الموضوع: ماتور اللانوس باظ والحمد لله

والله يا جماعة الفلوس فى ستين الف داهية
انا عملت العمرة والعربية اتقفلت يوم الخميس الساعة عشرة الصبح،وقعدت دايرة تليين مكانها لحد تانى يوم الجمعة الساعة عشرة الصبح يعنى 24 ساعة شغالة ومفيش اى مشكلة،قلنا نبطلها شوية تهدى وبعد شوية نمشى بيها شوية،وهنا كانت المفاجأة،بطلت العربية جيت ادورها تانى مارضيتش تدور،البطارية كانت شغالة تمام وباظت بدون اى مقدماااات،قلت ماشى نجيب بطارية بس بصراحة كنت مضايق جدا لان فلوس العمرة كانت لسة مش بردت ههههههه ،روحت بقا اصلى الجمعة اتوضيت فى المسجد وانا ماشى ع السيراميك واروح متزحلق ونازل على ضهرى،الحمد لله ماحصلش حاجة الا شوية الم بساط فى الكتف والرقبة والحمد لله راحو،الاسبوع ال فات ده كان اسبوع حافل بالابتلاءات،والحمد لله رب العالمين كل حال.بصراحة لما وقعت الوقعة دى وماحصليش حاجة قلت دى رسالة من ربنا علشان افهم ان قضى اخف من قضى