عرض للطباعة
السلام عليكم
معايا فيرنا 1600 موديل 2008
و غيرت الجنوط بس على نفس الكاوتش اللاسا اللى جاى فيها .
بعد 3500 كيلو تقريبا ظهرت معايا رجه فى الدريكسيون مع الفرمله ، روحت التوكيل قالولى عيب الطنابير و فعلا غيروا الطنابير و تيل الفرامل و للاسف المشكله لسه موجوده .
علما بان المشكله دى مكانتش موجوده قبل كدا هى ظهرت بعد حوالى 3500 كيلو .
يا ترى ايه الاسباب اللى ممكن تعمل الرجه دى فى الدريكسيون ؟
فى انتظار ردكم الكريم .
طنابير
MMamdouh
شكرا اخى على سرعة الرد
روحت التوكيل قالولى عيب الطنابير و فعلا غيروا الطنابير و تيل الفرامل و للاسف المشكله لسه موجوده
يا ترى ايه السبب يعنى الطنابير اللى ركبت برضه بايظة
العربية فيرنا... يعنى تجميع مصرى... صح؟؟
اللى اعرفة ان العربيات التجميع المصرى بينزل فيها طنابير صناعة مصرية و بالتالى العيب دة حيفضل يتكرر معاك لحد ما تركب طنابير صناعة محترمة
نفس القصة فى اللانوس و مبتتحلش الا لو جبت الطنابير البريمبو او حاجة المانى او حتى كورى... اى حاجة غير المصرى
MMamdouh
و يا ترى الطنابير الاصلية بتتباع فين و بكام ؟
و هل لازم اغير تيل الفرامل مع الطنابير ؟
غالباُ هتضطر تغير التيل مع الطنابير
بما ان التيل برده متغير مع الطنابير اخر مره...يبقي لسه جديد....اعتقد لا داعي لتغييره....
بس المفضل طبعا تغييره...لأنه ممكن يكون هو المسبب في تلف الطنابير....
لازم تغير التيل.... الطنابير الجديدة لازم تتطبع و مينفعش تتطبع صح بتيل مستعمل
MMamdouh
يعنى واحد شارى سيارة زيرو ودافع دم قلبة ومتابع مع التوكيل وتحصلة مشكلة زى دى.
انا كنت داخل ارد على المشاركة ومن العنوان اعتقد ان صاحبها معاة 128 للامانة دا اول احساس جالى عشان دا عيب شهير اوى فى ال 128 وهقولك نصيحة فى ودنك للطنابير
ممكن العيب دا يتكرر تانى وتالت ورابع حتى لو ركبت طنابير افضل اذا كنت بتغسل السيارة وهيا لسا سخنة من مشوار عشان الطنابير بتكون سخنة ولما بتيجى عليه المياه بيحصل انبعاجات طفيفة تؤدى لعدم انتظام سطحها فتعمل رجه مع الفرامل
عندى حل بس مش عارف هيكون مش مناسب لسيارة جديدة على العموم ممكن تشوفه لو عجبك
فك الطنابير وروح لواحد بتاع مخرطة وقلة صنفر الوش وهوا هيفهم عشان الناس اللى معاها سيارات قديمة بيعملوا كدا
بيصنفر الوش على الجلخ ومبيتاكلش منها شئ يذكر وتتركب تانى بعد ماتكون اتساوت
تمن الفك والتركيب من الميكانيكى فى حدود من 20 الى 40 جنية
تمن الجلخ ممكن تقول 25 جنية
وساعتها هتكون متساوية تماما ومش هترج معاك