السلام عليكم
دلوقت وأنا بدور العربيه سمعت صوت خبط جامد من الموتور وبعدين بطلت
جيت أدور تاني صوت الخبط زاد جدا وراحت مبطله
دورت تاني مرضاتش تدور خالص
مع إني لسه راجع من مشوار الفجر وكانت زي الفل
حد عارف ده من إييه وأتصرف إزاي؟
عايز الرد بسرعه
عرض للطباعة
السلام عليكم
دلوقت وأنا بدور العربيه سمعت صوت خبط جامد من الموتور وبعدين بطلت
جيت أدور تاني صوت الخبط زاد جدا وراحت مبطله
دورت تاني مرضاتش تدور خالص
مع إني لسه راجع من مشوار الفجر وكانت زي الفل
حد عارف ده من إييه وأتصرف إزاي؟
عايز الرد بسرعه
غريبه دي ؟؟؟ ممكن تكون حاجه دخلت من تحت العربيه قطه مثلا او حاجه انت مش واخد بالك منها وعملت حاجه في مراوح العربيه ؟؟؟؟ ارجو انك تطمنا عليك
فى اسباب كتير للموضوع ده بس مبدأيا ما تدورش العربيه تانى. افتح الكبوت و شوف لو فى اى حاجه غريبه حوالين الموتور و على البطاريه او عند المروحة و بص على السوائل اللى فى العربيه و بالذات على مقياس زيت الموتور و شوفه كويس و لا ناقص قوى و مياه الردياتير و بص تحت العربيه شوف لو فى اى حاجه بتنقط منها من تحت. لو لقيت سبب المشكله يبقى تحله و لو ما وصلتش لحاجه ابقى أرفعها و اطلع بيها على التوكيل من غير ما تدورها و ان شاء الله خير و ابقى طمننا
لا يا ريس قطط إيه بس؟
أنا باسمع صوت تخبيط جامد أنا شاكك إن الموضوع فيه سير تقسيمه إتقطع ولا حاجه
انا مستني أي ميكانيكي ييجي يشوفلي الليله دي وربنا يستر يا رب
ومتكونش حاجه جامده انا مش حمل أي حاجه دلوقت لسه طالع من تصليح ب 2000 جنيه من إسبوعين
ممممممممم
ممكن حساس كامه..يبرجلك صوت المكنه..أنا مش قادر أترجم صوت خبط معناه ايه..
أو سير كاتينه بقى لا قدر الله..
بص عليه ..هو عليه كفر للحماية جمب طلمبة الميه
امتى غيرت سير الكاتينة
مفيش قطط او اي حاجة هتدخ للعربية علشان مصفحة من تحت
اللي فعلا شاكك فيه قوي هو سير الكاتينة زي ما الميكانيكي قالك بس اتأكد الاول بانو يفك الوش و يطلع السير مقطوع قدامك ... لو كدة ممكن فعلا لما دورت ثاني يكون في صباب اتعوج
انت العربية عاملة كام الف و مغير السيور اخر مرة امتى و فين؟ لو في التوكيل و قريب متخليش حد يفتح الموتور ولا يقرب للعربية و تاخدها على ونش و تطلع على التوكيل بالفواتير
اما لو برة فيبقى لازم تعملها عند حد كويس
لا حول ولا قوة الا بالله
ربنا ان شاء الله ييسرلك الامور و يهديك للخير
بس غريبة جدا ان السير يتقطع بعد 31000 كيلو و خصوصا لو اصلي
هي حاجة من 2 ياما السير كان متخزن و ناشف شوية ياما ركب غلط بس في كل الاحوال الحمد لله قدر الله و ما شاء فعل ة ان شاء الله الدنيا تظبط معاك و خلينا معاك خطوة بخطوة و لو احتجت اي حاجة احنا كلنا تحت امرك
أنا عايز اعرف التكلفه بس عشان أعمل حسابي
وربنا يستر ويسهل
ماتشوف حضرتك اسعار الموتور استيراد لو افضل
اتوكيل شغال بس تكلفته هتبقى اغلى من تكلفة الميكانيكي الشاطر
انت كدا خليتني اشك ف كل سيور العربيه ... ان شاء الله يكون خير وحاجه بسيطه وتكون مجرد تقسيمه وسيور مش اكتر .. ياريت تطمنا علشان بجد من ساعه ما قريت الموضوع وانا متضايق علي عربيتك
الله يبارك في حضرتك
وبإذن الله حاجه بسيطه من ساعتها وأنا مش طايق منظر العربيه قدامي
كل شويه حاجه تبوظ وتتصلح باد كده x أد كده
من شهر غيرت بليه الدبرياج دخلت في 2000 جنيه
وإشتريت بطاريه وأربع كوتشات
ودلوقت سير تقسيمه باظ وصبابات متكسره جوه المكنه
يا عالم هاتتكلف اد إييه دي كمان؟
ربنا يستر يا رب ويجيب العواقب سليمه
دعواتك بالتيسير وربنا يسهل
ربنا يعديها على خير ..
ياسيدى الفاضل أنا بس مستغرب حضرتك شارى عربية عارف أنها معقدة و كلها حساسات و الغلط فيها بفورة دى مش 128 حنشيل ربع الماكينة اللى فيها الصبابات و نغير و نشيل ونحط أنا لما كان معايا الشاهين كنت بأروح بيها التوكيل فى غمرة لحد ما الشركة قفلت و من 2005 ل 2011 لم أسمح لأحد أنه يلعب فى الكرابتير بتاع عربية و عملت بيها مية الف كيلو فى عشر سنين و لم أغير أسطوانة دبرياج أو حتى أقترب من الفتيس أة الكورونا يا جماعة العربية دى مش لعبة ممكن تعطل بيك فى وقت ما فيهوش هزار الواحد يروح التوكيل ويدفع قرشين زيادة أحسن ما العربية تعطل و لا ميكانيكى يبوظ له حاجة فى العربية ده لو كان حصل من التوكيل زى ما الأستاذ جبريل قال تروح لهم ومعاك فواتير الصيانة و هما ملزمين يحلو لك المشكلة المشكلة اننا بسترخص و فى الأخر نقول ياريتنا
السلام عليكم ورحمه الله وبركاته
أنا دلوقت في مركز صيانه في المندره
ربع ساعه كده وهارفع الصور واعمل موضوع جديد
هاشرح فيه نتيجه فحص الموتور والمشاكل إللي لقيناها
جوه الموتور مش هاقول غير الحمد لله علي كل حال
خليكوا معايا