الموضوع: حرارة الفيات تمبرا 2001

عندي مشكلة في الحرارة ،
المفروض ان المروحة تشتغل علي السرعة البطيئة لما توصل 83-88 و تشتغل علي السرعة الثانية لما توصل 87-92 لكن عندي بتشتغل علي السرعة البطيئة عند 92-95 و العالية 95-100 و لما المروحة بتوقف بتكون الحرارة عند 90 مع ان العربية ديه طبيعتها مابتسخنش اصلا و عمرها ما كانت بتعدي ال90 في عز الحر و مشغل التكييف . روحت للميكانيكي بصلي علي دورة المياة و قالي ان الثرموستات اللي في كوعة المياة بايظة و لغاها عشان ملهاش لازمة ، اتعالجت المشكلة شوية مفيش يومين رجعت نفس المشكلة تاني قالي روح للكهربائي روحت غيرلي ثرموستات المروحة ، برده نفس المشكلة ، غيرلي حساس الحرارة (صباع الحرارة) اللي في الموتور برده نفس الكلام روحت نظفت الراديتير و سلكته برده نفس الكلام

و انا بصراحة زهقت من اللف و مش عارف الحل ايه افيدوني ارجوكم لذوي الخبرات في الفيات تمبرا 2001

علي العلم الكلام ده حصل بعد ما فكيت الكربرتير و نظفته و ظبطلي كهربة العربية هل ده ليه علاقة ؟

السلام عليكم يا اخي
طبعا في الاول كده الميكانيكي الي قالك ان الثرموثتات الي في كوعه المياه ده مالوش لازمه معلش ده راجل مش فاهم في الميكانيكا علشان الثرموثتات ده بيعمل علي تنظيم حراره الماتور في السرعات العاليه ...... لكن موضوع الحراره الي عندك في العربيه دي ممكن الي ظبطلك الكربيراتير مظبطوش كويس فخلي العربيه بتحرق زياده عن اللزوم او راجع علي دايره المياه ممكن يكون فيها هواء علشان الموضوع ده عصل معايه قبل كده ...... والله واعلم :)