-
مسمار مقاس زيت الفتيس
السلام عليكم ورحمة الله وبركاته
:openflower3::openflower3::openflower3:
:openflower3::openflower3:
:openflower3:
الاخوة الافاضل جميعا اولا اتوجه بالشكر للجميع اللى ما بيبخلوش علينا بالمعلومات والافادة
:B4_007:
ثانيا
العربية Opel Corsa b 1200cc (Swing)
من فترة 6 شهور غير الدبرياج والميكانيكى كان حط فى العربية تقريبا 2ونص لتر زيت فتيس بترومين 90 وبعدها بشهرين كان ميكانيكى تانى رفع المحرك عشان يركب اوسيه الكرنك وأوسيه فتيس وقالى انه محطش زيت للفتيس المهم بعد ما انضميت للمنتدى جالى بقى الوسواس ان يكون زيت الفتيس ناقص او مش موجود وخصوصا انى بالقي زيت على الدراع بتاع الناقل اللى طالعة من بطيخة الفتيس فقمت جيت من نفسى وزودت زيت فتيس وماعرفش حاجة عن مسمار المقاس دا .
نزلت النهاردة بقى قولت افتح المسمار دا عشان اكون ضامن انى منزل زيت الفتيس الزيادة دا مالقتش المسمار دا ابدا زى موضوع استاذ عصام غنايم فى الدايوhttp://www.nilemotors.net/Nile/228628-a.html
فتشت فيها ومالقتش غير الجزء دا اللى شبه المسمار لكنه مش قلاووظ
http://img259.imageshack.us/img259/504/dsc00632sq.jpg
بس لقيت عليها زيت وهى متركبة زى فى الصورة دى
http://img833.imageshack.us/img833/7752/dsc00629iu.jpg
هل دى فعلا هى مسمار الزيت ولو مش هى يبقى مسمار مقاس زيت الفتيس دى فين ؟؟؟
:beatbrick:
وشكرا للجميع على الاهتمام
-
هو انا مش عارف ايه الي في الصوره دي
بس طبه مقاس الزيت مش هتبان من فوق هنا ....هي تحت في جنب الفتيس من ناحيه العجل اليمين ( لو واقف قدام العربيه ).... هي فوق كارتيره الفتيس بشويه... عشان تشوفها لازم ترفع العربيه
-
-
-لا اعتقد ان ده طبه او مسمار البيان ولا حتي مقاس لان مستواه عالي قوي دور تحت كويس هتلاقيه
-
-
دى طبة الفايظ
و دى بلاستيك
و المفروض ان عليها سوسته
من غير السوسته تفضل تجيب زيت
هات سوسته قلم جاف
و اعملها على قدها
بس متكونشى قوية قوى عشان متطلعشى من مكانها و تضيع
-
الفايز عندي بيخرج من مسمار التزويد نفسه ..مسمار 17 مخروم من النص علشان بخار الزيت
-
تمام
ده الفايز بتاع البخر
مش فايز الفتيس
-
عندى طبة التزويد مخرومة النص برضه لدرجة ان كان ميكانيكى كان بيقولى ابقى زود منها زيت هههههههههههههه
المهم دلوقتى انا فعلا فليت جنب الفتيس اليمين دا ومالقتش المسمار دا خالص
بس هنزلها بكرة تانى واشوفه وربنا يسهل
بس هو انا افتح اشيل المسمار واللى ينزل منها دا يبقى كدا خلاص زيادة والمفروض ينزل ولو ما نزلش حاجة ازود ولا ايه؟؟
-
انا لسه مغير زيت الفتيس من اسبوعين
الطبه دي لازم ترفع العربيه عشان تشوفها ... و عشان تعرف تفكها لازم تفك الكاوتش اليمين ( و هي بتتفك بالانكيه ) و هتستخدمله يد تطويل كمان عشان تطولها ... هي مزنوقه اوي ..
هي المفروض يادوبك تجيب زيت خفيف ...
لو جابت كتير يبقي سيبه ينزل شويه
لو مجابتش خالص ... ممكن يكون ناقص
-
خلي بالك انك لازم تحافظ علي مستوي العربيه الافقي ماتبقاش مايله لجنب دون الاخر علشان تعرف معيار الزيت تمام
Content Relevant URLs by
vBSEO 3.6.0 PL2