الموضوع: مسمار مقاس زيت الفتيس

السلام عليكم ورحمة الله وبركاته



الاخوة الافاضل جميعا اولا اتوجه بالشكر للجميع اللى ما بيبخلوش علينا بالمعلومات والافادة


ثانيا
العربية Opel Corsa b 1200cc (Swing)

من فترة 6 شهور غير الدبرياج والميكانيكى كان حط فى العربية تقريبا 2ونص لتر زيت فتيس بترومين 90 وبعدها بشهرين كان ميكانيكى تانى رفع المحرك عشان يركب اوسيه الكرنك وأوسيه فتيس وقالى انه محطش زيت للفتيس المهم بعد ما انضميت للمنتدى جالى بقى الوسواس ان يكون زيت الفتيس ناقص او مش موجود وخصوصا انى بالقي زيت على الدراع بتاع الناقل اللى طالعة من بطيخة الفتيس فقمت جيت من نفسى وزودت زيت فتيس وماعرفش حاجة عن مسمار المقاس دا .

نزلت النهاردة بقى قولت افتح المسمار دا عشان اكون ضامن انى منزل زيت الفتيس الزيادة دا مالقتش المسمار دا ابدا زى موضوع استاذ عصام غنايم فى الدايوhttp://www.nilemotors.net/Nile/228628-a.html

فتشت فيها ومالقتش غير الجزء دا اللى شبه المسمار لكنه مش قلاووظ


بس لقيت عليها زيت وهى متركبة زى فى الصورة دى



هل دى فعلا هى مسمار الزيت ولو مش هى يبقى مسمار مقاس زيت الفتيس دى فين ؟؟؟


وشكرا للجميع على الاهتمام