استفسار من كل الأعضاء بخصوص كورولا 2006

**esam_ayad** · 09-02-2013 05:49 PM

السلام عليكم يا أعضاء أجمد منتدي
من فتره زميلي في الشغل اشتري عربيه كورولا زي بتاعتي بس عربيته 1800 سي سي,
ولما جيت أركبها علشان أجربها لقيت الكرسي بتاعها بيزيق جامد جدا ,لكن لما قعدت علي الكرسي وجيت أشد حزام الامان علشان أركبه قبل ماأسوق العربيه لقيته ناشف ومش راضي يتحرك فسألته وقالي أنا أول مره أخد بالي وقاللي ان الراجل اللي فحصهاله قاللو ان راس الشاصيه(الشاسيه) مخبوطه بس الشاسيه نفسه سليم ومافيهوش أي خبطه ,فبصيت علي التابلوه مالقيتش أي لمبه منوره للإيرباج وهي بس لمبة حزام الامان اللي بتنور وتطفي علي طول(يعني لمبه عاديه).
الإستفسارات بقي:
1- ايه الحل مع حزام الأمان؟"هل بيتغير كله ولا أخليه يفكه من مكانه ويركبه تاني ولا ايه؟"
2- هل راس الشاسيه دي لما بتتصلح بترجع زي حالتها ولا ايه ؟وإيه ضررها علي العربيه لو سابها وماصلحهاش_وسعرها كام دي تقريبا في التوكيل في مصر_؟
3- ايه حل الكرسي اللي بيزيق جامد جدا ده؟ _والله العظيم حسيت مع كل ضغطة بنزين أو ضغطة فرمله جامده اني راكب مرجيحه مش عربيه_

**Y a r i s** · 09-02-2013 06:03 PM

اولاً حمدالله على السلامة ياباشا ايه فينك يا غالي فين الغيبة دي كلها وووحشتينا :)

بالنسبة للكرسي ملهوش حل غير يترمي ويتجاب غيروا
جديد تمنوا ٣٠٠٠ جنيه في التوكيل
وتمنوا استيراد في الحرفيين ٤٥٠ جنية او ٦٠٠ جنية

@@@@@@@@@@

بالنسبة للحزام. ملهوش علاقي براس الشاسي
ده حلوو كمان يترمي ويتجاب واحد جديد او استيراد شغال برضوا
وفي موضوع لسه منزلوا بارقام كل التجار الي في الحرفين. اتصل واسئل حزام كورولا عامل كام

@@@@@@@@@

بالنسبة لراس الشاسي مش عارف انتا قصدك على مدفع الشاسي الي شكلو بيبقى عامل زي الياي كده او الاكورديون الي هو خلف الاكصدام الامامي
ده بيتباع. عادي ورخيص مش فاكر انا اشتريتوا سنة ٢٠٠٨ كان عامل تقريباً تقريباً ٤٥٠ او ٨٥٠ معليش يا عزيزي الزهيمر عامل شغلوا بس المهم بتتغير عادي ورخيصة مش غالية ... وتحياتي

**Y a r i s** · 09-02-2013 06:15 PM

ماهو المشكلة الحجات دي مبتتصلحش ياباشا دي بتترمي وهات غيروا
بس هو مش في فالكويت في حولي ولا غيروا حاجة اسمها التشاليح ( عربيات الحوادث ) هتلاقي حجات حلوة كتير هناك. ومرمية ولسه بشوكها وبالتوفيق انشاء الله

**Y a r i s** · 09-02-2013 07:28 PM

لا إله الا الله
حتى الكويت بلد البترول بيروحوا يشتروا من السكراب ... هيا الازمة العالمية وصلتلهم ؟
ده انا كنت فاكر ان اول مالواحد فيهم لو لقى العجلة بتاعت عربيتوا نامت ... يقوم رامي العربية كلها وشاري وحدة جديدة فول كامل ... يالله ربنا يعطيهم ويعطينا ... بص ياباشا هو بالنسبة للحزام بيبقى في الاخر سوستة ... دي مع الوقت والركنة والرطوبة. وكدة. فبتلاقي السوستة بتضرب ...

على فكرة احنا عندنا السكراب المصري برضوا تستغربلوا ... تلاقي مثلاً القطعة بتتباع جديدة بقرشين. وفي السكراب او تجار الاستيراد بتالت قرووش تيجي تسئل ليه !!!
يقلك دي ياباشا بتاعت الفبريكا بتاعت بلدها وكالة. ... اما الجديد كلوو مضروب !
سبحان الله على الناس دي ... ميعرفوش ان اي تويوتاوي غلبان لانوا ممعهوش فلوس كفاية فبيروح يجيب حاجة مستعملة او نص عمر ومتفرقش معانا اذا وكالة ولا مش وكالة :) يقوموا هما بسلامتهم يغلوو تمن الحاجات المستعملة الاستيراد ! حسبي الله ونعم الوكيل فيهم