مشكلة في ال128 ...... تقديم كهربا

**Haytham4ever** · 10-02-2013 03:07 PM

السلام عليكم
غيرت موتور العربية و جبت موتور ريتمو 70 1300سي سي
و المشكلة دي بدأت مع الموتور الجديد
العربية بتقدم كهربا لوحدها
انا في الاول مكنتش عارف ايه المشكلة
اجيب ميكانيكي يضبط الاسبراتير و تدور
ساعات و انا ماشي الاقيها قدمت كهربا لوحدها و العربية بقت تسقف
امبارح عملتها معايا برضه و اضطريت أأخر الكهربا لدرجة اني لفيت الاسبراتير 180 درجة !!
بس اخدت بالي من حاجة مهمة اعتقد هي سبب المشكلة
ان الاسبراتير لما بيركب في ترس الزيت اللي في الموتور مش بيوصل للآخر
تحس ان في حاجة بتمنعه يوصل للآخر لدرجة ان قاعدة الاسبراتير بتبقى مش لامسة الموتور و في فراغ كبير بينهم
حاول اخرج ترس الزيت اشوف ماله انما مش عارف مكلبش اوي جوه
حاسس ان ترس الزيت ده هو سبب المشكلة كلها ... مش راكب في مكانه صح

حد عنده فكره عن المشكلة دي ؟؟!!

**مواطن مصرى** · 10-02-2013 11:40 PM

1- مفيش علاقه بين ترس الزيت (اول مره اسمع كلمه ترس الزيت) و الكهرباء .. الاسبيراتير بيركب بين الموتور و الموبينه لتوصيل الكهرباء و لا علاقه له بتروس الموتور و لا بالموتور من الداخل

2- موتور الريتمو بيشتغل باسبيراتير اليكترونى (مشط اشعال) مش اسبيراتير عادى (ابلاتين و كوندنسر)

جرب غير الاسبيراتير ككل بواحد استيراد و شوف ايه الحكايه ..

**Haytham4ever** · 11-02-2013 08:32 PM

المشاركة الأصلية كتبت بواسطة مواطن مصرى

1- مفيش علاقه بين ترس الزيت (اول مره اسمع كلمه ترس الزيت) و الكهرباء .. الاسبيراتير بيركب بين الموتور و الموبينه لتوصيل الكهرباء و لا علاقه له بتروس الموتور و لا بالموتور من الداخل

و ايه اللي بيخلي الاسبراتير يلف ؟؟!!