع بتبقي واضحه جدا جدا للطرفين
انا ليا واحد صحبي بقاله سنتين خاطب وفرحه الشهر الجي ان شاء الله وجواز صالونات

وبعدين محدش بقي غبي في الايام دي والمواقف والظروف بتبين حتي لو كانت فتره الخطوبه مش كبيره

الحياه وجهات نظر ومش كل تجربه نجح فيها غيرك لازم تنجح معاك وده في الحالتين في ناس بتتجوز عن حب وبتفشل وفيه ناس بتتجوز صالونات وبتستمر الحياه ... عموما ربنا يوفق الجميع

المشاركة الأصلية كتبت بواسطة mrs-kadous

الحياه وجهات نظر ومش كل تجربه نجح فيها غيرك لازم تنجح معاك وده في الحالتين في ناس بتتجوز عن حب وبتفشل وفيه ناس بتتجوز صالونات وبتستمر الحياه ... عموما ربنا يوفق الجميع

+1 ....