استشاره بخصوص كاوتش - النترا 2010
استشاره بعد اذن الرجاله وأرجو الرد بسرعه
عربيتى النترا 2010 - عامله 83000 كيلو - الكاوتش اللى قدام لسه جديد - متركب من أقل من 10.000 كيلو ونوعهم غريب شويه - حاجه اسمها linglong تقريبا
الفردتين اللى ورا متدمرين - الفردتين بتوع الفبريكه
مقاس الكاوتش 15/65/185 اللى بينزله الزفت غبور اللى عمره ما كان أمور
نضيف على المشكله بتاعتى مشكله تانيه
ان الفرامل عندى اداءها زى الزفت والعربيه بتزحف منى مع الفرامل الجامده
دلوقتى فى رأيكم - أجيب فردتين بريدجستون 15/65/185 واركبهم قدام وارجع الفردتين الlinglong دول ورا
ولا أغير الاربع فرد ل 15/65/195 علشان اخلص وأوصل بالعربيه لأداء أفضل خاصتا فى موضوع الفرامل ده
المشكله انى بدون مبالغه مزنوق ماديا بدرجه مهوله ومعيش ولا جنيه
كل الكاوتش بريدجستون
تكلفة تغيير فردتين 15/65/185 الواحده ب 655 ديه اليابانى - والتايلاندى 524
تكلفة تغيير 4 فرد 15/65/195 الواحده 706 أو 615 أو 611 أو 580
وبصراحه انا نفسى جدا فى الفرده اللى ب 706 اللى هيه يابانى - 2 side - والاهم انها V مع العلم انى مش من هواة الجرى خااااااااااااااااالص
المشكلة التانية انى لو استمريت على الكاوتش ده (المقاس الاصلى) هافضل بيه تقريبا من 30-40 شهر كمان - لأن استهلاكى فى الشهر الواحد فى حدود 1000 كيلو فقط
رجاء تفيدونى أعمل ايه - وهل لو غيرت المقاس فعلا هاحس بفرق ولا لأ - وهل استهلاك البنزين هايزيد بشكل ملحوظ ولا لأ