عرض للطباعة
مساء الفل على احلى قسم اخواتى الهونداويه
معايا سيفك 98 وسخنت قبل كده وعملت ليها جوانين وبقالي يومين بلاحظ انخفاض الميه ف القربه ووجود زيت على الميه
الميكانيكي قالي ده زيت الفتيس غير الرياتير عشان الزيت بيخش ع الميه (فتيس اوتو) رحت اغير الرياتير
الراجل شاف الماسوره التى بتوصل الزيت من تحت لقاها سليمه
مش عارف اعمل ايه ماكينه تانيه استعمال ولا اغير واجيب جين تو ولا ابيع وخلاص مش عارف افيدونى انا تعبت:_Alshmokh11::_Alshmokh11::_Alshmokh11::_A lshmokh11::36_7_4[1]::36_7_4[1]::36_7_4[1]:
فينك يا سمسم
انا اللي اعرفه لو زيت موتور على ميه تعمل طحينة وهتسخن منك بس معرفش لو زيت فيتيس بيحصلو ايه
بس عموما ممكن تجرب حاجه...افتح غطا ردياتير وزود مية علي الاخر وطبعا انت مدوور العربية ولما تبقي علي اخر لحد الزور بطل وخلي حد يدور وخليك ملاحظ الزور مع المارش لو ميه نطرت جامد يبقي اه في كبس والوش فيه مشكله لو محصلش كده يبقي مشكله من ردياتير
وعلى فكره مفيش حاجه اسمها كشف عليه من تحت لان لو مصوره متكله هتبقي من جوه ردياتير مش هبان
عندى نفس مشكلتك فى الفليشيا بس الزيت الموتور مطحن اعتقد كده وش سلندر لتالت مرة بما انك بتقول عامل جوانين قبل كده وانا بقى :_Alshmokh11::_Alshmokh11::_Alshmokh11: دى تانى مرة تجيب جوان وهاغير الموتور خالص عايز تتاكد بص على الزيت الموتور ده الدليل الوحيد اللى هيقطع الشك باليقين او بص على مقياس الزيت عندك شوفه لو عامل زى الطحينة كده ولا ايه وربنا يعينك ويعيننياقتباس:
المشاركة الأصلية كتبت بواسطة waled4u
اولا : اذيك ياباشا اخبارك اية ليك وحشةاقتباس:
المشاركة الأصلية كتبت بواسطة waled4u
ثانيا : اولا معنى ان الميكانيكى ركبلك جوانين كدة هو قشط من وش السلندر عشان كان فية عالى وواطى او شرخ بسيط , وطبعا دة للاسف بيضيع سحب العربية
- معنى كلمة وجود زيت فى المياة يبقى كدة الجوان ضرب عندك من ناحية مجرى الزيت فأدى الى اختلاط الزيت بالماء , وطبعا عشان نعرف يبقى تشوف هل فية مياة موجودة مع زيت المحرك ولا لأ , وطبعا دة بيتعرف عن طريق لون الزيت انة بيكون عامل زى اللون الطحينى او البنى الفاتح , وطبعا بتلاقى غطاء وش التاكيهات علية من فوق اللون الطحينى دة , واثار زيت موجودة فى الردياتير وعلى مقاس الزيت
دة بالنسبة للمحرك
اما بالنسبة للفتيس :
دلوقتى انت عندك ماسورتين واصلين للفتيس , الماسورتين دول لو متاكلين او بيسربوا مياة ( مع انى مستبعد دة نهائى ) هتلاقى الردياتير بيسرب من تحت , غير كدة مافيش
اللى تعملة بقى :
1- تجيب وش سلندر فاضى بدون كامات استيراد + جوان وش سلندر اصلى ونظف كويس قبل التركيب البلوكة من فوق والريدياتير + كوعة المياة + الخراطيم
وان شاء الله ياباشا كلة هيبقى تمام , وهترجع زى الفل
سامج باشا منور يا كبير والله وحشنى والف حمد الله ع السلامه خلى بالك دى عين بعد الجواز ههههههه ادبح ارنب
شكرا يا باشا على اسجابتك السريعه لمشكلتى بص النهارده بتاع الردياتير طلعه ونفخ ف ماسوره الزيت بتاعه الفتيس لقاها فعلا سليمه وما بتفيصش زى ما بتقول 000
وغطا الزيت لونه طبيعى مش طجينى ومقياس الزيت طبيعي مش طحيني ؟؟؟
بس لما بدور وغطا الميه مفتوح بتنطر ميه جامد قوى؟؟؟
الميكانيكى قالي ده جوان وريح نفسك وهات مكنه شورت بلوك تعمل 2000ج بدون ادوات التغذيه ونركبها وخلاص
سبته ورجت لواحد تانى قالى ممكن الوش عاوز يتربط كويس سبيها لما تبرد خالص ونربطه ونشوف
انا محتار بس بجد صوت العربيه بقي وحش قوى وعالى وفيه اصوات غريبه بتطلع م العربيه ايه رايه وش استعمال وجوان زى ما بتقول ولا اربط واشوف ولا شورت بلوك؟؟؟؟؟
لو البلوكه عندك سليمة يبقى تعمل زى ما سمسم قالك
ولو طلعت مش سليمة وفيها عالى وواطى يبقى تجيب مكنة
او شورت بلوك زى الميكانيكى ما قالك
اعرف منين لازم الميكانيكي يفكها بس انا ف العمره اللى فاتت وهو بيعمل الجوان زودا المونيا من الاجناب من عند الشمايز ووداها مخرطه وكلفي كتير والله كان احسن بلوكه من الاول انا كنت حاسس انه بيشتغلنى وكلفنى كتير اونطه
انا معرفش عربيتك فيها مبرد زيت موتور ولا لا.
عربيتي حصل فيها نفس المشكلة. الزيت ملا قربة الكولانت. وشكيت يكون جوان. بس طلع مبرد زيت الموتور هو المشكلة. غيرته وغسلت دورة المياه وبقت تمام.
مين ياباشا التحفة اللى عملك الشغل التعبان دةاقتباس:
المشاركة الأصلية كتبت بواسطة waled4u
شوف احسن حاجة ليك بلوكة بوش وشكرا على كدة هتعمل 2500 جنية وكل اللى هتعملة هتركب الفتيس بتاعك وادوات التغذية وشكرا
وربنا يباركلة بقى اللى عملك العك دة , بس انت بردة غلطان انك تتطاوعة
لو حضرتك بتتكلم على الدودج charger فطبعا مختلفة عن السيفيك اكيداقتباس:
المشاركة الأصلية كتبت بواسطة m_elkhishin
والسيفيك مافيش فيها مبرد زيت
سامح جاب معاك من الآخراقتباس:
المشاركة الأصلية كتبت بواسطة sameh_fouad
ومتقلقش ان شاء الله مش هتندم لما تجيب شورت بلوك
بس طبعا استنظف وهات حاجة حالة نظيفة ومتخليش التاجر ولا الصنايعى
يبعوا عليك كلام لو مش مقتنع بالحاجة متدفعش فيها جنية
هتحس انك ركب عربية جديدة وتنسى وجع القلب ده ... واسأل مجرب
الف شكر لكل الوحوش اللى استجابو لتساؤلاتى .......النهارده رحت واتفقت مع مورد عشان البلوكه وهيشوف واحده كويسه وهروح اركبها وربنا يسهل واقع ف مكنه حلوه تنسينى غلب السنين هههه
مبروك وربنا يرزقك بمكنة نضيفة تريحكاقتباس:
المشاركة الأصلية كتبت بواسطة waled4u
وابقى طمنا عملت اية
معلش انا هقول كلام ممكن يضايقك و ياريت تاخد كلامى بصدر رحب
يا جدعاااااااااان بلااااااااااااش استرخااااااااااااااااااص ابوس اديكوااااااااااااااا
لانكوا تروحوا لناس بتوع شاااااى و ترجعوا تقولوا العربيه فيها و فيها و فيها و فيها و فيها
يعنى ايه يعمل عمره يزود الوش المونيا
ازاى حضرتك تسمحله بالكلام ده
و يعنى ايه يركب جوانين وش سلندر و بعدين يضرب تااااااانى
اكيد اللى مركبه ........
لانه لو كان ركبه صح عمره ما كان هيضرب
لانه قلل من سحب العربيه فا بالتالى العربيه مش هتسحن ابداااااا ازاى هيضرب بقااااا
يا جدعان فى حاجه اسمها ميكانيكى هوندا
او ميكانيكى بيفهم يعنى ايه هوندا
اه هما ولاد .... حراقييين بس بيخلصوا الكلام و اهم حاجه ابعد عن بتوع الحرفيين خااااااااااالص
هتلاقى نفسك اه دفعت زياده شويه بس ريحت دماغك
انت حلك دلوقتى بلوكه بوش ( شورت بلوك )
علشان تريح دماغك خاااااااالص سعرها تقريبا 2500 جنيه زى قال سامح
ملحوظه : ياريت متزعلش من كلامى بس انا بتضايق جداااااا من الميكانيكه دول
ان شاء الله تخلص العربيه على خير
^_^
ربنا يخليك يا احمد وانا والله مش بسترخص ف الهوندا دى ليها عندى معزه جامده وبعتبرها فرد م العيله وليها يوم للسرفيس والتنظيف كل جمعه وتلميع بالورنيش وتشميع والسقف والفرش على طول وبتترفع كل شهر بس المشكله ان مفيش عندى ف دمياط حد بيهم فيها فبضطر اروح بورسعيد عشان اى حاجه اعملها دلوقت بس العمره دى كانت ف دمياط اول ماجبت العربيه وما كنتش فاهم فيها كويس فخليت واحد صاحبي دلنى على احسن ميكانيكي ف البلد وهو اللى ظبطنى زى مانت شايف عموما بورسعيد بلد الهوندا وحاليا لو عاوز كاوتش بروح بورسعيد هناك كل حاجه ويوم ما بكون مزنوق ومحتاج حاجه بجيب م الناس بتوع وارد هونج كونج زى نور الاسلام بيقى ارخص من وارد اليابان ومشكور يا ابوحميد ومنور وكفايه انك رديت انت وسمسم ربنا يبارك ليكو احنا كلنا اخوات وبنتبادل المشوره
وبالمناسبه انا شفت موضوع عسل عن معرفه لمبه الاعطال والكود وطلعت رقم العطل وصلحته بنفسي وكان فالف الفتيس شفت ازاى كلنا بننفع بعض
اقتباس:
المشاركة الأصلية كتبت بواسطة waled4u
اكيد يا باشا بننفع بعض
كلنا هنا اسره واحده و كله بيصب فى كله
^_^
اقتباس:
المشاركة الأصلية كتبت بواسطة waled4u
اكيد يا باشا بننفع بعض
كلنا هنا اسره واحده و كله بيصب فى كله
^_^