سؤال عن رينو لاجونا 2004

**ASCOM** · 08-02-2013 06:06 PM

ياجماعه انا كنت حاجز رينو لوجان 2013 بس بعد زياده الاسعار لغيت الحجز وبالصدفة لقيت مستشار في المحكمه عندي في قنا معاه رينو لاجونا خليجي موديل 2004 ولسه مرخصه يوم 21-1-2013 وعرضت اني اشتريها منه ووافق وبصراحه العربيه بحاله نادرة جدا الفرش الاصلي موجود وبحاله ممتازة وجميع الكماليات موجوده وشغاله كويس خالص انا استغربت ان الرينو فيها كماليات زي كدا سنه 2004 زي التحكم في المرايات وفتحها وقفلها بالكهرباء وكمبيوتر اعطال وخاصيه الامبوليزر ضد السرقه ومساحات خلفيه للزجاج والتحكم بالتكيف باكثر من وضعية والتحكم بارتفعا الكراسي واماكن للاكواب في التابلوة وفي الكنبه الخلفيه وفوانيس شابورة وحاجات تانيه كتير والعربيه في قمه الرفاهيه بصراحه والفخامه كمان
المهم اني لاحظت ان باب العربيه مش بيتفتح بالمفتاح بيفتح بالكارت بس ونفس الموضوع في تشغيل العربيه ملهاش مفتاح ليها كارت بركبه فيها تشتغل العربيه
انا عاوز اسال بس لو الكارت دا باظ اطلع غيرة منين ؟
وكمان عاوز اسال الاقي قطع غيار ليها برة التوكيل ولا لا ؟؟؟

**ASCOM** · 08-02-2013 10:19 PM

ليه مفيش ولا رد من خبراء اللرينو ؟؟؟؟ متابع للاهميه

**abusamra41** · 09-02-2013 01:47 AM

يا باشا للاسف الموديلات الخليجى من الرينو لا يتم صياتنها فى توكيل رينو بمصر وللتاكد اتصل بخدمه العملاء 16202

**Egyzizo** · 09-02-2013 02:00 AM

بصراحة ، قلبك جامد انك تشترى عربية مش موجودة خالص فى مصر.

**تامر.محمد** · 09-02-2013 02:36 AM

نفس الكماليات دي هي هي بالظبط الموجودة في ميجان2 من 2005 و انت طالع , بالنسبة لقطع غيارها فاسأل في صقر قريش , و انت نصيبك , نادرة اوي العربية دي

**gebreel** · 09-02-2013 06:37 PM

العربية جميلة لو حالتها نضيف بس هتتعبك قوي في صيانتها و قطع غيارها و بعد كدة في بيعها

**Ahmed Selim** · 11-02-2013 02:45 PM

مع معظم الأراء اللى أتقالت..............هتتعبك فى قطع غيارها و في بيعها.

غير كده هي عربية ممتازة..........و أعتقد التوكيل مش هيكون عنده مشاكل فى صيانتها بس هتكون غالية شوية و لو أحتجت قطعة غيار معينة هيقولك أستنى لما نبعت نجيبها من برة.