ممكن مساعده؟؟؟؟؟

**Eng.sara** · 11-02-2013 04:49 AM

المشاركة الأصلية كتبت بواسطة mohammed dodda

فعلا مفيش وجه مقارنة بين الاتنين الا السعر المتقارب...أعتقد الانسب-من الناحية الشكلية بس-ال128 على اعتبار ان حضرتك بنت

شكرا لاهتمام حضرتك

ولو هيبقي علي الشكل مش مشكله مقدور عليها :d

**Eng.sara** · 11-02-2013 04:52 AM

المشاركة الأصلية كتبت بواسطة zega332

انا هقولك على العيوب والمميزات طبعاً عن تجربه ومازالت قائمة
العربيه قوة تحمل كويسه جداً وموتور جميل وقطع غيار موجوده واسعارها فى متناول الجميع وصيانتها سهله
الناس بقى مبتحبهاش عشان صوتها خشن شويه وده عادى فى اي عربيه الكاتينه بتاعت موتورها جنزير وده فى اغلب العربيات بيبقى سير كاوتش وطبعاً الجنزير بيستحمل اكتر لأنه بينقل حركه داخل الموتور
تانى حاجه عشان عاليه بيخافوا منها فى الملفات وعلى السرعات العاليه وطبعا بيركبلها كاوتش عريض بيحل الموضوع
واخيراً دريكسيونها تقيل شويه وفى منها باور بس انا بفضلها منغير الباور لأنه مع السرعات مبيفصلش وبيبقى خطر واخيراً انتى راكبه عربيه بيتعملها احترام من اي عربيه على الطريق

طبعا ال 128 تمشى بناتى اكتر لأنها اخف واسهل فى السواقه وبرضه قطع الغيار موجوده ومنتشره والصيانه سهله واي حد بيشتغل فيها و 4ابواب بس موتورها اقل قوه والعربيه ضعيفه شويه مع التحميل الزائد

هى نصيحتى لحضرتك لو عايزه نيفا مفيش مشكله بس تكونى بتسوقى مش هتتعلمى لسه لأن الموضوع هيبقى صعب عليكى لو لسه هتبدأى سواقه وعلى فكره انا شوفت بنات كتير راكبه نيفا
وبالتوفيق ودى صورة عربيتى
[img]

[/img]

والله انا بعد ما شفت بتاعت حضرتك اقتنعت اكتر شكلها افضل بكتير من 128 ربنا يكفيك شرها

**zega332** · 11-02-2013 11:24 AM

المشاركة الأصلية كتبت بواسطة eng.sara

والله انا بعد ما شفت بتاعت حضرتك اقتنعت اكتر شكلها افضل بكتير من 128 ربنا يكفيك شرها

طبعاً هى من ناحية التقل مش هتفرق كتير عن البيجو لأنى من غواة البيجو كمان ومعايا واحده موديل قديم بس الفرق الى بتكلم فيه ان النيفا محتاجه تحكم اكتر وده بس لما تحبى تمشى على سرعات عاليه وده على فكره فى اي عربيه عاليه عن المستوى العادى للسيدان
وطبعا لما تفكرى تشترى نيفا لازم يكون معاكى ميكانيكى او سمكرى
ومتشكر على الكومنت على عربيتى
والله المستعان

**MEKAWY2000** · 12-02-2013 12:31 AM

متابع اوجه المقارنه بس النيفا عمليه ومتانه وتحميل اما بالنسبه للسرعه فاممكن التحكم فيها لمعرفه قدر السياره فى السرعه والدورنات وممكن يركب لها جنوط وكوتش عريض لتلاشى الدورنات المفاجئه واصلا مصر كلها بقت زحمه مش عايزه سرعه

**aw2100** · 12-02-2013 12:51 AM

بصى جيبى اي عربية ماعاد 128 و127و 132 والريجاتا ممكن تجيبى سوزوكى ماروتى او سوزوكى التو موفرة جدا فى البنزين اما النيفا موتورها 1600 بتاكل بنزين وانا بحب ابص للناحية الأقتصادية والعربيتين شيك وبناتى ؟؟؟؟

**aw2100** · 12-02-2013 09:25 PM

المشاركة الأصلية كتبت بواسطة zega332

طبعاً بعد اذن حضرتك انا شايف انك راكب فليشيا انا لسه بايع واحده موديل 96 1300 سى سى وكانت فوق الممتازه فابريكه بره وجوه ودلوقتى معايا نيفا واستهلاك البنزين وااااااااااااحد مش معنى انها 1600 يبقى سحبها فى البنزين كتير اهم حاجة ظبط الموتور . وعلى فكره انا حاسبلها على طريق سفر هى والفليشيا

حضرتك انا باتكلم عن سوزوكى ماروتى 800 cc او سوزوكى التو 1000 cc انجكشن ودول بيعملوا فى اللتر حوالى 20 ك جوة البلد شوف بقى فى الطوالى بيعملوا كام ؟
بالنسبة للفليشيا فى السفر بتعمل معايا 12.5 ك فى اللتر وجوة البلد 9.5 ك لتر وهى كاربراتير بالنسبة للنيفا 1600 بتعمل معاك كام كمعلومة لى ؟؟

**SHNORY** · 12-02-2013 09:31 PM

المشاركة الأصلية كتبت بواسطة i_am_legend

لادا سمارا. راااائعة جدا...وركوبتها جميلة وثابتة جدااا...وناعمة مووووت...وسعرها حدود 15 الف بالكتير...كانت عندي وكنت مبسوط بيها جداا..ظ

هو بعد اللي احنا عملناه في السماره واللي انت قولته عنها فاكرها لسه ب15 ؟؟
ههههههههه
معانا عضوين فاضلين هنا واحد شاريها ب17 والتاني ب19
وكان فيه عضو تالت كلمني من فتره انه قدامه واحده ب20
وربنا يوفق صاحب الموضوع ويلاقي عربيه كويسه مناسبه ليه