تكيف الفللوانسسسسسسسس

**ser3a_0** · 09-02-2013 11:09 PM

طمنوني عن تكيف الفلوانس و اخبراه ايه

انا ان شاء الله هجيبها في الامرات بس الناس مخوفاني من التكيف

و هنا الجو حر جداا
ف ا يا ريت الافاده

**AlGazar2** · 09-02-2013 11:27 PM

التكييف معقول على حجم العربيه و كنت قريت معلومه هنا ان العربيه الى بتنزل فى الخليج بيبقى تكيفها نيسان تقريبا

**ser3a_0** · 09-02-2013 11:57 PM

اعرف ازاي موضوع تكيف نيسان ازاي

**ahmed_hanafi** · 10-02-2013 01:17 PM

ممكن تسأل في التوكيل

**Moratoz** · 10-02-2013 06:07 PM

العربيه في الخليج موتور وفتيس نيسان

**ahmadm** · 10-02-2013 09:11 PM

السلام عليكم و رحمة الله و بركاتة

يا جماعة تكييف الفلوانس مش معمول عشان تجمد فية لحمة و فراخ و بعدين تنزل من العربية و تعيا و يجيلك برد هو معمول عشان يخلى الجو طبيعى مش عشان تتجمد و بعدين انا سقت عربية اخويا كتير و التكييف ما كانش مضايقنى تماما كان زى الفل و بعدين لو الموضوع متأزم قوى ركب فى كول بس بجد الموضوع مش للدرجة دية خالص

**ahmed_hanafi** · 11-02-2013 07:45 AM

حد عارف ال في كول الاقيه فين واسعاره ايه ؟؟؟

**Ultramisho** · 14-02-2013 01:38 PM

المشاركة الأصلية كتبت بواسطة ser3a_0

قالولي نيسان موتور و تكيف و فتيس

ياباشا انا برضه في السعودية بس ان شاء الله هارجع نهائي قبل رمضان
ودرست العربية دي لاني معجب بامكانياتها وفخامة الصالون ووسعها
في الخليج (مستوردة من كوريا) لقيت موتورها وتكييفها وفتيسها بتوع التيدا وفي مصر (مستوردة من تركيا) لا والشكل خاصة الامامي مختلف
وقطع غيار الخليجي كان فيه كلام انك مش هتلاقيها في مصر

السنة دي الفلونس في مصر نزلت بموتور التيدا وفتيسها برضه وكان سؤالي دايما عن التكييف وماحدش قال نهائي انه هيتغير
بس برضه هيفضل شكلها من الامام والشبكة وكده مختلف عن الخليجي على ما اعتقد

انا بصراحة اخشى اغامر واشتري من السعودية وبعدين الاقي قطع ناقصة في مصر لكن ممكن تسأل لو بتفكر بجدية بكده علشان ماتغامرش هو فيه ناس بتقول موجودة بس يمكن سؤال التوكيل اضمن
كمان اخشى اشتري من مصر ويكون فيها التكييف القديم زي ما متوقع وبعدين تيجي موجة حر واقعد العن اختياري

اتمنى يتغير التكييف برضه لان التكييف الي في مصر رغم انه اكثر تكنولوجيا لكن بطيئ اكتر من الميجان كمان

ارجو ان اكون عرفت ان اوضح رأيي
تحياتي

**ser3a_0** · 14-02-2013 08:39 PM

هي الفكره انت كمان الواحد دايما في الصيف الوقت ده بره في شغل
يعني هيتعبك و يائر علي اعصابك في درجه حراره تصل ل 53

و موضوع عدم تطابق قطع الغيار زي النسخه اللي في مصر مقلق جدا

شكلي هصرف نظر :(