محتار بين نيسان سوبر الشكل الجديد و كارينز

**mxz911** · 13-02-2013 01:06 AM

مقارنه غير عادله
مينفعش مثلا نجيب عربيه جيب 4x4 ب 500 الف نقارنها ب عربيه مرسيدس سيدان ب 500 الف
الفئه السعريه مش كل حاجه
دى ليها استخدام معين ودى استخدام معين !

**Ahmed_Adham** · 13-02-2013 01:24 AM

المشاركة الأصلية كتبت بواسطة saint2011

شوف حضرتك أنا فيه واحد صاحبى معاه كارينز 2011 خليجى وكان قبلها معاه سوبر صالون 2009 بيحلف أن فردة الكاوتش فى السوبر صالون برقبة الكارينز وأسبابة أن الكارينز على حجمها محتاجة موتور أكبر من 1600 على الأقل 1800 أو 2000 سى سى ثانيا التكييف ضعيف نظرا للمساحة الداخلية الكبيرة للكارينز ثالثا بيشتكى أيضا من العفشة وخصوصا الخلفية أثناء الجرى بالنسبة للسوبر صالون الشكل الجديد أنا معايا ال ex بصراحة عربية ممتازة فى كل حاجة فرامل ونعومة وركوبة و أستهلاك أقتصادى فى البنزين وسع الصالون محترم جداااا وأهم نقطة خدمة ما بعد البيع توكيل نيسان محترم جدا وأخيرا ربنا يوفقك للصالح

معلشي اسمحلي أفرمل مع حضرتك عند العفشه الخلفيه. كل الناس بتشكر في العفشه الخلفيه بتاع الكارينز وكل الناس بتشتكي من العفشه الخلفيه بتاعت النيسان الجديده بس انت قلبت الكلام خالص