استفسار بخصوص كورولا خليجي ,,,

**Mosso** · 15-07-2012 02:37 PM

السلام عليكم و رحمة الله و بركاته ,,

أنا كنت عايز استفسر عن كام حاجه بسيطه كده بخصوص الكورولا ,,
مبدأيا العربيه 2011 خليجي وارد الخارج فكنت عايز اعرف هل صيانتها بتكون في التوكيل ولا مينفعش و لازم مراكز خارجيه ؟؟ و ايه احسن مراكز الصيانه للتويوتا ؟؟ مع العلم اني من مدينة نصر فياريت مكان قريب ,,
بالنسبه للصيانه هي حاليا عامله 18 الف كم .. ايه الي المفروض اعمله في صيانة ال20 الف ان شاء الله ؟؟؟
هل يفضل افضل على الزيوت العاديه موبيل و شل ولا اغير لليكوي مولي او فالفولين ؟؟ و منين اجيب ليكوي مولي من مدينة نصر او مكان قريب ؟؟؟

كنت عايز اجيب Fog light اجيبه منين ؟؟ و فين احسن مكان بيبيع قطع غيار تويوتا اصليه باسعار كويسه ؟؟

هل في نصايح عن العربيه لازم اعرفها ؟؟

و شكرا و اسف عشان عارف اني بتعبكم معايا :)

**S O P H O S** · 15-07-2012 04:22 PM

حضرتك غير لليكوي مولي او فالفولين وفي فالمنتدي العام
مواضيع ليهم وخدمة عملاء ده راي فقط
اما الصيانة فاعتقد انها تتعمل 20 الف ولا اعتقد ان هتغير فيها حاجات رئيسية
المهم تبصل علي حالة التيل وتغير مياه الردارتير وتبص علي زيت الفتيس
وبردوا شوف راي باقي الاخوة
بالتوفيق ..

**medo_sirion** · 15-07-2012 06:09 PM

المشاركة الأصلية كتبت بواسطة s o p h o s

حضرتك غير لليكوي مولي او فالفولين وفي فالمنتدي العام
مواضيع ليهم وخدمة عملاء ده راي فقط
اما الصيانة فاعتقد انها تتعمل 20 الف ولا اعتقد ان هتغير فيها حاجات رئيسية
المهم تبصل علي حالة التيل وتغير مياه الردارتير وتبص علي زيت الفتيس
وبردوا شوف راي باقي الاخوة
بالتوفيق ..

ل

لالالالالالالالالالالالا تغير اية مافيش حاجة فى ال 20 الف بتتغير هوة المفروض بس فلتر الهواء بس بيتكشف علية لو محتاج يتغير يتغير لو مش محتاج ينظف وبس

**medo_sirion** · 15-07-2012 06:37 PM

ويغير مياه الردارتير

دية لوحدها مشكلة كبيرة لان المية اللى بتيجى مع العربية مش زى اللى بتتباع برة بيبقى تركزها قليل جدا وانواعها سيئة

سوال بقى هوة لية بنغير المية دلوقتى انت تعرف انها بتتغير كل 140 الف ك

**S O P H O S** · 15-07-2012 09:14 PM

المشاركة الأصلية كتبت بواسطة medo_sirion

ويغير مياه الردارتير

دية لوحدها مشكلة كبيرة لان المية اللى بتيجى مع العربية مش زى اللى بتتباع برة بيبقى تركزها قليل جدا وانواعها سيئة

سوال بقى هوة لية بنغير المية دلوقتى انت تعرف انها بتتغير كل 140 الف ك

في دي بقي عندك حق بصراحة
ولكن معلومة 140 الف كيلو دي جديدة علي الاقل بالنسبة ليا
بس كراي حاسس انها مسافة كتيرة شوية
والله اعلم ..

**me_medoo** · 16-07-2012 11:24 AM

اولاً تحياتي ياشباب
بالنسبة للمية بتتغير كل فترة لانها بتكون فقدت خواصها الكميائية وياريت قبل كل صيف بتتغسل السربنتينة وتتغير اما بالنسبة للفوج لايت حضرتك شارع دمشق عندكوا هناك في خمس محلات لقطع غيار تويوتا

بالنسبة للزيت مش هتفرق هات الزيت الي يريحك وحط بانزين زي الناس
المهم خلي بالك ان في فرق بين قطع غيار الخليجي وبين غيار المصري في بعض الاشياء
يعني فتحت الصامولة حجم المسمار وكده يعني حركة عاملها التوكيل عندنا (صياعه هههههه)
في بعض قطع الغيار

بالنسبة لمراكز الخدمة تويوتا كتيررررر في عندك الوهاب في اكتوبر
في عندك مركز خدمة في صقر قريش
في عندك في المهندسيين شارع مصر والسودان
في عندك توكيل في العباسية كمان قريب منك
في عندك الفطيم جمبك على الطريق الدائري
@@@@@@@@
وتحياتي

**Unendlich** · 16-07-2012 02:08 PM

هم الجهلة (اللي حيالله صنعوا العربية) قالوا المية بتتغير عند 160 ألف كم انما احنا أكيد يعني مما لا شك فيه اننا بنفهم أكتر منهم, يعني هم بنوا الأهرامات و أبو الهول مثلا ؟؟
عامة راجع النقطة 6 اللي هي engine coolant هتلاقيه بيقولك تقرا notes رقم 5 و 6 و 7

و بالنسبة لمراكز الصيانة ف المراكز ال 3 الرئيسية (تجمع-عباسية-أبو رواش) مش هيرضوا يدخلوك نهائي. المراكز المعتمدة مش هيعترضوا.
و بالنسبة للزيت ف الموبيل 0w40 مش ال 5w50 اللي منتشر في كل حتة كان رائع عليها و بيقعد 15 ألف كم بدون ادنى مشكلة (بس العربية طرقها غالبيتها سفر)