المشاركة الأصلية كتبت بواسطة mohammedaladel
زيت الفرامل بيتغير خواص بمرور الوقت وبيمتص نسبة مياه وتقل درجة غليانه ويحصل بخر عالى عند الضغط على الفرامل ويعمل فقاعات جوا الدورة تقل كفاءة الفرامل ... عشان كدا بنغيره
بيبقى مكتوب على الغطاء بتاع علبة زيت الفرامل dot 3 or dot 4 أقرأ اللى على الغطاء كويس ... وطالما عربية مستعملة وعايز تغير الزيت غيرلها زيت بالمرة
بعد ما شفت أكتر من فيديو يا جماعة لتغيير زيت الفرامل ( لكن مغيرتوش بنفسى قبل كدا )
زيت الفرامل بيتم تغييره عن طريق تفريغ خزان زيت الفرامل عن طريق سرنجة زى ما قال الأعضاء الكرام ( هو فيه اداة مخصوصة بيبقى فيها علبة بس معرفش نلاقيها فين )ودى بتخلينا نستغنى عن دواسة الفرامل أثناء عملية تجديد الدورة
محلوظة : الناس بتقول ما تسحبش الزيت كله عشان الدورة ما تاخدش هواء أنا شفت فيديو بيسحب فيه الزيت وبيقول اسحب الزيت بقدر الإمكان انك تسحب الزيت اللى جوا الماستر ! وبيستخدموا أداءة السحب السابق ذكرها عبارة عن خرطوم وعلبة ومكبس زى مسدس كدا بيدوس عليه يبدأ عملية سحب الزيت
بعدين بنزود الزيت الجديد لحد علامة max ونقفل الغطاء ونركز قوى هنا لازم نقفل الغطاء عشان الزيت بيمص الرطوبة من الجو واحنا مغييرنه عشان كدا
اللى اختلفت فيه ال فيديوهات مع آراء الأعضاء ومع موضوع الأستاذ عصام غنايم
هى نقطة تفريغ الزيت من العجل
الفيديوهات اللى شفتها بيبقى ترتيب العجلات ف التفريغ بالترتيب
الأمامية شمال لأنها الأقرب لسلندر الماستر
الخلفية يمين
الأمامية يمين
الخلفية شمال ...
بنجيب المفتاح بتاع البلف وبيبقى موجود على البلف جلدة زى ما لأعضاء الكرام قالوا بنشيلها
طيب لو ملقناش الجلدة دى ؟؟
معنى كدا انه تم تغيير الزيت سابقا والميكانيكى محطش الجلدة :e_braces[1]:
فى الحالة دى أنا بنصح اننا ننفخ البلف الأول بالهواء المضغوط عشان بيبقى فيه تراب أنا عارف ان أول ما تفك الصمولة بتاعته جزئيا التراب هيطلع بس احنا بنعمل كدا للأمان برضه
بنجيب حتة خرطوم من اللى بيعملوا بيه ميزان المياه وبنجيب لتر بيبسى فارغ ونحط طرف فيه ونحط المفتاح فى الصمولة بتاع البلف ونركب الطرف التان من الخرطوم ونفتح هيطلع الزيت
المفروض اننا نطلع الزيت لحد ما يبان الزيت الجديد بلونه الجديد النضيف والتأكد ان مفيش فقاعات هواء بتطلع معانا
نبص على علبة الزيت نفتحها ونزودها تانى لماكس ونعمل كدا مع الأربع عجلات
طيب لو الفرامل حجرت مع الدوس عليها ؟ أنا فى الحالة دى هدور الموتور عشان يشغل نظام الفرامل وهطفيه وبعدين هبدأ أدوس تانى فرامل
الدوس على الفرامل بشويش يعنى حاجة خفيفة متدوسش عليها مرة واحدة
ملحوظة كمان :e_braces[1]:: قرأت على موقع بيتكلم عن زيوت الفرامل ان فيه بلوف المساتر بتتغير مع تغيير الزيت لأنها مع الوقت بتسرب هواء بسيط داخل الدورة
هل حد بيعمل كدا ضرورى حد يجاوبنى على السؤال دا يا أصدقاء ؟