تغيير زيت الفرامل

**MohammedAladel** · 11-03-2013 08:51 PM

لو مفيهاش زيت عادى برضه لأن انت هتسحب الزيت هينزل من الفتحة يملا جزء من الزجاجة كفيل بأنه لما ترفع رجلك او ايدك من على دواسة الفرامل هيمنع دخول الهواء بس مش هنخسر حاجة لو حطينا شوية زيت من القديم فى الزجاجة :)

أنا ما شفتش الفيديو اللى فوق للأسف لأن النت عندى بطئ

بس محدش جاوبنى على سؤالى

وهل عادى أدور المحرك لو دواسة الفرامل حجرت ؟ متهيقلى عادى

الموضوع بسيط بس عايز تركيز لأن شايف حضرتك كل ما نروح بنزود نقطة جديدة ما كنتش مذكورة

فلازم الواحد فى عملية زى دى يبقى على وعى فنى عالى عشان يعمل الشغل مضبوط

**sakr_skoda** · 11-03-2013 09:10 PM

المشاركة الأصلية كتبت بواسطة mohammedaladel

لو مفيهاش زيت عادى برضه لأن انت هتسحب الزيت هينزل من الفتحة يملا جزء من الزجاجة كفيل بأنه لما ترفع رجلك او ايدك من على دواسة الفرامل هيمنع دخول الهواء بس مش هنخسر حاجة لو حطينا شوية زيت من القديم فى الزجاجة :)

أنا ما شفتش الفيديو اللى فوق للأسف لأن النت عندى بطئ

بس محدش جاوبنى على سؤالى

وهل عادى أدور المحرك لو دواسة الفرامل حجرت ؟ متهيقلى عادى

الموضوع بسيط بس عايز تركيز لأن شايف حضرتك كل ما نروح بنزود نقطة جديدة ما كنتش مذكورة

فلازم الواحد فى عملية زى دى يبقى على وعى فنى عالى عشان يعمل الشغل مضبوط

مهو حضرتك اثناء تفريغ الزيت وفاتح البلف الفرامل عمرها ما حتحجر ....
الفرامل بتحجر لما تقفل البلف تماما فيتم تهويته شوية تلاقى الدواسة نزلت والزيت بالهواء يخرج ودى عند تفريغ الهواء من دائرة الفرامل
ياريت تحاول تحمل الفيديو حيخليك تنزل دلوقتى فى الضلمة تغيير زيت الفرامل بالكامل*

**aw2100** · 11-03-2013 10:00 PM

ياباشا شوية زيت صغننين من الزيت القديم مايضرش ده فية ميكانيكية بيحطوا فى الفرامل زيت التموين ده الميكانيكى بعد خناقة وافق انه يفضي قربة الزيت بالسرنجة وزود الزيت الجديد dot 4 موبيل وسحبنا الزيت القديم من المواسير من العجل لغاية ماابيض وتانى يوم سحبت شوية كمان وزودت الزيت للmax والفرامل ماشاء الله 10/10 بقالها حوالى سنة مش لازم نحبك الموضوع قوى المهم تغيير الزيت بالكامل مش تزويده زى مبيتفضل الدكاترة الميكانيكية بيعكوا ؟؟!!!

**aw2100** · 12-03-2013 12:37 AM

انا اقصد انك لو نزلت الزيت القديم من المواسير خالص حتاخد المواسير هواء ولازم تفضى الهواء كذا مرة علشان دورة الفرامل تفضى من الهواء لكن لو فضيت قربة الزيت ومليتها بالزيت الجديد وسحبت الزيت القديم من المواسير وتكمل فى قربة الزيت لحد ماينزل الزيت القديم كله افضل ومبيبقاش فيه اى هواء وطبعا حيبقى فيه اثار الزيت القديم فى الأجهزة والمساتر واعتقد ان ده مش حيسبب اى مشكله وتبقى عملية مرة واحده وخلصنا !!