يا مساء الفل علي كل الي بيسمعونا :)

اخباركم ايه يا رجالة
يارب تكون بكل خير وعربياتكم بفاضل حال

انا كنت عند الميكانيكي النهارده بيبص علي العربية علشان لقيت فجاءة الزيت ناقص جامد

قالي ان الموتور فيه سنة خفية

بصراحة اتصدمت واكتئبت

بس خير الحمدلله علي كل حال

ودلوقتي هو بيقولي كمل بيه شوية بس متتأخرش علي الزيت وتابعه كويس

واحنا نبقي نبقي نغير شنبر ( تقريبا ... والله نسيت ) وكده يعني

فابقوله عمرة يعني
قالي هي تععتبر مش عمرة بس احنا هنحل الماكينة ونضفها واي حاجة عاوزة تتغير نغيرها وهتبقي زي الفل

فا بقوله طيب انهي الاحسن
الي احنا هنعمله دا ولا اسقط موتور

قالي والله الي احنا هنعمله ارخص دي رقم واحد
ثانيا انا عندي الموتور اول مرة تحصل فيه حاجة او يتحل فا حالته نضيفة
فا مش مستاهلة

بس برضه انا قولت اخد رائيكم في الموضوع

وكمان لو نويت اسقط موتور ايه المواتير المتاحة وافضلها
( خصوصا اني بفكر اسقط موتور اكبر من 1300 )

فا ايه رائيكم
؟