صوت غريب .. !!

**Ahmed Hamdy** · 30-07-2008 11:02 AM

عندى مشكلة بقالها كام يوم ..
بسمع صوت غريب جاى من ناحية العجل الأمامى وأعتقد انه من ناحيتى خاصة لانى بحس بيه كمان تحت رجلى .. صوت عامل زى الوابور كده ..
وبيزيد كل ما السرعة تزيد .. هل ده من بلى العجل ؟؟

كمان عندى مشكلة تانية .. العربية بقت تاكل زيت تقريبا ..
الاسبوع اللى فات بدأت ألاقى لمبة الزيت بتنور كل شوية .. وبعدين كشفت على الزيت لقيته ناقص خالص .. رحت أغير زيت الراجل قالى ده ناقص جدا .. بس مش بلاقى تنقيط زيت تحت العربية .. ده معناه ايه ؟؟؟

**hazem_khidr** · 30-07-2008 11:08 AM

اهلا بيك يا اخي الفاضل:)
اولا الصوت دا في الغالب بليه بتبقي عباره عن ونه كده.
الزيت كده فعلا بيتاكل و معني كده ان الموتور بقي خفيف
كحل مؤقت لتلافي نقصان الزيت حط مع كل غيار الزيت علبه زيت شنبر
عباره عن زيت تقيل بيطلع في الاماكن المتآكله و بيسدها فبيمنع تبخير الزيت

**Nader** · 30-07-2008 12:08 PM

المشاركة الأصلية كتبت بواسطة hazem_khidr

اهلا بيك يا

الزيت كده فعلا بيتاكل و معني كده ان الموتور بقي خفيف
كحل مؤقت لتلافي نقصان الزيت حط مع كل غيار الزيت علبه زيت شنبر
عباره عن زيت تقيل بيطلع في الاماكن المتآكله و بيسدها فبيمنع تبخير الزيت

واستخدم زيت احادي الدرجة تقيل مش زيت متعدد الدرجات

بالاضافة لعلبة زيت الشنبر طبعاً زي ما قال الاستاذ حازم.

**Ahmed Hamdy** · 31-07-2008 02:32 PM

يا جماعة طب معلش استحملونى فى شوية أسئلة كده .. أخوكو مزنوووووووق ..

طيب أنا غيرت زيت الاسبوع اللى فات ,,, ينفع أحط زيت الشنبر ده دلوقتى ؟؟ ولا لازم مع تغيير الزيت ؟؟
وايه الانواع الكويسة فى زيت الشنبر ده وتيجى منين ؟؟

وبالنسبة للبلية .. إيه أعراضها غير صوت الونة دى ؟؟
أصل الصوت عمال يزيد وفى حاجات تانية بدأت تحصل معاه مش عارف دى برضه من البلية ولا ايه .. حاسس ان الدريكسيون عمال يخف والزوايا مبقتش مظبوطة .. يعنى الطارة مبقتش فى النص على عدلة العربية .. !!!!!