صباح الخير ياشباب
http://t1.gstatic.com/images?q=tbn:A...ksgjlZxsFNnVaA
بأختصار حد جرب مقاس كويتش
١٥/١٩٥/٦٠
على يارس
هل بيتحك ولا عادي علماً ان المقاس الاصلي ١٨٥ /٦٠
فبرجاء الي هيقول يكون صادق معنا علشان هيرتبط بكلاموا قرارات مصيرية
عرض للطباعة
صباح الخير ياشباب
http://t1.gstatic.com/images?q=tbn:A...ksgjlZxsFNnVaA
بأختصار حد جرب مقاس كويتش
١٥/١٩٥/٦٠
على يارس
هل بيتحك ولا عادي علماً ان المقاس الاصلي ١٨٥ /٦٠
فبرجاء الي هيقول يكون صادق معنا علشان هيرتبط بكلاموا قرارات مصيرية
فكرت فالموضوع ده بردوا
تعرض الكاوتش بدون تغير الجنط ..
الله ينور عليك يابوحمبد هو ده البتكلم فيه
انو نعرض الكويتش من 185 لي 195
وبستند في كلامي ان الناس الي بتجنط بيركبو 200و 205 كمان والحياة لزيزة ....بس كمان في ناس اصدقائي بيشتكولي انهم عملو الحركة دي في بيجو 405 وعربية وفي اوبل فيكتر وعاوزين يبيعو الكويتشات علشان بتحوووك .... وانا اكره حاجة عندي اني اشتري الحاجة من هنا وابقى عاوز ابيعها من هنا
انا سألت ناس كتييير و محلات جنوط كتييير و كله قال ان ال195 عادي .. بس الكلام انه لازم يبقى 195 55 مش 195 60
ياريت حد يفيدنا علشان انا كمان بفكر فى 205/60/15
سلام عليكم أستاذ ياريس، إيه الفايدة من تعريض الكاوتش؟ المصنع أكيد عمل القياسات بتاعة الجنوط و الكوتش و مقاساته بعد دراسات مستفيضة لإستهلاك البنزين الالتوازن إستهلاك الكاوتش و كلو يبقى إيه العائد يا مدير؟ جارك من أكتوبر - أحمد سامي
تعريض الكاوتش = ثبات افضل + فرامل أقوي و لكن صوت كاوتش عالي الا لو كاوتش ملوش صوت و زياده طفيفه تكاد لا تذكر في استهلاك البنزين
Thank you Mr. Kareem
You Welcome
لصاحب الموضوع
فكر في اليوكاهاما ال C DRIVE
هتدعيلي و ياباني كمان
195/55 ده أقرب مقاس ليك
حبايب قلبي جميعاً معليش سامحوني في التاخر في الرد
بالنسبة لتعريض الكويتش هو زي ما قال استاذ كريم كده شوية ثبات زيادة ومنو كمان اني حاسس لمن بشوف العربية من بعيد ان الجنوط او الكويتشات بتاعتها عاملة زي البلي كدة ( صغيرة )
الي استغربتلوا ان اليارس في الهند والخليج بتنزل بجنط ١٤. بس في مصر واوربا ودول كتير بتنزل ب ١٥ ولا حطت كمان من كل المنتديات الي مشترك فيها ان ناس كتير مركبة جنط ١٦ واشتكيت من ان العربية بتديب على الارض جامد
واكد لي الكلام ده شب من الشباب بسم الله مشاء الله انا مشوفتش حد مزبط عربيتو اليارس زي ماهو مزبطها بسم الله مشاء الله ربنا يباركلو عامل عربيتو نيد فور اسبيد
@@@@@@@@@@
سؤال كمان يا استاذ كريم
بتقول اجرب كويتش يوكهاما وهدعيلك ... طب ما تقولي ياباشا عن مميزاتوا شوقتني ... اهو على الاقل لو ما اشتريتهوش انا اهو هدعيلك دعوة حلوة :)
@@@@@@@
وايجيبشن حبيب قلبي جاري وحبيبي يا. ولكم بيك
اخوك / محمد الرفاعي ... وتحياتي
حبيبي الله يكرمك و يباركلك فيها و يكفيك شر العين
قريبي جربه في ال 14 عاوز أقولك بيقولي أجيب الفرده ديه ولا أجيب الميشلان !!
ه ناس جربت نقشه اسمها S DRIVE ديه كلبه أداء بقي تراكشن وهمي بس صوتها عالي سيكه و ما بقتش بالاقيها
و لكن ال C DRIVE ما بين الاتنين تراكشن حلو و صوت هادي و ناس هنا علي المنتدي ركبته و عجبها أوي مماثل ل ال تورانزا GR-90 مع الفارق في السعر هو اقل بالتلت تقريبا عن البريدج
انا ان شاء ناوي عليه بس لما ربك يبعت بفلوس و ممكن تسأل الناس اللي ركبته هنا علي المنتدي
افكس بقي لكومهو و هانكوك و ركز في بريدج و يوكاهاما و ميشلان و بس و شوف ال REVIEW بتاعهم علي النت و الاهم النقشه مش نوع الكاوتش و شوف ال Yokahama S Drive ديه علي تاير راك عامل ايه و جايه قبل مين و بعديها مين
بالتوفيق
كويس ان مقاس الكاوتش فى مصر 15 185/60 هنا فى السعودية الياريس بتنزل 14 175/65 اعلى فئة بس اللى بتنزل بجنوط 15 185/60
ده الكاوتش 14 175/65
http://www8.0zz0.com/2013/02/12/12/509093949.jpg
وده الجنوط 15 185/60
http://www8.0zz0.com/2013/02/12/12/197484735.jpg
ال 195 يحك !! ؟ ياراجل يا طيب ده ال 205 مش بيحك !!
الياريس تشيل معاك لحد 215 بدون مشاكل
نصيحتي ليك لو حابب تزود الثبات جامد !! يبقى تعمل الافتكاسة اللى انا عملتها
فردتين قدام مقاس 195/55/15
ورا فردتين مقاس 205/55/15
وهتدعيلي من هنا للسنة الجاية !!
الاهم من المقاسات نوع الكاوتش اللى هتركب
ال S drive وال Ecsta SPT تقريبا نفس الاداء والاتنين افضل من التورنزا ال GR90
انا جربت ال Ecsta SPT وبصراحة الفردة دي جباااارة ماشاء الله تبارك الله
طب والكومهو السولس اخباره ايه بالنسبة للمقاس ١٩٥/٦٠/١٥
solus وحش جدااااااااااااا
مفيش تماسك ولا ثبات و زحاليق مع الفرامل
حبايب قلبي جميعاً
يارب كده يوفقكم ويرزقكم واشوف كل واحد فيكم دكتور قددد الدنيااااااا .... ونفرح بيكم يارب ونشرب شربات فرحكم قادر ياكريم :)
دلوقتي في مشاركة هنا لدكتور احمد بيقول فيها مقاس ١٥/٥٥/٢٠٥ مزبوط
المقاس ده اذا بيركب على اليارس. فهل ممكن نخصم من ال ٢٠٥ بتاعت العرض ونخليها ١٩٥ ملي فقط
ونزود مقاس الارتفاع من ٥٥ ل ٦٥ ملي !
اصل انتوا عارفين النظرية ايه كل ما يزيد الارتفاع تحس العربية كده من بعيد واقفة زي الفرسة الي مش ناقصها غير الخيال الي هو انا. وتلاقيها كده تشرح القلب بسم الله مشاء الله مش عاوز احس ان العربية نايمة على الارض ومركب فيها فرد عاملة زي البلي الصغير ... اصل انا بإذنك يارب. وبمشيئة واحد أحد ناوي اجنط العربية. بس هركب الجنوط الاصلية بتاعت العربية الي هيا مروحة. ١٥ اسبور .
فلو انا ركبت الجنط الاسبور بتعتها الاصلي ( استيراد)
وركبتوا على نفس المقاس بتاع الكويتش الفبريكة يبقى انا بكده عملت ايه كده تيتي تيتي زي ماروحتي زي ماجيتي ... فانا عاوز اعلي سنة وارفع بس كمان خايف من الاحتكاك لدرجة امبارح حلمت بكابوس اني جنط وجي فرحان. بالعربية لقيت الكويتش اتقطع وقعد يحك فالموضوع مشكل ليا نوع من الهاجس فهل لو ركبت مقاس ١٩٥ / ٦٠ /١٥ يعني زودت ١٠ سم عن مقاس الفبريكة. هيحك. في الكرتيرات. بالزات ان فتحات الكرتيرة في اليارس مش كبيرة زي العربيات الكوري والالماني دي يادوبك على القد فاهمني ! ... وتحياتي
طب يا عمدة لو في جنوط استيراد 15 او 16 اي شكل
او الحديد العادية للكورولا قولي
علشان عندي 4 فرد بتوع ياريس 15 وعاوز اركبهم عندي والجنط الي فالعربية 14 فمش هينفع ..
تركيبة Ahmod
ممتازة
هترفع ورا وتركع أدام
بمعنى
العربية من أدام ارتفاعها ثابت وورا هتترفع سنة مقابل عرض مرضي جداً
وانعدام تقريبي للإحتكاك في المطبات
وعلى فكرة عرض جنطك يشيل لحد 205 مثالي و215 ماكسيمام
لو مقاسات مختلفه ورا و ودام
هيعمل الروتلشن ازايي !
و يا سلام بقي لو directional rotation
باشا ال 195 مستحيييل يحك !! انت بتتكلم في ايه !! ؟
انا مركب قدام فردتين 195/50 مع جنط 16 !! وزي الفل
وواحد صاحبي مركب 205/50 مع جنط 16 في الاربع فرد وزي الفل برضوا !!!!
وبعدين يا باشا معروف كل مالعربية ماتبقى نايمة على الارض كل مايبقى شكلها احلى ومتوحش ورياضي !! ؟ اول مرة اشوف حد بيقول ان العربية وهي عالية بتبقى حلوة !! ؟؟؟
الى غير انها لما تعلى الثبات هيقل !! يبقى انت ماعملتش حاجة :grrrr:
المقاس المظبوط مع العرض 195 في حالة الجنط ال 15 حاجة من اتنين
195/55/15 او 205/55/15 ولك مطلق الحرية تركب انهي فيهم والاتنين مش هيعملو اي مشاكل معاك
ماتنساش تركز على نوع الكاوتش اما S drive او Ecsta SPT Ku31
+1111111 وده فعلا اللى حصل ان العربية بقت عاملة زي السهم عالية من ورا حجات بسيطة وواطية من قدام واداني ثبات رائع جدا
ماهو في الحالة دي مش هينفع يعمل Rotation للاسف !!!
انا فكرتي ان اركب قدام 195/50 وورا 205/50 هي ان ازود الثبات وفي نفس الوقت مش عايز اعرض العجل القدام والعربية دفع امامي فهيقلل معايا السحب شوية
وبيني وبينك الموضوع جيه بالصدفة اصلا !!
انا كنت مركب الاربع فرد 195/50/16 وجت فردة جابت بلونة ونوع الكاوتش كنت جايبه اكسليرا التماسك بتاعه مش قد كدة !!
فكنت حابب اغير ل Ecsta فمالقتش منه المقاس 195/50/16 !! فاضطريت اني اجيب 205 وحطيتهم ورا
والحمد لله طلعت افتكاسة كويسة
ماتنساش تركز على نوع الكاوتش اما S drive او Ecsta SPT Ku31
[COLOR="rgb(139, 0, 0)"] دي ماركت كويتش ولا لازم يكون مكتوب على الكويتش الكلمتين دول يا بوحميد لاني بفكر اجيب كويتش بيردجستون البولنيز بتاعها الاصلي .... وتحياتي [/COLOR]
عجبكم كده اهو عقبال مارديتم على سؤالي الاسعار ولعت
رحت النهردة اسئل توكيل بريدجستون واقولوا انا عاوز فردتين ١٥/١٩٥/٦٠
قالي معليش السعر زاد من يومين بالزبط وبقت ب ٧٨٠ جنيييييييييييييييية الفردة
قلتلوا ايييييييييييه انا مش قلتلك استناني لحد مانزل موضوع واسئل الشباب عن الفردة هتحك ولا لأ قالي ماهو سياتك عارف سعر الدولار ... قلتلوا يا فندم الكويتش متخززززن عندك. ولا هو انتا شاريها من اليابان اول امبارح بالليل. '!!!! يالله. ياااااااااااالله اعمل ايه بس في البلد دي اعمل فيها ايه بس ... اجيب جركن بانزين واولع في نفسي زي بتاع تونس كده ويقلك الراجل اتجنن. وولع في نفسوا علشان فردت كويتش !!!
والمصيبة المصيبة. اني عارف هشتريها من هنا واحلى مسامير وخوازيق هتخش في الكويتش من هنا
ده الفردة كان سعرها ٥٠٠ ويوم ما اتمعظمت بقت ٦٠٠ وهو ده السعر الي قالولي عليه من تالت تيام
اجي النهردة يقولولي ٧٨٠. ومقاس ١٨٥/٦٠ ب ٧٢٠. لا حول ولاقوة الا بالله ياربي
لاحول ولاقوة الا بالله ياربي ( باااااان عليها يارب )
( باااان عليها يارب )
لقد هريمنااااااااااااا من اجل هذه الفردة التاريخية ... وفي الاخر يغلووها
( حسبي الله ونعم الوكيل )
ونيجي نقولهم اعملولنا خصم انا من نايل موترز يقولك لا لازم استيكر. ... استيكر ايه ده انااسمي متعلق على لوحة الشرف على اول المنتدى وعلى الباب بتاع المنتدى
حد يشوفلي استيكر من عندو سلف ياشباب :)
اه يا مراري يمه ااااه
780 !!!!!
لا اله الا الله يعني الفردة هتبقي ب1000 جنيه ف 2014
كل هذا التقدم (فالاسعار) ًً
طب وايه اخبار الكومهو ال solus
انا كنت بردوا بفكر فالبوتينزا زي الي فالياريس
لكن حاليا اقتنعت اكيد بثقتك فالفردة دي
قولي اسمها ايه بالظبط ( انا عاوز فردة تكون حلوة فالفرامل والثبات ده اهم شئ ) الباقي بقي صوت وكده الخ مش مهم
وغالبا هدور علي مقاس 14_ 195 لان الجنط الي فيها الاصلي 14
وايه رأيك مثلا لو جبت جنط 15 وركبت نفس المقاس هتبقي هي هي ؟؟
في انتظار رايك يا دكتور .. :openflower3:
على فكرة يا احمد جنط الكورولا ال ١٤ عامل ٢٠٠٠ جنية استيراد. وال ١٥ جديد تايلاندي عامل ٣٠٠٠ جنية لو عاوز قولي علشان متتعبش وتلف كتير هقولك عند مين ومين في السوق بس اذا حد لقى جنوط يارس الاصلي. ياريت يلاغيني لاني لفيت عليه مش لاقيه خالص في السوق ولا حتى عند الكماليات الي في التوكيل الرئيسي
وعند العالمية عندهم فردتين بس الفردة بيبعوها على ١٠٠٠ جنية علشان قطاعي ومعندهمش طقم. وتحياتي :)
تسلم يا حج
طبعا الجنوط دي الجنوط الاسبور للكورولا مش الحديد
لو كده هتبقي عالية ولسه في كاوتش !! طب لو جنط حديد 15 عادي بتاع الياريس يعمل كام ؟؟
انا مش بقول ان البوتينزا وحش !!
البوتينزا فردة محترمة جدا طبعا وفرامل واداء وعمر افتراضي
لكن فيه فرق مابين نقشة عادية ونقشة رياضية
ماينفعش تقارن ال Kumho Ku31 بال Potenza
لان ال Ku31 تعتبر فردة رياضية في حين ال potenza RE-80 تعتبر فردة عادية
لو عايز تقارن يبقى تقارن ال Ku31 بال Potenza Adrenaline وطبعا البوتينزا افضل
بس مع فرق السعر !! ؟ الادرينالين اخر مرة سالت عليها كانت ب 950 جنيه !! ؟ وده من سنتين
اعتقد دلوقتي هتعدي ال 1300 جنيه مرتاح !!
فاعتقد كقيمة مقابل سعر ال Ku31 تعتبر فردة ممتازة
بالنسبة للمقاس انت الاستوك عندك كام ؟
ماتفكرنيش بالجنط الحديد الاصلي !! ؟
كنت فاكر انه مالوش قيمة وبعته للاسف مع الكاوتش القديم !! ؟
تخيل بعت الفردة بوتينزا ياباني + جنط حديد اصلي ب 75 جنيه !! :_Alshmokh11:
تقريبا بعت الاربعة ب 350 جنيه !! الفرد بالجنط الحديد
بعد كدة اكتشفت بالصدفة ان الجنط الحديد ده لوحده غالي !! خصوصا لو الاصلي اللى نازل مع العربية
يلا ربنا يبارك للي اشترى
- فاكر صدقني وساعتها ضاعوا واتباعوا مع اني كنت عاوز الجنط الحديد بس النصيب
- خلا الوقت يعدي ويروحوا لصحاب النصيب معلش انا عارف انه اغلا كتير من الي بعتهم بيه بس يمكن نصيب المشتري بقي ربنا يبارك ليه وليك
- انا حتي حاليا عندي طقم كاوتش نفس الي كان فالياريس بيرد وماشين قليل وحالتهم نظيفة ومركونين لحد ما استقر اشتري جنط واركبهم ولا اشتري كاوتش جديد واركبه علي جنط العربية الاصلي ؟! :openflower3:
واللهي انا كنت عاوز انبهكم للحته دي
واخرهم معتز كمان باع الجنوط الحديد الاصلي. بتاعت العربية ... وهيا مهمه جداً لان احتمال في المستقبل تحتاجها
الجنط الحديد استيراد يعمل من ٢٥٠ ل ٣٠٠ جنية
واذا جديد بره التوكيل عند العالمية ب ٨٥٠. الفردة
وفي التوكيل اكيد هيبقى اغلى :)
ده انتا شوف الصامولة الوحدة الاصلي الياباني تمنها كام هههههههههه
يعني بجد خسارة خسارة لو بعتهم ويابلاش ٧٥ جنية كنت اشتريتهم منك أنا ونزلت وقفت بيهم في سوق الجمعة ولا سوق التلات هيجبولي اكتر من كدة :)
4 جنوط حديد اصلي استيراد ب300 جنيه طيب حالتهم كويسة ويكونوا 15 طبعا
وايه رايك لو اشتريهم وتعرف حد كويس ..؟
كل الحلول مطروحة للنقاش ..
هو اولاً يابوحميد من حيث هتحس بفرق هتحس بفرق بين ال ١٤ وبين ال ١٥ بس الي يخليني اشتري جنوط صاج ب ٢٥٠ ولا ٣٠٠ جنية ده لسه غير تمن الطيس
طب ما ازود بس ٥٠٠ جنية يعني كلو كلو ١٥٠٠ جنية وتعالة. هتكل طقم جنوط ١٥ اسبور صيني واهو لو اتكسر بعد سنة ولا سنتين مش مشكلة بس اديك. انبسط بيهم وخدت خيرهم ولا ايه