من كام يوم كنت عند صابر بظبط حاجة

قابلت اخ محترم هناك كان معاه فيكترا بى 2

المهم قعدنا ندردش شوية فجت سيرة السحب وفلتر البنزين والمنظفات بتاعت دورة البنزين فهو بصراحة قالى على تجربة عجبتنى وقالى انها خلت عربيته بتطير ما شاء الله

هو الاول غير فلتر البنزين وبعدين جاب من عند منصور علبتين منظف انجكشن قالى العلبة ب 26 جنيه وتحطهم فى التانك وتفول وتخلص التفويلة

وبعدين جاب علبتين منظف دورة بنزين اسمه باور ماكس هو تقريبا يا المانى يا امريكى وبردو تحطهم وتفول عليهم قالى من التوفيقية من واحد ادام لهيطة بس على الناصية وتقريبا سعره فى الاربعينات جنيه

المهم انه قالى ان سحب العربية بقى ماشاء الله ملوش حل .. وقالى جربها وادعيلى

انا بصراحة كنت هعدى مرحلة الانجكشن دى وكنت هجيب منظف دورة البنزين على طول وفعلا دورت عليه امبارح كتير ملقيتوش فقلت لما الدنيا تهدى شوية ابقى انزل التوفيقية اجيبه

عايز اعرف رايكم فى الفكرة دى وهل فى افكار تانية ممكن نعملها ننظف الانجكشن ودورة البنزين وايه افضل المنتجات اللى فى السوق من الاضافات دى