الموضوع: صيانة 120000 كورولا 2008 mmt

المشاركة الأصلية كتبت بواسطة ahmed a.maksoud

معلش سؤال للحاج yaris

هو أول مشاركة ليك منقولة من منتدى خليجي ؟

لو منقولة خللي بالك أن الصيانة ممكن تفرق من بلد لبلد.....يعني الميجان الصيانة الكبيرة بتاعتها فى مصر بتتعمل على 60 و 120 و 180 الخ...........و فى الإمارات بتتعمل على 80 و 160 و 240 الخ.

جايز يكون فيه فرق برضه بين تويوتا فى مصر و فى الخليج فى موضوع الصيانات.

احمد باشا
منور القسم ياباشا هو في فعلاً في مصر نوعين من الصيانة
٥ وال ١٠ وال ٢٠ وال ...٤٠ الخ
وفي صيانة ٤٥ وال ٥٥ وال ٦٥ ... الخ

على حسب ما ابتديت انتا معاهم من الاول ... وعلى ما اذكر تقريباً في احدى عربيات تويوتا المصرية مش الخليجية رحتلهم اول مره في صيانة العشر تلاف طبقاً لتعليماتهم

وعلى ما اذكر كمان كان بيقولك على صيانة ال ١٠ الاف بتغير بواجي
حتى انا اتجننت ساعتها ازاي عربية زيروا وتغيرلها بواجي فقلك اصلها بتيجي بالبحر واحتمال تكون البواجي ملحت او خدت رطوبة وشوية كلام :)

@@@@@@@@

بالنسبة لسير المجموعة اه كمان بيتغير على حسب كمان اخر مرة غيرتوا ايمتى وكمان مش فاكر هل بيتغير كل ٦٠ ولا ٤٠ مش فاكر بالزبط اصلي لسه صاحي من النوم ومش مركز وتحياتي :) لمن اقوم اعملي كوبايت شاي اخضر بالنعناع كده وافوق :)

انا جييييت
بصو ياجماعة اولاً يا اهلاً بيكم ومنورين واللهِ. ولو في طريقة اقدم لكم شاي اخضر بالنعناع كنت عملت حسابكم معايا :)
ثانياً : بالنسبة للموضوع. اخونا وحبيبنا سئل سؤال / ان ابن عمو عاوز يعمل صيانة فايه بصفة عامة بيتم فيها ... فانا ذكرتلوا باكيتج كده مجموعة من الحجات الي ممكن تتعمل وممكن لأ ... على حسب ابن عموا عمل ايه اخر مرة !

بمعنى ذكرت انا تغير فلتر الهوى بتاع المحرك ... بس ممكن يغيروا وممكن يطلعوا يديلوا خرطوم هوى ويرجعو زي الفل ويركب تاني :) كده يعني لان لغايت دلوقتي هو موضحش عاوز يعمل الصيانة برة التوكيل ولا في مركز خدمة ولا يشتري الحجات الي لازم تتغير زيوت وفلاتر ويروح لاي ميكانيكي جمب البيت ويروق العربية فاهمني فالصيانة الدورية. لا تطبق حرفياً ولكن التوكيل بيقولك زي ما انا قلتلك كده المفروض تغير كزا وكزا وكزا. ... حاب تغيروا بيعملك امر شغل مش حابب بيقولك ازيو لايك :) فاهمني وتحياتي وواللهِ منورين كمان مرة :)