مصيبه يا رجاله

**abo_pasem** · 09-02-2013 02:15 PM

السلام عليكم
دلوقت وأنا بدور العربيه سمعت صوت خبط جامد من الموتور وبعدين بطلت
جيت أدور تاني صوت الخبط زاد جدا وراحت مبطله
دورت تاني مرضاتش تدور خالص
مع إني لسه راجع من مشوار الفجر وكانت زي الفل
حد عارف ده من إييه وأتصرف إزاي؟
عايز الرد بسرعه

**ASCOM** · 09-02-2013 03:25 PM

غريبه دي ؟؟؟ ممكن تكون حاجه دخلت من تحت العربيه قطه مثلا او حاجه انت مش واخد بالك منها وعملت حاجه في مراوح العربيه ؟؟؟؟ ارجو انك تطمنا عليك

**Land_Cruiser** · 09-02-2013 04:03 PM

فى اسباب كتير للموضوع ده بس مبدأيا ما تدورش العربيه تانى. افتح الكبوت و شوف لو فى اى حاجه غريبه حوالين الموتور و على البطاريه او عند المروحة و بص على السوائل اللى فى العربيه و بالذات على مقياس زيت الموتور و شوفه كويس و لا ناقص قوى و مياه الردياتير و بص تحت العربيه شوف لو فى اى حاجه بتنقط منها من تحت. لو لقيت سبب المشكله يبقى تحله و لو ما وصلتش لحاجه ابقى أرفعها و اطلع بيها على التوكيل من غير ما تدورها و ان شاء الله خير و ابقى طمننا

**abo_pasem** · 09-02-2013 04:12 PM

لا يا ريس قطط إيه بس؟
أنا باسمع صوت تخبيط جامد أنا شاكك إن الموضوع فيه سير تقسيمه إتقطع ولا حاجه
انا مستني أي ميكانيكي ييجي يشوفلي الليله دي وربنا يستر يا رب
ومتكونش حاجه جامده انا مش حمل أي حاجه دلوقت لسه طالع من تصليح ب 2000 جنيه من إسبوعين

**م.محمد علاء** · 09-02-2013 04:29 PM

ممممممممم
ممكن حساس كامه..يبرجلك صوت المكنه..أنا مش قادر أترجم صوت خبط معناه ايه..
أو سير كاتينه بقى لا قدر الله..
بص عليه ..هو عليه كفر للحماية جمب طلمبة الميه

**ahmedsrs** · 09-02-2013 04:33 PM

امتى غيرت سير الكاتينة

**abo_pasem** · 09-02-2013 05:48 PM

المشاركة الأصلية كتبت بواسطة ahmedsrs

امتى غيرت سير الكاتينة

ع ال 55000 كده
فيه ميكانيكي جالي من شويه وقاللي سير التقسيمه إتقطع وضرب الصباب ودقر في المكنه
لازم تحل الموتور ونغير سير التقسيمه ونشوف الصبابات

المصايب لازم تيجي دفعه واحده كده ربنا يستر يا رب

**gebreel** · 09-02-2013 06:31 PM

مفيش قطط او اي حاجة هتدخ للعربية علشان مصفحة من تحت

اللي فعلا شاكك فيه قوي هو سير الكاتينة زي ما الميكانيكي قالك بس اتأكد الاول بانو يفك الوش و يطلع السير مقطوع قدامك ... لو كدة ممكن فعلا لما دورت ثاني يكون في صباب اتعوج

انت العربية عاملة كام الف و مغير السيور اخر مرة امتى و فين؟ لو في التوكيل و قريب متخليش حد يفتح الموتور ولا يقرب للعربية و تاخدها على ونش و تطلع على التوكيل بالفواتير

اما لو برة فيبقى لازم تعملها عند حد كويس

**gebreel** · 09-02-2013 08:10 PM

المشاركة الأصلية كتبت بواسطة abo_pasem

هيا المكنه قفشت يا أستاذ جبريل والحمد لله علي كل حال
أنا عامل 86000 ومغير السير في الحرفيين علي 55000 والسير أصلي
هاشتغل في الحرفيين أو عند الميكانيكي إللي جالي وربنا يستر يا رب
ويسهل الحال وييسر الأمر دعواتك

لا حول ولا قوة الا بالله

ربنا ان شاء الله ييسرلك الامور و يهديك للخير

بس غريبة جدا ان السير يتقطع بعد 31000 كيلو و خصوصا لو اصلي
هي حاجة من 2 ياما السير كان متخزن و ناشف شوية ياما ركب غلط بس في كل الاحوال الحمد لله قدر الله و ما شاء فعل ة ان شاء الله الدنيا تظبط معاك و خلينا معاك خطوة بخطوة و لو احتجت اي حاجة احنا كلنا تحت امرك

-

الموضوع: مصيبه يا رجاله

LinkBack

أدوات الموضوع

عرض

مصيبه يا رجاله - انشر الموضوع فى :

-

-

-

-

-

-

المواضيع المتشابهه

افيدوني في مصيبه 307

في مصيبه عملتها وخايف لاتكون مصيبه سودا

مصيبه في نيو اكسنت2010

الحقوني ياجدعان مصيبه

الكلمات الدلالية لهذا الموضوع

المفضلات

المفضلات

ضوابط المشاركة