متابع وياريت يكون حد لية خيرة فى القاهرة الجديدة يقولنا على الاخبار اية؟
عرض للطباعة
متابع وياريت يكون حد لية خيرة فى القاهرة الجديدة يقولنا على الاخبار اية؟
نصيحة لوجه الله لأي واحد
لو عايز تستثمر ...... مش بتشتري شقة للسكن سواء على المدى القريب او البعيد ....... بتشتريها و انت مش ناوي تسكن ........ بس استثمار قصير او متوسط الاجل (يعني ممكن تحتاج تبيعها في خلال 2-5 سنين) ..... فكر مرتين
الجنيه سعره بينخفض بعنف ....... و فيه نقص سيولة و ركود ....... الناس لو كلها اتجهت للعقار ....... هيحصل مشكلة كبيرة لان المعروض وفير جدا جدا و على قفا من يشيل ....... وقت ما تيجي تبيع مش هتعرف تبيع بالساهل ........ المشكلة مش في احتمال حدوث انخفاض او انهيار للسعر بسبب ازمات ........ لأ ....... ركود ...... مش سهل تلاقي واحد معاه مبلغ ياخد منك الشقة كاش
لو استثمار طويل الاجل انصحك طبعا لان بعد 10 سنين هيكون السعر ارتفع جدا و هتجيب همها ....... بس للمرة التانية ....... لو انت ناوي تبيع قريب ....... يبقى الاحسن تركز في استثمار قصير الاجل و سهل تسييله زي السبائك و الجنيهات الدهب ...... و دي سعرها مربوط بالسوق العالمية يعني انخفاض الجنيه هيؤدي لارتفاع سعر الذهب حتى لو سعر الذهب ما ارتفعش عالميا ......
ياريت لو حد يفيدني اكتر اني مكان احسن في الاماكن دي
وايه رأيكم في المجاورات بتاعت التجمع الاول والخامس
+11111111111
كلام زي الفل ، الذهب الحاجة الوحيدة اللي هتقدر تتصرف فيها بشكل سريع لو احتجت سيولة في المستقبل القريب ، غير كدا ومش عايز الفلوس سنتين تلاته يبقي عقارات وانت قلبك جامد لان عمرها مابتنزل وعايزة صبر في بيعها
احنا كنا بنبيع شقة من فترة قريبة وعارضينها من شهر 10/2012 واتباعت في شهر 2013/2 بالسعر اللي احنا عايزينه الحمد لله وداا لان العقارات عايزه وقت وصبررر.
كمان تخزين الدهب لو كميته كبيرة هايبقى صعب وخطر
مش بنفس صعوبة تسييل العقار
الدهب ممكن يبقى مش مستقر او عالي و التجار ما تشتريش يوم يومين اسبوع
الشقة ابقى قابلني لو عرفت تبيع شقة كاش (مش قسط) قبل 6 شهور ...... لو بعتها في شهر اساسا تبقى بطل
و لو مش مصدقني شوف سعر الدهب على trend line خمس سنوات للخلف و شوف ......
خزينة في اي بنك ب 250 جنيه في السنة و ريح بالك
و برضه العقار فيه مخاطرة
مخاطرة انك تشتري في عمارة ما كملتش لسه
مخاطرة في النصب
مخاطرة في واحد يوضع يده عالشقة
الخ الخ الخ كل حاجة و ليها مخاطرها
و اساسا بربع مليون جنيه دهب يعني حوالي 27 سبيكة الواحدة في حجم البسكوتة الصغيرة يعني ما يكملوش حجم 3 علب سجاير
شكرا علي نصايحكم في موضوع الدهب
بس انا ناوي ان شاء الله على شقة ياريت تساعدوني